ਈਸ਼ਾ ਗੁਪਤਾ ਨੇ ਆਪਣੀ ਅਗਲੀ ਫਿਲਮ ‘ਵਨ ਡੇ : ਜਸਟਿਸ ਡਿਲੀਵਰਡ’ ਦੀ ਸ਼ੂਟਿੰਗ ਪਿੱਛੇ ਜਿਹੇ ਪੂਰੀ ਕੀਤੀ ਹੈ, ਜੋ 14 ਜੂਨ ਨੂੰ ਸਿਨੇਮਾ ਘਰਾਂ ਵਿੱਚ ਰਿਲੀਜ਼ ਹੋਵੇਗੀ। ਇਸ ਵਿੱਚ ਈਸ਼ਾ ਪੁਲਸ ਵਾਲੀ ਦੇ ਰੋਲ ਵਿੱਚ ਨਜ਼ਰ ਆਏਗੀ। ਫਿਲਮ ਕਰਾਈਮ ਬ੍ਰਾਂਚ ਦੇ ਇੱਕ ਅਫਸਰ ਉਤੇ ਆਧਾਰਤ ਹੈ, ਜੋ ਇੱਕ ਸੂਬੇ ਦੀ ਰਾਜਧਾਨੀ ਵਿੱਚ ਹਾਈ-ਪ੍ਰੋਫਾਈਲ ਲੋਕਾਂ ਦੇ ਗਾਇਬ ਹੋਣ ਦੀ ਪੜਤਾਲ ਕਰਦੀ ਹੈ। ਇਹ ਇੱਕ ਕ੍ਰਾਈਮ ਦਾ ਸਸਪੈਂਸ ਥ੍ਰਿਲਰ ਹੈ ਜਿਸ ਵਿੱਚ ਉਸ ਦੇ ਨਾਲ ਅਨੁਪਮ ਖੇਰ ਹੈ, ਜੋ ਇੱਕ ਵਕੀਲ ਦੀ ਭੂਮਿਕਾ ਵਿੱਚ ਨਜ਼ਰ ਆਏਗਾ।
ਇਸ ਬਾਰੇ ਈਸ਼ਾ ਕਹਿੰਦੀ ਹੈ ਕਿ ਅਨੁਪਮ ਵਰਗੇ ਅਨੁਭਵੀ ਅਭਿਨੇਤਾ ਨਾਲ ਕੰਮ ਕਰ ਕੇ ਖੁਦ ਨੂੰ ਖੁਸ਼ਕਿਸਮਤ ਸਮਝਦੀ ਹਾਂ। ਉਹ ਕਹਿੰਦੀ ਹੈ, ‘ਅਨੁਪਮ ਸਰ ਮੇਰੇ ਗੁਰੂ ਹਨ, ਕਿਉਂਕਿ ਮੈਂ ਉਨ੍ਹਾਂ ਦੇ ਐਕਟਿੰਗ ਸਕੂਲ ਪ੍ਰਿਪੇਅਰਸ ਤੋਂ ਐਕਟਿੰਗ ਦੀ ਸਿਖਿਆ ਲਈ ਹੈ। ਅਸੀਂ ਸਾਰੇ ਜਾਣਦੇ ਹਾਂ ਕਿ ਅਭਿਨੇਤਾ ਦੇ ਰੂਪ ਵਿੱਚ ਉਹ ਬਹੁਤ ਚੰਗੇ ਹਨ, ਪਰ ਇਸ ਦੇ ਨਾਲ ਹੀ ਉਹ ਇੱਕ ਮਹਾਨ ਟੀਚਰ ਵੀ ਹਨ। ਉਨ੍ਹਾਂ ਨਾਲ ਕੰਮ ਕਰਨ ਦਾ ਮੌਕਾ ਪਾ ਕੇ ਮੈਂ ਬਹੁਤ ਖੁਸ਼ ਹਾਂ।’