ਪਰਿਣੀਤੀ ਚੋਪੜਾ ਹਾਲੀਵੁੱਡ ਦੀ ਹਿੱਟ ਫਿਲਮ ‘ਦਿ ਗਰਲ ਆਨ ਦਿ ਟਰੇਨ’ ਦੇ ਹਿੰਦੀ ਰੀਮੇਕ ਵਿੱਚ ਲੀਡ ਰੋਲ ਕਰ ਰਹੀ ਹੈ, ਜਿਸ ਲਈ ਉਸ ਨੂੰ ਦੋ ਮਹੀਨੇ ਲੰਡਨ 'ਚ ਗੁਜਾਰਨੇ ਪੈਣਗੇ। ਹਾਲੀਵੁੱਡ ਫਿਲਮ ਵਿੱਚ ਏਮਿਲੀ ਬਲੰਟ ਵੱਲੋਂ ਕੀਤੇ ਰੋਲ ਨੂੰ ਪਰਿਣੀਤੀ ਹਿੰਦੀ ਵਿੱਚ ਬਣ ਰਹੇ ਇਸ ਫਿਲਮ ਦੇ ਰੀਮੇਕ ਵਿੱਚ ਕਰੇਗੀ। ਕਿਉਂਕਿ ਇਸ ਸਾਈਕੋਲਾਜੀਕਲ ਥ੍ਰਿਲਰ ਦੇ ਇੱਕ ਵੱਡੇ ਹਿੱਸੇ ਦੀ ਸ਼ੂਟਿੰਗ ਟਰੇਨ ਵਿੱਚ ਹੋਣੀ ਹੈ। ਇਸ ਲਈ ਪਰਿਣੀਤੀ ਨੂੰ ਇੰਗਲੈਂਡ ਵਿੱਚ ਅਸਲੀ ਟਰੇਨਾਂ ਵਿੱਚ ਇਸ ਦੀ ਸ਼ੂਟਿੰਗ ਕਰਨੀ ਪਵੇਗੀ।
ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ ਪਰਿਣੀਤੀ ਟਰੇਨਾਂ ਵਿੱਚ ਅਸਲ ਮੁਸਾਫਰਾਂ ਦਰਮਿਆਨ ਇੰਗਲੈਂਡ ਵਿੱਚ ਸਫਰ ਕਰਦੇ ਹੋਏ ਫਿਲਮ ਦੀ ਸ਼ੂਟਿੰਗ ਕਰੇਗੀ। ਹਾਲੀਵੁੱਡ ਦੀਆਂ ਮੂਲ ਫਿਲਮਾਂ ਨੂੰ ਵੀ ਇਸੇ ਅੰਦਾਜ਼ ਵਿੱਚ ਫਿਲਮਾਇਆ ਗਿਆ ਸੀ। ਇੱਕ ਸੂਤਰ ਅਨੁਸਾਰ ਇਹ ਇੱਕ ਥ੍ਰਿਲਰ ਫਿਲਮ ਹੈ, ਜਿਸ ਦੀ ਕਹਾਣੀ ਪਰਿਣੀਤੀ ਦੇ ਕਿਰਦਾਰ ਨਾਲ ਟਰੇਨਾਂ ਵਿੱਚ ਵਾਪਰਨ ਵਾਲੀਆਂ ਘਟਨਾਵਾਂ ਅਤੇ ਉਸ ਦੇ ਤਜਰਬਿਆਂ 'ਤੇ ਅੱਗੇ ਵਧਦੀ ਹੈ। ਇਸੇ ਕਾਰਨ ਫਿਲਮ ਦੀ ਸ਼ੂਟਿੰਗ ਦੌਰਾਨ ਉਸ ਨੂੰ ਟਰੇਨਾਂ ਵਿੱਚ ਬਹੁਤ ਸਫਰ ਕਰਨਾ ਪਵੇਗਾ।