Welcome to Canadian Punjabi Post
Follow us on

18

October 2019
ਅੰਤਰਰਾਸ਼ਟਰੀ

ਚੀਨ ਵਿੱਚ ਭਾਰੀ ਮੀਂਹ ਨਾਲ 16 ਮੌਤਾਂ, 12 ਲਾਪਤਾ

June 13, 2019 09:01 AM

ਗੁਆਂਗਝੋ, 12 ਜੂਨ (ਪੋਸਟ ਬਿਊਰੋ)- ਦੱਖਣੀ ਚੀਨ ਵਿੱਚ ਭਾਰੀ ਮੀਂਹ ਨਾਲ ਹੜ੍ਹ ਵਰਗੀ ਹਾਲਾਤ ਬਣ ਜਾਣ ਨਾਲ 16 ਲੋਕਾਂ ਦੀ ਮੌਤ ਹੋ ਗਈ ਅਤੇ 12 ਲਾਪਤਾ ਹੋ ਗਏ। ਦੇਸ਼ ਦੇ ਪੂਰਬੀ ਜਿਆਂਗਸੀ ਪ੍ਰਾਂਤ ਵਿੱਚ ਭਾਰੀ ਮੀਂਹ ਨਾਲ ਆਏ ਹੜ੍ਹ ਨਾਲ 20 ਲੱਖ ਤੋਂ ਵੱਧ ਲੋਕ ਪ੍ਰਭਾਵਿਤ ਹੋਏ ਅਤੇ 1.5 ਲੱਖ ਲੋਕਾਂ ਨੂੰ ਹੋਰ ਸਥਾਨਾਂ 'ਤੇ ਭੇਜਿਆ ਗਿਆ ਹੈ। ਇਸ ਹੜ੍ਹ ਦੇ ਨਾਲ 1,37,200 ਹੈਕਟੇਅਰ ਜ਼ਮੀਨ ਪ੍ਰਭਾਵਿਤ ਹੋਈ ਅਤੇ 15,600 ਹੈਕਟੇਅਰ ਫਸਲ ਬਰਬਾਦ ਹੋ ਗਈ ਅਤੇ 1357 ਮਕਾਨ ਨਸ਼ਟ ਹੋ ਗਏ। ਇਸ ਦੇ ਕਾਰਨ 3.73 ਅਰਬ ਯੁਆਨ ਦਾ ਨੁਕਸਾਨ ਹੋਇਆ ਹੈ।
ਖੇਤਰੀ ਐਮਰਜੈਂਸੀ ਪ੍ਰਬੰਧ ਵਿਭਾਗ ਦੇ ਅਨੁਸਾਰ ਗੁਆਂਗਸੀ ਝੁਆਂਗ ਸਵਾਯੱਤ ਖੇਤਰ ਵਿੱਚ ਪਿਛਲੇ ਇਕ ਹਫਤੇ ਤੋਂ ਜ਼ੋਰਦਾਰ ਮੀਂਹ ਦੇ ਕਾਰਨ ਛੇ ਸ਼ਹਿਰਾਂ ਤੇ 32 ਉਪ ਸ਼ਹਿਰਾਂ ਵਿੱਚ ਹੜ੍ਹ ਦੀ ਸਥਿਤੀ ਪੈਦਾ ਹੋ ਗਈ ਹੈ ਅਤੇ ਇਸ ਨਾਲ 9 ਲੋਕਾਂ ਦੀ ਮੌਤ ਹੋ ਗਈ ਅਤੇ 3,60,000 ਲੋਕ ਪ੍ਰਭਾਵਿਤ ਹੋਏ ਹਨ। ਇਸ ਕਾਰਨ 1300 ਤੋਂ ਵੱਧ ਮਕਾਨ ਤਬਾਹ ਹੋ ਗਏ ਅਤੇ 17,000 ਲੋਕਾਂ ਨੂੰ ਹੋਰ ਥਾਂਈਂ ਭੇਜਿਆ ਗਿਆ ਹੈ। ਨਜ਼ਦੀਕੀ ਗੁਆਂਗਡੋਂਗ ਪ੍ਰਾਂਤ ਵਿੱਚ ਮੀਂਹ ਦੇ ਕਾਰਨ ਸੱਤ ਲੋਕਾਂ ਦੀ ਮੌਤ ਹੋ ਗਈ ਹੈ ਅਤੇ ਇਕ ਵਿਅਕਤੀ ਲਾਪਤਾ ਹੈ।

Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ