ਨਵੀਂ ਦਿੱਲੀ, 17 ਜੂਨ (ਪੋਸਟ ਬਿਊਰੋ)- ਉਤਰਾਖੰਡ ਦੇ ਕਾਰਬੇਟ ਨੈਸ਼ਨਲ ਪਾਰਕ ਵਿੱਚ ਚੀਤੇ ਹਾਥੀਆਂ ਦੀ ਜਾਨ ਲੈ ਰਹੇ ਹਨ ਅਤੇ ਕੁਝ ਕੇਸਾਂ ਵਿੱਚ ਉਨ੍ਹਾਂ ਨੂੰ ਖਾ ਵੀ ਰਹੇ ਹਨ।
ਇਕ ਅਧਿਕਾਰਿਕ ਅਧਿਐਨ ਵਿੱਚ ਦੱਸਿਆ ਗਿਆ ਕਿ ਚੀਤੇ ਖਾਸ ਕਰਕੇ ਘੱਟ ਉਮਰ ਦੇ ਹਾਥੀਆਂ ਨੂੰ ਸ਼ਿਕਾਰ ਬਣਾ ਰਹੇ ਹਨ। ਜੰਗਲੀ ਜੀਵ ਮਾਹਰਾਂ ਦਾ ਕਹਿਣਾ ਹੈ ਕਿ ਪਾਰਕ ਦੇ ਅਧਿਕਾਰੀਆਂ ਵੱਲੋਂ ਦੇ ਅਧਿਐਨ ਤੋਂ ਚਿੰਤਾਜਨਕ ਰੁਝਾਨ ਸਾਹਮਣੇ ਆਏ ਹਨ, ਕਿਉਂਕਿ ਚੀਤਾ ਸਾਧਾਰਨ ਤੌਰ 'ਤੇ ਹਾਥੀਆਂ ਨੂੰ ਨਹੀਂ ਖਾਂਦੇ। ਅਧਿਐਨ ਮੁਤਾਬਕ 2014 ਤੋਂ 31 ਮਈ 2019 ਦੇ ਵਿਚਾਲੇ ਜਨਵਰਾਂ ਦੇ ਵਿਚਾਲੇ ਲੜਾਈ ਵਿੱਚ ਕੁੱਲ 9 ਚੀਤੇ, 21 ਹਾਥੀ ਅਤੇ ਛੇ ਚੀਤੇ ਮ੍ਰਿਤਕ ਪਾਏ ਗਏ। ਸੀਨੀਅਰ ਆਈ ਐਫ ਐਸ ਅਧਿਕਾਰੀ ਤੇ ਪਾਰਕ ਦੇ ਇੰਚਾਰਜ ਸੰਜੀਵ ਚਤੁਰਵੇਦੀ ਨੇ ਕਿਹਾ ਕਿ ਚੀਤਿਆਂ ਵੱਲੋਂ ਹਾਥੀਆਂ ਦੇ ਖਾਣ ਦੀ ਘਟਨਾ ਅਜੀਬ ਹੈ। ਪਾਰਕ ਦੇ ਡਾਇਰੈਕਟਰ ਚਤੁਰਵੇਦੀ ਨੇ ਕਿਹਾ, ‘ਇਸ ਦਾ ਇਕ ਕਾਰਨ ਇਹ ਹੋ ਸਕਦਾ ਹੈ ਕਿ ਸਾਂਬਰ ਅਤੇ ਚੀਤਲ ਵਰਗੀਆਂ ਨਸਲਾਂ ਦੇ ਸ਼ਿਕਾਰ ਦੀ ਤੁਲਨਾ ਵਿੱਚ ਹਾਥੀ ਦੇ ਸ਼ਿਕਾਰ ਵਿੱਚ ਚੀਤਿਆਂ ਨੂੰ ਘੱਟ ਊਰਜਾ ਅਤੇ ਯਤਨ ਦੀ ਜ਼ਰੂਰਤ ਪੈਂਦੀ ਹੈ।'