ਸ਼ਾਹਰੁਖ ਖਾਨ ਦੀ ਬੇਟੀ ਸੁਹਾਨਾ ਦੀ ਬੈਸਟ ਫਰੈਂਡ ਅਨੰਨਿਆ ਪਾਂਡੇ ‘ਸਟੂਡੈਂਟ ਆਫ ਦਿ ਈਅਰ-2’ ਦੇ ਨਾਲ ਬਾਲੀਵੁੱਡ ਵਿੱਚ ਡੈਬਿਊ ਕਰ ਚੁੱਕੀ ਹੈ, ਪਰ ਸੁਹਾਨਾ ਦੇ ਕੇਸ ਵਿੱਚ ਦੇਰ ਹੋ ਰਹੀ ਹੈ। ਇੱਕ ਇੰਟਰਵਿਉ ਵਿੱਚ ਅਨੰਨਿਆ ਨੇ ਇਹ ਜਾਣਕਾਰੀ ਦਿੱਤੀ ਹੈ ਕਿ ਸੁਹਾਨਾ ਵੀ ਜਲਦ ਹੀ ਬਾਲੀਵੁੱਡ ਡੈਬਿਊ ਕਰਨ ਵਾਲੀ ਹੈ ਅਤੇ ਉਹ ਵੀ ਉਸ ਫਿਲਮ ਨਾਲ, ਜਿਸ ਵਿੱਚ ਉਸ ਦੇ ਪਾਪਾ ਵੀ ਕੰਮ ਕਰਨਗੇ।
ਬਹਰਹਾਲ ਅਨੰਨਿਆ ਨੇ ਇਹ ਵੀ ਜਾਣਕਾਰੀ ਦਿੱਤੀ ਕਿ ਉਨ੍ਹਾਂ ਦੋਵਾਂ ਸਹੇਲੀਆਂ ਦਾ ਬਾਲੀਵੁੱਡ ਡੈਬਿਊ 12 ਸਾਲ ਪਹਿਲਾਂ ਸ਼ਾਹਰੁਖ ਖਾਨ ਦੀ ਫਿਲਮ ‘ਮਾਈ ਨੇਮ ਇਜ਼ ਖਾਨ’ ਨਾਲ ਹੀ ਹੋ ਚੁੱਕਾ ਹੈ। ਅਨੰਨਿਆ ਨੇ ਦੱਸਿਆ ਕਿ ਨਿਰਦੇਸ਼ਕ ਕਰਣ ਜੌਹਰ ਨੂੰ ਇੱਕ ਸੀਨ ਦੇ ਬੈਕ ਗਰਾਊਂਡ ਵਿੱਚ ਟਹਿਲਦੇ ਹੋਏ ਲੋਕਾਂ ਦੀ ਜ਼ਰੂਰਤ ਸੀ। ਉਨ੍ਹਾਂ ਨੂੰ ਦੋ ਸਟਾਰ ਕਿਡਸ ਨੂੰ ਅਜਿਹਾ ਕਰਨ ਲਈ ਕਿਹਾ। ਇਨ੍ਹਾਂ ਵਿੱਚ ਅਨੰਨਿਆ ਅਤੇ ਸੁਹਾਨਾ ਸਨ। ਹਾਲਾਂਕਿ ਅਨੰਨਿਆ ਨੇ ਇਹ ਵੀ ਦੱਸਿਆ ਕਿ ਬਾਅਦ ਵਿੱਚ ਉਸ ਸੀਨ ਨੂੰ ਫਿਲਮ ਵਿੱਚੋਂ ਕੱਟ ਦਿੱਤਾ ਗਿਆ। ਅਨੰਨਿਆ ਨੇ ਕਿਹਾ, ‘‘ਅਸੀਂ ਦੋਵੇਂ ਬੱਚੇ ਸੀਨ ਕੱਟਣ ਤੋਂ ਕਾਫੀ ਦੁਖੀ ਸੀ, ਪ੍ਰੰਤੂ ਉਹ ਯਾਦ ਅੱਜ ਵੀ ਜਿੰਦਾ ਹੈ।”