ਬਾਲੀਵੁੱਡ ਦੀ ਬਰਬੀ ਗਰਲ ਕੈਟਰੀਨਾ ਕੈਫ ਟਾਈਗਰ ਸ਼ਰਾਫ ਤੇ ਰਣਵੀਰ ਸਿੰਘ ਨਾਲ ਜੋੜੀ ਬਣਾਉਣਾ ਚਾਹੁੰਦੀ ਹੈ। ਕੈਟਰੀਨਾ ਕੈਫ ਨੇ ਆਪਣੇ ਕਰੀਅਰ ਦੌਰਾਨ ਸ਼ਾਹਰੁਖ ਖਾਨ, ਆਮਿਰ ਖਾਨ, ਸਲਮਾਨ ਖਾਨ, ਅਕਸ਼ੈ ਕੁਮਾਰ, ਰਿਤਿਕ ਰੋਸ਼ਨ ਵਰਗੇ ਕਈ ਵੱਡੇ ਸਟਾਰਸ ਨਾਲ ਕੰਮ ਕੀਤਾ ਹੈ। ਇਨ੍ਹਾਂ ਸਾਰੇ ਕਲਾਕਾਰਾਂ ਨਾਲ ਕੈਟਰੀਨਾ ਦੀ ਜੋੜੀ ਖੂਬ ਬਣੀ ਅਤੇ ਕਈ ਹਿੱਟ ਫਿਲਮਾਂ ਉਸ ਨੇ ਇਨ੍ਹਾਂ ਸਿਤਾਰਿਆਂ ਨਾਲ ਦਿੱਤੀਆਂ। ਅੱਗੋਂ ਉਹ ਨੌਜਵਾਨ ਅਦਾਕਾਰਾਂ ਦੇ ਨਾਲ ਵੀ ਕੰਮ ਕਰਨਾ ਚਾਹੁੰਦੀ ਹੈ। ਰਣਬੀਰ ਕਪੂਰ ਤੇ ਸਿਧਾਰਥ ਮਲਹੋਤਰਾ ਨਾਲ ਉਹ ਫਿਲਮਾਂ ਕਰ ਚੁੱਕੀ ਹੈ। ਉਹ ਟਾਈਗਰ ਸ਼ਰਾਫ ਅਤੇ ਰਣਵੀਰ ਸਿੰਘ ਨਾਲ ਵੀ ਫਿਲਮਾਂ ਕਰਨਾ ਚਾਹੰੁਦੀ ਹੈ।
ਕੈਟਰੀਨਾ ਨੇ ਨੇਹਾ ਧੂਪੀਆਂ ਦੇ ਚੈਟ ਸ਼ੋਅ ਵਿੱਚ ਇਹ ਗੱਲ ਕਹੀ। ਉਸ ਨੇ ਕਿਹਾ ਕਿ ਉਹ ਟਾਈਗਰ ਨਾਲ ਐਕਸ਼ਨ ਫਿਲਮ ਕਰਨਾ ਚਾਹੁੰਦੀ ਹੈ, ਜਿਸ ਵਿੱਚ ਜ਼ਬਰਦਸਤ ਐਕਸ਼ਨ ਹੋਵੇ, ਦੂਜੇ ਪਾਸੇ ਉਹ ਰਣਵੀਰ ਸਿੰਘ ਨਾਲ ਕਾਮੇਡੀ ਫਿਲਮ ਕਰਨਾ ਚਾਹੁੰਦੀ ਹੈ, ਜਿਸ 'ਚ ਖੂਬ ਸਾਰੀ ਮਸਤੀ ਅਤੇ ਪਾਗਲਪਣ ਹੋਵੇ।