ਨਵੀਂ ਦਿੱਲੀ, 15 ਜੂਨ (ਪੋਸਟ ਬਿਊਰੋ)- ਇਹ ਕੋਈ ਨਵੀਂ ਗੱਲ ਨਹੀਂ ਕਿ ਬਹੁਤੇ ਘਰਾਂ ਵਿੱਚ ਬਜ਼ੁਰਗਾਂ ਨੂੰ ਬੋਝ ਵਾਂਗ ਸਮਝਿਆ ਜਾਂਦਾ ਹੈ। ਇੱਕ ਤਾਜ਼ਾ ਸਰਵੇਖਣ 'ਚ ਇਹ ਖੁਲਾਸਾ ਹੋਇਆ ਹੈ ਕਿ ਦੇਖਭਾਲ ਕਰਨ ਵਾਲੇ 35 ਫੀਸਦੀ ਲੋਕਾਂ ਨੂੰ ਬਜ਼ੁਰਗਾਂ ਦੀ ਸੇਵਾ ਕਰਨ ਵਿੱਚ ਖੁਸ਼ੀ ਮਹਿਸੂਸ ਨਹੀਂ ਹੁੰਦੀ।
ਲੋਕ ਭਲਾਈ ਦੇ ਇੱਕ ਸੰਗਠਨ ਹੈਲਪਜ਼ ਇੰਡੀਆ ਦੀ ਰਿਪੋਰਟ ਮੁਤਾਬਕ ‘ਭਾਰਤ ਵਿੱਚ ਬਜ਼ੁਰਗਾਂ ਨਾਲ ਦੁਰ-ਹਿਾਰ, ਦੇਖ ਰੇਖ ਕਰਨ ਵਿੱਚ ਪਰਵਾਰ ਦੀ ਭੂਮਿਕਾ' ਚੁਣੌਤੀਆਂ ਅਤੇ ਪ੍ਰਤੀਕਿਰਿਆ ਕੱਲ੍ਹ ‘ਵਿਸ਼ਵ ਬਜ਼ੁਰਗ ਦੁਰਵਰਤਾਓ ਰੋਕਥਾਮ ਜਾਗਰੂਕਤਾ ਦਿਵਸ' ਦੀ ਪਹਿਲੀ ਸ਼ਾਮ ਨੂੰ ਜਾਰੀ ਕੀਤੀ ਗਈ। ਇਸ ਸਰਵੇਖਣ ਵਿੱਚ ਹਿੱਸਾ ਲੈਣ ਵਾਲੇ 29 ਫੀਸਦੀ ਲੋਕ ਮੰਨਦੇ ਹਨ ਕਿ ਉਹ ਆਪਣੇ ਬਜ਼ੁਰਗਾਂ ਨੂੰ ਘਰ ਵਿੱਚ ਰੱਖਣ ਦੀ ਬਜਾਏ ਬਿਰਧ ਆਸ਼ਰਮ ਵਿੱਚ ਰੱਖਣਾ ਚਾਹੁਣਗੇ। ਇਸ ਸਰਵੇਖਣ 'ਚ ਹਿੱਸਾ ਲੈਣ ਵਾਲੇ ਲੋਕਾਂ 'ਚੋਂ ਇਕ ਚੌਥਾਈ ਦੇਖ ਰੇਖ ਕਰਨ ਵਾਲਿਆਂ ਦਾ ਮੰਨਣਾ ਹੈ ਕਿ ਉਨ੍ਹਾਂ ਨੂੰ ਨਿਰਾਸ਼ਾ ਹੁੰਦੀ ਹੈ ਅਤੇ ਇਸ ਕਾਰਨ ਪਰਵਾਰ ਦੇ ਬਜ਼ੁਰਗ ਮੈਂਬਰਾਂ 'ਤੇ ਗੁੱਸਾ ਕਰਦੇ ਹਨ।ਸਰਵੇਖਣ 'ਚ ਕੁੱਲ 2090 ਦੇਖ ਰੇਖ ਕਰਨ ਵਾਲੇ (ਜਿਨ੍ਹਾਂ ਵਿੱਚ ਪੁੱਤਰ, ਨੂੰਹ, ਬੇਟੀ ਅਤੇ ਜਵਾਈ) ਸ਼ਾਮਲ ਸਨ। ਬਜ਼ੁਰਗਾਂ ਦੀ ਸੇਵਾ ਨੂੰ ਖੁਦ 'ਤੇ ਬੋਝ ਸਮਝਣ ਤੋਂ ਬਾਅਦ ਵੀ 32 ਫੀਸਦੀ ਲੋਕਾਂ ਨੇ ਬਜ਼ੁਰਗਾਂ ਨੂੰ ਉਨ੍ਹਾਂ ਦੀ ਰੁਟੀਨ 'ਚ ਮਦਦ ਕਰਕੇ ਆਪਣਾ ਫਰਜ਼ ਨਿਭਾਇਆ। ਇਸ ਸੰਗਠਨ ਨੇ ਕੌਮੀ ਪੱਧਰ ਉੱਤੇ ਹੈਲਪਲਾਈਨ ਐਪ ‘ਹੈਲਪਜ਼ ਐਸ ਓ ਐਸ' ਦੀ ਸ਼ੁਰੂਆਤ ਕੀਤੀ ਹੈ, ਜਿਸ ਦਾ ਟੀਚਾ ਲੋੜਵੰਦ ਬਜ਼ੁਰਗ ਵਿਅਕਤੀ ਦੀ ਮਦਦ ਕਰਨਾ ਹੈ।