ਸਮੱਗਰੀ-ਉਬਲੇ ਹੋਏ ਬਾਸਮਤੀ ਚੌਲ 250 ਗਰਾਮ, ਘਿਓ ਇੱਕ ਵੱਡਾ ਚਮਚ, ਉਬਲੇ ਹਰੇ ਮਟਰ, ਅੱਧਾ ਕੱਪ, ਉਬਲੀ ਕਟੀ ਹੋਈ ਗਾਜਰ ਤੇ ਫਲੀਆਂ ਦੋ ਵੱਡੇ ਚਮਚ, ਕਾਜੂ, ਬਾਦਾਮ ਅਤੇ ਕਿਸ਼ਮਿਸ਼-ਇੱਕ ਚੌਥਾ ਕੱਪ, ਪਿਆਜ਼ (ਸਲਾਈਸ) 250 ਗਰਾਮ, ਕਸੂਰੀ ਮੇਥੀ ਇੱਕ ਛੋਟਾ ਚਮਚ, ਜ਼ੀਰਾ ਅੱਧਾ ਛੋਟਾ ਚਮਚ, ਦਾਲਚੀਨੀ ਪਾਊਡਰ ਛੋਟਾ ਅੱਧਾ ਚਮਚ, ਗਰਮ ਮਸਾਲਾ ਇੱਕ ਛੋਟਾ ਚਮਚ, ਪਨੀਰ (ਛੋਟੇ ਟੁਕੜਿਆਂ ਵਿੱਚ ਕਟਿਆ ਹੋਇਆ) 100 ਗਰਾਮ, ਨਮਕ ਸਵਾਦ ਅਨੁਸਾਰ।
ਬਣਾਉਣ ਦਾ ਤਰੀਕਾ- ਇਸ ਨੂੰ ਬਣਾਉਣ ਲਈ ਤੁਸੀਂ ਸਭ ਤੋਂ ਪਹਿਲਾਂ ਥੋੜ੍ਹਾ ਜਿਹਾ ਘਿਓ ਪਾ ਕੇ ਚੌਲਾਂ ਨੂੰ ਉਬਾਲ ਲਓ। ਅਲੱਗ ਅਲੱਗ ਕਰ ਲਓ। ਇਸ ਤੋਂ ਬਾਅਦ ਕੜਾਹੀ ਵਿੱਚ ਘਿਓ ਗਰਮ ਕਰ ਕੇ ਇਸ ਵਿੱਚ ਬਾਦਾਮ, ਕਾਜੂ ਅਤੇ ਕਿਸ਼ਮਿਸ਼ ਭੁੰਨ ਕੇ ਕੱਢ ਲਓ। ਬਚੇ ਹੋਏ ਤੇਲ ਵਿੱਚ ਪਿਆਜ਼ ਪਾਊ ਤੇ ਇਸ ਨੂੰ ਹਲਕਾ ਭੂਰਾ ਹੋਣ ਤੱਕ ਭੁੰਨੋ।
ਬਾਅਦ ਵਿੱਚ ਇਸ ਵਿੱਚ ਜ਼ੀਰਾ ਤੇ ਦਾਲਚੀਨੀ ਪਾਊਡਰ ਵੀ ਪਾ ਦਿਓ। ਇਸ ਸਭ ਤੋਂ ਬਾਅਦ ਤੁਸੀਂ ਸਾਰੀਆਂ ਸਬਜ਼ੀਆਂ ਤੇ ਚੌਲ ਪਾ ਕੇ ਕਰੀਬ ਇੱਕ ਮਿੰਟ ਤੱਕ ਪਕਾਓ। ਫਿਰ ਇਸ ਵਿੱਚ ਭੰੁਨੇ ਹੋਏ ਕਾਜੂ, ਕਿਸ਼ਮਿਸ ਮਿਲਾ ਕੇ ਅੱਧਾ ਮਿੰਟ ਤੱਕ ਪਕਾਓ। ਲਖਨਵੀ ਪੁਲਾਅ ਤਿਆਰ ਹੈ। ਇਸ ਨੂੰ ਦਹੀਂ ਜਾਂ ਫਿਰ ਤੇਜ਼ ਮਿਰਚ ਵਾਲੀ ਚਟਣੀ ਨਾਲ ਪਰੋਸੋ।