ਨਵੀਂ ਦਿੱਲੀ, 24 ਮਈ (ਪੋਸਟ ਬਿਊਰੋ)- ਸੱਟਾ ਬਾਜ਼ਾਰ ਆਮ ਕਰ ਕੇ ਖੁਸ਼ ਰਿਹਾ ਅਤੇ ਇਸ ਵਾਰ ਜਿਥੇ ਸਟੋਰੀਆਂ ਦੀ ਚਾਂਦੀ ਹੋਈ, ਉਥੇ ਉਨ੍ਹਾਂ ਨੇ ਆਪਣਾ ਵਜੂਦ ਕਾਇਮ ਰੱਖਿਆ। ਐਗਜਿ਼ਟ ਪੋਲ ਵਿੱਚ ਨਤੀਜੇ ਆਉਣ ਦੇ ਬਾਅਦ ਭਾਜਪਾ ਨੇ 280 ਦੇ ਅੰਕੜੇ ਨੂੰ ਪਾਰ ਕੀਤਾ ਅਤੇ ਐਨ ਡੀ ਏ ਗੱਠਜੋੜ 350 ਦੇ ਆਸਪਾਲ ਰਹਿਣ ਦੇ ਕਾਰਨ ਬਾਜ਼ਾਰ ਵਿੱਚ ਦੀਵਾਲੀ ਵਰਗਾ ਮਾਹੌਲ ਹੈ ਅਤੇ ਇਸ ਦੇ ਗ੍ਰਾਹਕਾਂ ਨੇ ਵੀ ਚੋਖੀ ਕਮਾਈ ਕੀਤੀ ਹੈ।
ਇਸ ਵਾਰ ਸਟੋਰੀਆਂ ਨੇ ਕਰੀਬ ਚਾਰ ਲੱਖ ਕਰੋੜ ਤੋਂ ਵੱਧ ਜਿੱਤੇ ਹਨ, ਪਰ ਕੁਝ ਥਾਂਈਂ ਇਹ ਅੰਕੜਾ 12 ਲੱਖ ਕਰੋੜ ਤੋਂ ਵੀ ਵੱਧ ਰਿਹਾ ਹੈ। ਫਲੌਦੀ ਬਾਜ਼ਾਰ ਦੇ ਤਹਿਤ ਸਟੋਰੀਆਂ ਨੇ ਐਨ ਡੀ ਏ ਨੂੰ 300 ਤੋਂ ਉਪਰ ਰੱਖਿਆ ਸੀ, ਅਤੇ ਐਗਜਿ਼ਟ ਪੋਲ ਦੇ ਬਾਅਦ ਸੂਰਤ ਬਾਜ਼ਾਰ ਨੇ ਐਨ ਡੀ ਏ ਨੂੰ ਫੇਵਰਿਟ ਦੱਸ ਕੇ 300 ਸੀਟਾਂ ਦੇ ਆਸਪਾਸ ਰੱਖਿਆ ਸੀ। ਹੋਇਆ ਵੀ ਉਹੀ, ਜਿਸ ਦੇ ਕਾਰਨ ਇਸ ਵਾਰ ਬਾਜ਼ਾਰ ਵਿੱਚ ਜਸ਼ਨ ਦਾ ਮਾਹੌਲ ਹੈ। ਫਲੌਦੀ ਬਾਜ਼ਾਰ ਦੇ ਤਹਿਤ ਯੂ ਪੀ ਵਿੱਚ ਭਾਜਪਾ ਨੂੰ 30 ਤੋਂ 35 ਸੀਟਾਂ ਅਤੇ ਸਮਾਜਵਾਦੀ ਪਾਰਟੀ, ਬਸਪਾ ਗੱਠਜੋੜ ਨੂੰ 40 ਤੋਂ 45 ਸੀਟਾਂ ਦਿੱਤੀਆਂ ਗਈਆਂ ਸਨ ਅਤੇ ਐਗਜਿ਼ਟ ਪੋਲ ਦੇ ਬਾਅਦ ਸਮਾਜਵਾਦੀ ਪਾਰਟੀ ਅਤੇ ਬਸਪਾ ਨੂੰ ਫੇਵਰਿਟ ਕਰਾਰ ਵੀ ਦੇ ਦਿੱਤਾ ਗਿਆ ਸੀ, ਪਰ ਨਤੀਜੇ ਉਲਟ ਆਏ ਹਨ। ਇਥੇ ਸਟੋਰੀਆਂ ਨੂੰ ਮਾਯੂਸੀ ਹੋਈ ਹੈ, ਪਰ ਰੇਟ ਜ਼ਿਆਦਾ ਨਹੀਂ ਸੀ। ਸਟੋਰੀਆਂ ਨੇ ਸਾਫ ਤੌਰ 'ਤੇ ਮਮਤਾ ਬੈਨਰਜੀ ਨੂੰ ਅੱਗੇ ਰੱਖਿਆ ਸੀ, ਪਰ ਦਾਅਵਿਆਂ ਵਿੱਚ ਸਾਫ ਦੱਸਿਆ ਗਿਆ ਕਿ ਭਾਜਪਾ ਇਥੇ 10 ਤੋਂ ਵੱਧ ਸੀਟਾਂ ਜਿੱਤੇਗੀ। ਹੋਇਆ ਵੀ ਇਹੀ, ਜਿਸ ਦੇ ਕਾਰਨ ਸਟੋਰੀਆਂ ਨੂੰ ਇਕ ਦੇ ਬਦਲੇ 12 ਪੈਸੇ ਦਾ ਭਾਅ ਮਿਲਿਆ।