ਅਦਾਕਾਰਾ ਤਾਪਸੀ ਪੰਨੂ ਆਪਣੀ ਅਗਲੀ ਥ੍ਰਿਲਰ ਫਿਲਮ ‘ਗੇਮ ਓਵਰ’ ਵਿੱਚ ਵਿਖਾਈ ਦੇਵੇਗੀ। ਉਸ ਦਾ ਕਹਿਣਾ ਹੈ ਕਿ ਇਹ ਉਸ ਲਈ ਕਾਫੀ ਖਾਸ ਫਿਲਮ ਹੈ। ਫਿਲਮ 'ਚ ਤਾਪਸੀ ਵ੍ਹੀਲਚੇਅਰ ਉੱਤੇ ਬੈਠੀ ਨਜ਼ਰ ਆਵੇਗੀ, ਜੋ ਬਹੁਤ ਹੀ ਮੁਸ਼ਕਲ ਘਟਨਾ ਚੱਕਰ ਵਿੱਚ ਫਸ ਜਾਂਦੀ ਹੈ। ਫਿਲਮ ਦੇ ਨਿਰਦੇਸ਼ਕ ਅਸ਼ਵਿਨ ਸਰਵਾਨਨ ਹਨ।
ਤਾਪਸੀ ਨੇ ਫਿਲਮ ਦੇ ਹਿੰਦੀ ਵਰਜਨ ਨੂੰ ਵੀ ਆਪਣੀ ਆਵਾਜ਼ ਦਿੱਤੀ ਹੈ। ਉਨ੍ਹਾਂ ਮੁਤਾਬਕ ਅਜਿਹੀ ਸਕ੍ਰਿਪਟ ਅਤੇ ਕਾਂਸੈਪਟ ਨੂੰ ਕਿਸੇ ਖਾਸ ਦਾਇਰੇ ਵਿੱਚ ਸ਼ੂਟ ਨਹੀਂ ਕੀਤਾ ਜਾ ਸਕਦਾ। ਇਹ ਇੱਕ ਅਜਿਹੀ ਫਿਲਮ ਹੈ, ਜਿਸ ਨੂੰ ਮੈਂ ਹਿੰਦੀ ਦੇ ਦਰਸ਼ਕਾਂ ਲਈ ਵੀ ਲਿਆਉਣਾ ਚਾਹੁੰਦੀ ਹਾਂ। ਅਨੁਰਾਗ ਕਸ਼ਯਪ ਇਸ ਫਿਲਮ ਦਾ ਹਿੰਦੀ ਵਰਜਨ ਪੇਸ਼ ਕਰ ਰਹੇ ਹਨ। ਫਿਲਮ ਵਿੱਚ ਸੰਗੀਤ ਰੌਨ ਯੋਹਾਨਨ ਦਾ ਹੈ।