* ਕਰਨਾਲ ਤੋਂ ਭਾਜਪਾ ਉਮੀਦਵਾਰ ਨੇ ਜਿੱਤ ਦਾ ਰਿਕਾਰਡ ਬਣਾਇਆ
ਨਵੀਂ ਦਿੱਲੀ, 23 ਮਈ, (ਪੋਸਟ ਬਿਊਰੋ)- ਪੰਜਾਬੀ ਲੋਕ ਗਾਇਕ ਹੰਸ ਰਾਜ ਹੰਸ ਉੱਤੇ ਉਨ੍ਹਾਂ ਦੇ ਆਪਣੇ ਜੱਦੀ ਹਲਕੇ ਜਲੰਧਰ ਦੇ ਵੋਟਰਾਂ ਨੇ ਭਰੋਸਾ ਨਹੀਂਸੀ ਕੀਤਾ, ਪਰ ਉੱਤਰ ਪੱਛਮੀ ਦਿੱਲੀ ਦੇ ਲੋਕਾਂ ਨੇ ਹੰਸ ਰਾਸ ਹੰਸ ਭਾਰੀ ਵੋਟਾਂ ਨਾਲ ਹਰਾ ਕੇ ਪਾਰਲੀਮੈਂਟ ਵਿੱਚ ਪਹੁੰਚਣ ਦਾ ਹੱਕ ਦੇ ਦਿੱਤਾ ਹੇ।
ਚੋਣ ਨਤੀਜਿਆਂ ਮੁਤਾਬਕ ਹੰਸ ਰਾਜ ਹੰਸ ਨੂੰ 848663 ਵੋਟਾਂ ਮਿਲੀਆਂ, ਆਮ ਆਦਮੀ ਪਾਰਟੀ ਦੇ ਗੁਗਨ ਸਿੰਘ ਨੂੰ 294766 ਅਤੇ ਕਾਂਗਰਸ ਦੇ ਰਾਜੇਸ਼ ਲਿਲੋਥੀਆਂ ਨੂੰ 236882 ਵੋਟਾਂ ਮਿਲੀਆਂ। ਵਰਨਣ ਯੋਗ ਹੈ ਕਿ ਦਿੱਲੀ ਵਿੱਚਹੰਸ ਰਾਜ ਹੰਸ ਉੱਤੇ ਮੁਸਲਿਮ ਧਰਮ ਅਪਣਾਉਣ ਦਾ ਦੋਸ਼ ਵੀ ਲੱਗਦਾ ਰਿਹਾ ਸੀ, ਪਰ ਉਨ੍ਹਾਂ ਦੇ ਖਿਲਾਫ ਇਸ ਦੇ ਸੰਬੰਧ ਵਿੱਚ ਕੀਤੀ ਗਈ ਸਿ਼ਕਾਇਤ ਚੋਣ ਚੋਣ ਕਮਿਸ਼ਨ ਨੇ ਨਹੀਂ ਸੀ ਮੰਨੀ।
ਇਸ ਦੌਰਾਨਕਰਨਾਲ ਸੀਟ ਤੋਂ ਪਹਿਲੀ ਵਾਰ ਲੋਕ ਸਭਾ ਦੀ ਚੋਣ ਲੜਨ ਵਾਲੇ ਭਾਜਪਾ ਉਮੀਦਵਾਰ ਸੰਜੇ ਭਾਟੀਆ ਨੇ ਦੇਸ਼ ਦੀ ਸਭ ਤੋਂ ਵੱਡੀ ਜਿੱਤ ਦਾ ਰਿਕਾਰਡ ਤੋੜ ਦਿੱਤਾ ਹੈ। ਉਨ੍ਹਾਂ ਨੇ ਪਿਛਲੀ ਚੋਣ ਵਿਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਜਿੱਤ ਦੇ ਰਿਕਾਰਡ ਨੂੰ ਵੀ ਪਿੱਛੇ ਛੱਡ ਦਿੱਤਾ ਹੈ। ਸੰਜੇ ਭਾਟੀਆ ਨੇ 6 ਲੱਖ 54 ਹਜ਼ਾਰ 269 ਵੋਟਾਂ ਨਾਲ ਜਿੱਤ ਦਰਜ ਕੀਤੀ ਹੈ। ਅਜੇ ਤਕ ਲੋਕ ਸਭਾ ਚੋਣ ਵਿਚ ਸਭ ਤੋਂ ਵੱਡੀ ਜਿੱਤ ਦਾ ਰਿਕਾਰਡ ਮਾਰਕਸੀ ਕਮਿਊਨਿਸਟ ਪਾਰਟੀ ਦੇ ਅਨਿਲ ਬਸੂ ਦੇ ਨਾਂ ਸੀ, ਜਿਹੜਾ ਉਨ੍ਹਾਂ ਨੇ 2004 ਦੀ ਲੋਕ ਸਭਾ ਚੋਣ ਵਿਚ ਬਣਾਇਆ ਸੀ। ਸੱਤ ਵਾਰ ਦੇ ਲੋਕ ਸਭਾ ਮੈਂਬਰ ਬਸੂ ਨੇ 2004 ਵਿਚ ਪੱਛਮੀ ਬੰਗਾਲ ਦੀ ਆਰਾਮਬਾਗ਼ ਸੀਟ ਤੋਂ ਆਪਣੇ ਵਿਰੋਧੀ ਭਾਰਤੀ ਜਨਤਾ ਪਾਰਟੀ ਦੇ ਸਵਪਨ ਕੁਮਾਰ ਨੰਦੀ ਨੂੰ 5 ਲੱਖ 92 ਹਜ਼ਾਰ 502 ਵੋਟਾਂ ਦੇ ਫਰਕ ਨਾਲ ਹਰਾਇਆ ਸੀ। ਕਰਨਾਲ ਦੇ ਸੰਜੇ ਭਾਟੀਆ ਨੇ ਇਸ ਤੋਂ ਵੱਧ ਫਰਕ ਨਾਲ ਸੀਟ ਜਿੱਤੀ ਹੈ। ਫਰੀਦਾਬਾਦ ਵਿਚ ਰਾਜ ਮੰਤਰੀ ਕ੍ਰਿਸ਼ਨਪਾਲ ਗੁਰਜਰ ਪਿਛਲੀ ਚੋਣ 466873 ਵੋਟਾਂ ਦੇ ਫਰਕ ਨਾਲ ਜਿੱਤੀ ਅਤੇ ਉਹ ਰਾਜ ਦੀ ਸਭ ਤੋਂ ਵੱਡੀ ਜਿੱਤ ਸੀ।
ਪਿਛਲੀ ਲੋਕ ਸਭਾ ਚੋਣ ਵਿਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਸੀ ਪੀ ਐੱਮ ਦੇ ਅਨਿਲ ਬਸੂ ਦੇ ਰਿਕਾਰਡ ਦੇ ਨੇੜੇ ਪੁੱਜ ਗਏ ਸਨ, ਪ੍ਰੰਤੂ ਇਸ ਨੂੰ ਪਾਰ ਨਹੀਂ ਕਰ ਸਕੇ ਸਨ। ਉਹ ਗੁਜਰਾਤ ਦੇ ਵਡੋਦਰਾ ਤੋਂ 5 ਲੱਖ 70 ਹਜ਼ਾਰ 128 ਵੋਟਾਂ ਨਾਲ ਜਿੱਤੇ ਸਨ। ਇਸ ਵਾਰੀ ਕਰਨਾਲ ਤੋਂ ਭਾਜਪਾ ਉਮੀਦਵਾਰ ਸੰਜੇ ਭਾਟੀਆ ਨੂੰ 911594 ਵੋਟ ਮਿਲੇ, ਦੂਜੇ ਨੰਬਰ ਤੋਂ ਕਾਂਗਰਸ ਦੇ ਕੁਲਦੀਪ ਸ਼ਰਮਾ ਨੂੰ 255452 ਵੋਟ ਹੀ ਮਿਲ ਸਕੇ ਹਨ।