ਪਿੱਛੇ ਜਿਹੇ ਸੋਨਮ ਨਾਇਰ ਨਿਰਦੇਸ਼ਤ ਡਰਾਮਾ ਸੀਰੀਜ਼ ‘ਕਾਫਿਰ’ ਦੀ ਸ਼ੂਟਿੰਗ ਪੂਰੀ ਕਰਨ ਵਾਲੀ ਦੀਆ ਮਿਰਜ਼ਾ ਦਾ ਕਹਿਣਾ ਹੈ ਕਿ ਇਹ ਉਸ ਦੇ ਕਰੀਅਰ ਦੇ ਸਭ ਤੋਂ ਚੁਣੌਤੀ ਪੂਰਨ ਰੋਲਾਂ ਵਿੱਚੋਂ ਇੱਕ ਹੈ। ਉਸ ਨੇ ਇਹ ਵੀ ਕਿਹਾ ਕਿ ਔਰਤ ਨਿਰਦੇਸ਼ਕ ਨਾਲ ਕੰਮ ਕਰਨਾ ਵੱਧ ਸਹਿਜ ਤੇ ਸਹੂਲਤਾਂ ਭਰਪੂਰ ਤੇ ਲਾਹੇਵੰਦ ਹੁੰਦਾ ਹੈ। ਉਸ ਅਨੁਸਾਰ ‘ਕਾਫਿਰ' ਵਿੱਚ ਆਪਣੇ ਕਿਰਦਾਰ ਵਿੱਚ ਢਲਣ ਵਿੱਚ ਉਸ ਨੂੰ ਖੂਬ ਮਿਹਨਤ ਕਰਨੀ ਪਈ ਤੇ ਇਹ ਉਸ ਦੇ ਅੱਜ ਤੱਕ ਦੇ ਕਰੀਅਰ ਦੀਆਂ ਸਭ ਤੋਂ ਵੱਡੀਆਂ ਚੁਣੌਤੀ ਪੂਰਨ ਭੂਮਿਕਾਵਾਂ ਵਿੱਚੋਂ ਇੱਕ ਹੈ।
ਦੀਆ ਨੇ ਕਿਹਾ, ‘‘ਪਹਿਲੇ ਸ਼ਡਿਊਲ ਦਾ ਸ਼ਾਨਦਾਰ ਅਨੁਭਵ ਰਿਹਾ ਹੈ। ਮੈਨੂੰ ਕਈ ਲੋਕਾਂ ਨਾਲ ਮਿਲਣ ਤੇ ਉਨ੍ਹਾਂ ਤੋਂ ਬਹੁਤ ਕੁਝ ਸਿੱਖਣ ਦਾ ਮੌਕਾ ਮਿਲਿਆ। ਸਥਾਨਕ ਲੋਕਾਂ ਦਾ ਯੂਨਿਟ ਦੇ ਮੈਂਬਰਾਂ ਪ੍ਰਤੀ ਰਵੱਈਆ ਗਰਮਜੋਸ਼ੀ ਨਾਲ ਭਰਪੂਰ ਸੀ। ਉਨ੍ਹਾਂ ਲੋਕਾਂ ਨੇ ਸਾਨੂੰ ਵਧੀਆ ਖਾਣਾ ਵੀ ਖੁਆਇਆ।” ਉਨ੍ਹਾਂ ਕਿਹਾ ਕਿ ਔਰਤ ਨਿਰਦੇਸ਼ਕ ਨਾਲ ਕੰਮ ਕਰਨਾ ਬਹੁਤ ਸਹਿਜ ਤੇ ਸੁਵਿਧਾ ਜਨਕ ਹੁੰਦਾ ਹੈ, ‘ਅਸੀਂ ਠੰਢ 'ਚ ਮਸਤੀ ਕੀਤੀ, ਇਕੱਠੇ ਰੋਏ ਅਤੇ ਸਭ ਤੋਂ ਵੱਡੀ ਗੱਲ ਅਸੀਂ ਇੱਕ ਦੂਜੇ ਨੂੰ ਚੰਗੀ ਤਰ੍ਹਾਂ ਸਮਝ ਸਕੇ। ਮੈਨੂੰ ਬਹੁਤ ਖੁਸ਼ੀ ਹੈ ਕਿ ਸੋਨਮ ਨਾਇਰ ਦੇ ਰੂਪ ਵਿਚ ਮੈਨੂੰ ਇੱਕ ਭੈਣ ਮਿਲ ਗਈ। ਉਹ ਕੰਮ ਨੂੰ ਮਜ਼ੇਦਾਰ ਬਣਾ ਦਿੰਦਾ ਹੈ। ਇਸ ਸੀਰੀਜ਼ 'ਚ ਦੀਆ ਨਾਲ ਅਭਿਨੇਤਾ ਮੋਹਿਤ ਰੈਣਾ ਵੀ ਹੈ।”