‘ਜੀਰੋ’, ‘ਮਣੀਕਰਣਿਕਾ’, ‘ਰਈਸ’, ‘ਰਾਂਝਣਾ’ ਅਤੇ ‘ਤਨੂ ਵੈਡਸ ਮਨੂ’ ਵਿੱਚ ਵੱਖ-ਵੱਖ ਕਿਰਦਾਰ ਨਿਭਾ ਚੁੱਕੇ ਮੁਹੰਮਦ ਜੀਸ਼ਾਨ ਅਯੂਬ ਫਿਰ ਨਾਂਹ-ਪੱਖੀ ਕਿਰਦਾਰ ਵਿੱਚ ਦਿਖਾਈ ਦੇਣਗੇ। ਇਸ ਤੋਂ ਪਹਿਲਾਂ ‘ਨੋ ਵਨ ਕਿਲਡ ਜੈਸਿਕਾ' ਵਿੱਚ ਉਸ ਨੇ ਨਕਾਰਾਤਮਕ ਭੂਮਿਕਾ ਨਿਭਾਈ ਸੀ। ਇਸ ਵਾਰੀ ਹੰਸਲ ਮਹਿਤਾ ਦੇ ਨਿਰਦੇਸ਼ਨ ਹੇਠਲੀ ਫਿਲਮ ‘ਤੁਰਮ ਖਾਨ' ਵਿੱਚ ਉਹ ਰਾਜ ਕੁਮਾਰ ਰਾਓ ਅਤੇ ਨੁਸਰਤ ਭਰੂਚਾ ਨਾਲ ਕੰਮ ਕਰ ਰਹੇ ਹਨ।
ਜੀਸ਼ਾਨ ਕਹਿੰਦੇ ਹਨ, ‘‘ਇਸ ਫਿਲਮ ਵਿੱਚ ਨੈਗੇਟਿਵ ਰੋਲ ਦਾ ਮੈਨੂੰ ਮਜ਼ਾ ਆ ਰਿਹਾ ਹੈ। ਮੈਂ ਪਹਿਲੀ ਫਿਲਮ ਵਿੱਚ ਵੀ ਨੈਗੇਟਿਵ ਰੋਲ ਕੀਤਾ ਸੀ। ‘ਨੋ ਵਨ ਕਿਲਡ ਜੈਸਿਕਾ’ ਦੇ ਬਾਅਦ ਉਸ ਸੁਭਾਅ ਦਾ ਕੋਈ ਕਿਰਦਾਰ ਮੇਰੇ ਕੋਲ ਨਹੀਂ ਆਇਆ ਸੀ। ਫਿਲਮ ਵਿੱਚ ਮੈਂ ਖਲਨਾਇਕ ਹਾਂ। ਇਸ ਵਿੱਚ ਜਦ ਮੇਰੇ ਕਿਰਦਾਰ ਦੀ ਐਂਟਰੀ ਹੁੰਦੀ ਹੈ, ਉਸ ਦੇ ਬਾਅਦ ਤੋਂ ਉਹ ਫਿਲਮ ਦਾ ਜ਼ਰੂਰੀ ਹਿੱਸਾ ਬਣ ਜਾਂਦਾ ਹੈ ਅਤੇ ਪੂਰੀ ਫਿਲਮ ਵਿੱਚ ਰਹਿੰਦਾ ਹੈ।”