ਕਿਆਰਾ ਅਡਵਾਨੀ ਕੋਲ ਫਿਲਮਾਂ ਦੀ ਲਾਈਨ ਲੱਗੀ ਹੋਈ ਹੈ। ਇੱਕ ਪਾਸੇ ਜਿੱਥੇ ਸ਼ਾਹਿਦ ਕਪੂਰ ਨਾਲ ਉਸ ਦੀ ਫਿਲਮ ‘ਕਬੀਰ ਸਿੰਘ’ ਦਾ ਟ੍ਰੇਲਰ ਲਾਂਚ ਹੋ ਚੁੱਕਾ ਹੈ, ਉਥੇ ਅਕਸ਼ੈ ਕੁਮਾਰ ਨਾਲ ਉਸ ਲਈ ਫਿਲਮ ‘ਲਕਸ਼ਮੀ ਬੌਬ’ ਦਾ ਐਲਾਨ ਵੀ ਹੋ ਚੁੱਕਾ ਹੈ। ਦਿਲਜੀਤ ਦੁਸਾਂਝ, ਅਕਸ਼ੈ ਕੁਮਾਰ ਅਤੇ ਕਰੀਨਾ ਕਪੂਰ ਖਾਨ ਨਾਲ ਉਹ ਫਿਲਮ ‘ਗੁੱਡ ਨਿਊਜ਼’ ਵਿੱਚ ਵੀ ਕੰਮ ਕਰ ਰਹੀ ਹੈ। ਇਸ ਤੋਂ ਇਲਾਵਾ ਸਿਧਾਰਥ ਮਲਹੋਤਰਾ ਨਾਲ ਉਹ ਕਾਰਗਿਲ ਜੰਗ ਵਿੱਚ ਸ਼ਹੀਦ ਹੋਏ ਵਿਕਰਮ ਬੱਤਰਾ ਦੇ ਜੀਵਨ 'ਤੇ ਬਣਨ ਵਾਲੀ ਫਿਲਮ ‘ਸ਼ੇਰਸ਼ਾਹ’ ਵਿੱਚ ਵੀ ਹੋਵੇਗੀ। ਇਨ੍ਹਾਂ ਫਿਲਮਾਂ ਨਾਲ ਕਿਆਰਾ ਇੱਕ ਅਜਿਹੀ ਫਿਲਮ ਕਰਨ ਵਾਲੀ ਹੈ, ਜਿੱਥੇ ਉਹ ਪਹਿਲੀ ਵਾਰ ਟਾਈਟਲ ਰੋਲ ਵਿੱਚ ਹੋਵੇਗੀ। ਨਿਖਿਲ ਅਡਵਾਨੀ, ਨਿਰੰਜਨ ਅਯੰਗਰ ਤੇ ਰਾਇਨ ਸਟੀਫਨ ਦੇ ਨਿਰਮਾਣ ਵਿੱਚ ਬਣਨ ਵਾਲੀ ਫਿਲਮ ‘ਇੰਦੂ ਕੀ ਜਵਾਨੀ’ ਦੀ ਕਹਾਣੀ ਉਨ੍ਹਾਂ ਦੇ ਹੀ ਆਸਪਾਸ ਬੁਣੀ ਗਈ ਹੈ।