‘ਇਸ਼ਕਜ਼ਾਦੇ’, ‘ਔਰੰਗਜ਼ੇਬ’, ‘ਗੁੰਡੇ', ‘ਟੂ ਸਟੇਟਸ’, ‘ਫਾਈਡਿੰਗ ਫੇਨੀ’, ‘ਕੀ ਐਂਡ ਕਾ’, ‘ਤੇਵਰ’, ‘ਨਮਸਤੇ ਲੰਡਨ’ ਵਰਗੀਆਂ ਫਿਲਮਾਂ 'ਚ ਕੰਮ ਕਰ ਚੁੱਕੇ ਅਰਜੁਨ ਕਪੂਰ ਅੱਜਕੱਲ੍ਹ ਫਿਲਮਾਂ ਬਦਲੇ ਆਪਣੀ ਪ੍ਰਸਨਲ ਲਾਈਫ ਬਾਰੇ ਜ਼ਿਆਦਾ ਸੁਰਖੀਆਂ ਵਿੱਚ ਹਨ। ਇਸ ਦਾ ਮਤਲਬ ਇਹ ਨਹੀਂ ਕਿ ਉਸ ਦੇ ਹੱਥ ਵਿੱਚ ਫਿਲਮਾਂ ਨਹੀਂ ਹਨ। ਪੇਸ਼ ਹਨ ਉਸ ਨਾਲ ਹੋਈ ਗੱਲਬਾਤ ਦੇ ਮੁੱਖ ਅੰਸ਼ :
* ਤੁਹਾਡਾ ਪਰਵਾਰ ਕਈ ਸਾਲਾਂ ਤੋਂ ਫਿਲਮ ਇੰਡਸਟਰੀ ਨਾਲ ਜੁੜਿਆ ਹੋਇਆ ਹੈ। ਕੀ ਇਸ ਲਈ ਤੁਹਾਡਾ ਰੁਝਾਨ ਫਿਲਮਾਂ ਵੱਲ ਹੋਇਆ ਜਾਂ ਤੁਸੀਂ ਕੁਝ ਹੋਰ ਕਰਨਾ ਚਾਹੁੰਦੇ ਸੀ?
- ਫਿਲਮੀ ਮਾਹੌਲ ਬਚਪਨ ਤੋਂ ਮਿਲਿਆ ਹੈ, ਇਸ ਲਈ ਪਾਸੇ ਅੱਗੇ ਵਧਣ ਬਾਰੇ ਮੈਂ ਸੋਚਿਆ। ਮੈਂ ਸ਼ੁਰੂੁ 'ਚ ਨਿਰਦੇਸ਼ਕ ਬਣਨਾ ਚਾਹੁੰਦਾ ਸੀ। ਅਸਿਸਟੈਂਟ ਡਾਇਰੈਕਟਰ ਵਜੋਂ ‘ਕੱਲ੍ਹ ਹੋ ਨਾ ਹੋ', ‘ਸਲਾਮ-ਏ-ਇਸ਼ਕ’ ਵਰਗੀਆਂ ਫਿਲਮਾਂ 'ਚ ਕੰਮ ਵੀ ਕੀਤਾ। ਇਸ ਵਿੱਚ ਸਲਮਾਨ ਨਾਲ ਮੁਲਾਕਾਤ ਹੋਈ ਤੇ ਉਨ੍ਹਾਂ ਨੇ ਮੈਨੂੰ ਕਿਹਾ ਕਿ ਤੂੰ ਹੀਰੋ ਕਿਉਂ ਨਹੀਂ ਬਣਦਾ। ਇੰਨੀ ਵੱਡੀ ਹਸਤੀ ਨੂੰ ਮੈਂ ‘ਨਾਂਹ' ਨਹੀਂ ਕਹਿ ਸਕਿਆ। ਉਨ੍ਹਾਂ ਦਾ ਮੇਰੇ 'ਤੇ ਵਿਸ਼ਵਾਸ ਦੇਖ ਕੇ ਮੈਂ ਹੈਰਾਨ ਰਹਿ ਗਿਆ। ਮੈਂ ਸੋਚਿਆ ਕਰ ਕੇ ਦੇਖਦੇ ਹਾਂ।
* ‘ਇਸ਼ਕਜ਼ਾਦੇ’ ਤੋਂ ਲੈ ਕੇ ਅੱਜ ਤੱਕ ਤੁਹਾਡੀ ਰਫ-ਟਫ ਤੇ ਰਾਊਡੀ ਇਮੇਜ਼ ਬਣੀ ਹੈ। ਕੀ ਤੁਸੀਂ ਇੱਕ ਹੀ ਇਮੇਜ਼ 'ਚ ਬੱਝਣਾ ਚਾਹੁੰਦੇ ਹੋ।
- ਜਾਣਬੁੱਝ ਕੇ ਅਜਿਹਾ ਕਦੇ ਨਹੀਂ ਕਰਦਾ, ਪਰ ਗੰਭੀਰਤਾ ਨਾਲ ਕਹਾਂ ਤਾਂ ‘ਟੂ ਸਟੇਟਸ’ ਵਰਗੀ ਮੇਰੀ ਸਭ ਤੋਂ ਸਫਲ ਫਿਲਮ 'ਚ ਮੇਰੀ ਸਾਫ-ਸੁਥਰੀ ਇਮੇਜ ਸੀ, ਬਹੁਤ ਸਾਰੇ ਲੋਕ ਮੈਨੂੰ ਰਫ-ਟਫ ਲੁੱਕ 'ਚ ਦੇਖਣਾ ਪਸੰਦ ਕਰਦੇ ਹਨ, ਪਰ ਨਾਲ ਹੀ ਉਨ੍ਹਾਂ ਨੇ ਮੈਨੁੂੰ ਇਸ ਦੇ ਠੀਕ ਆਪੋਜ਼ਿਟ ਕਿਰਦਾਰ ਵਿੱਚ ਵੀ ਓਨਾ ਹੀ ਪਿਆਰ ਦਿੱਤਾ ਹੈ। ਇਸ ਤੋਂ ਇਹ ਸਾਬਤ ਹੁੰਦਾ ਹੈ ਕਿ ਕਿਸੇ ਵੀ ਤਰ੍ਹਾਂ ਦੀ ਇੱਕ ਇਮੇਜ 'ਚ ਬੱਝਣ ਦੀ ਗੱਲ ਹੋ ਹੀ ਨਹੀਂ ਸਕਦੀ।
* ਕਿਹਾ ਜਾਂਦਾ ਹੈ ਕਿ ਤੁਸੀਂ ਆਪਣੇ ਕਿਰਦਾਰ ਦੇ ਹਿਸਾਬ ਨਾਲ ਟਿਕ ਕੇ ਹੋਮਵਰਕ ਕਰਦੇ ਹੋ?
- ਹਰ ਕਲਾਕਾਰ ਲਈ ਇਹ ਕਰਨਾ ਜ਼ਰੂਰੀ ਹੁੰਦਾ ਹੈ, ਤਦੇ ਤੁਸੀਂ ਕਿਰਦਾਰ ਨਾਲ ਨਿਆਂ ਕਰ ਸਕਦੇ ਹੋ। ਸਭ ਤੋਂ ਪਹਿਲਾਂ ਤੁਹਾਨੂੰ ਆਪਣੀ ਪਿਛਲੀ ਫਿਲਮ ਤੋਂ ਬਾਹਰ ਆਉਣਾ ਹੁੰਦਾ ਹੈ ਤੇ ਇੱਕ ਨਵੇਂ ਵਿਅਕਤੀਗਤ ਨੂੰ ਅਪਣਾਉਣਾ ਹੁੰਦਾ ਹੈ। ਮੈਂ ਫਿਲਮਾਂ 'ਚ ਆਪਣੇ ਕਿਰਦਾਰਾਂ ਦੇ ਹਿਸਾਬ ਨਾਲ ਬੋਲਣ ਦੇ ਲਹਿਜ਼ੇ 'ਤੇ ਵੀ ਕਾਫੀ ਧਿਆਨ ਦਿੰਦਾ ਹਾਂ, ਪਰ ਮੈਨੂੰ ਐਕਸ਼ਨ ਸੀਕਵੈਂਸ ਲਈ ਕਾਫੀ ਮਾਨਸਿਕ ਤਿਆਰੀ ਕਰਨੀ ਪਈ।
* ਤੁਹਾਡੇ ਵਰਗੇ ਸ਼ਾਂਤ ਐਕਟਰ ਲਈ ਹਮਲਾਵਰ ਕਿਰਦਾਰ ਨਿਭਾਉਣਾ ਕਿੰਨਾ ਮੁਸ਼ਕਲ ਹੁੰਦਾ ਹੈ?
- ਅਜਿਹਾ ਕਿਰਦਾਰ ਨਿਭਾਉਣਾ ਮੁਸ਼ਕਲ ਹੁੰਦਾ ਹੈ ਕਿਉਂਕਿ ਮੈਂ ਥੋੜ੍ਹਾ ਸ਼ਾਂਤ ਸੁਭਾਅ ਦਾ ਹਾਂ। ਥੋੜ੍ਹਾ ਰਿਜ਼ਰਵ ਟਾਈਪ ਵੀ ਹਾਂ, ਇਸ ਲਈ ਮੇਰੇ ਵਾਸਤੇ ਇਹ ਕਾਫੀ ਦਿਲਚਸਪ ਹੁੰਦਾ ਹੈ ਕਿ ਮੈਂ ਕੈਮਰੇ ਦੇ ਸਾਹਮਣੇ ਆਪਣੇ ਵਿਅਕਤੀਤਵ ਦਾ ਦੂਜਾ ਪਹਿਲੂ ਪੇਸ਼ ਕਰਾਂ। ਮੈਂ ਹਮਲਾਵਰ ਸੁਭਾਅ ਦਾ ਮਜ਼ਾ ਲੈਂਦਾ ਹਾਂ, ਪਰ ਇਸ ਨਾਲ ਕਦੇ ਖੁਦ ਨੂੰ ਜੋੜ ਕੇ ਨਹੀਂ ਦੇਖਦਾ। ਮੈਂ ਅਜਿਹੇ ਕਿਰਦਾਰ ਨਿਭਾਉਣਾ ਪਸੰਦ ਕਰਦਾ ਹਾਂ ਕਿਉਂਕਿ ਮੈਂ ਅਸਲ ਜ਼ਿੰਦਗੀ ਵਿੱਚ ਅਜਿਹਾ ਨਹੀਂ ਹਾਂ।
* ਮਲਾਇਕਾ ਤੇ ਤੁਸੀਂ ਅੱਜ ਤੱਕ ਦੇ ਆਪਣੇ ਰਿਲੇਸ਼ਨਸ਼ਿਪ ਸਟੇਟਸ ਦਾ ਖੁਲਾਸਾ ਨਹੀਂ ਕੀਤਾ?
- ਸੀਰੀਅਸ ਨੋਟ 'ਤੇ ਗੱਲ ਕਰਾਂ ਤਾਂ ਮੈਂ ਵਿਆਹ ਨਹੀਂ ਕਰ ਰਿਹਾ, ਮੈਂ ਕਦੇ ਕਿਸੇ ਤੋਂ ਕੁਝ ਨਹੀਂ ਲੁਕੋਇਆ, ਪਰ ਮੇਰੀ ਪ੍ਰਸਨਲ ਲਾਈਫ ਵੀ ਸਨਮਾਨ ਦੀ ਹੱਕਦਾਰ ਹੈ। ਮੈਂ ਖੁਸ਼ ਹਾਂ, ਮੇਰੇ ਲਈ ਇਹ ਵੱਡੀ ਗੱਲ ਹੈ। ਮੈਂ ਇਸ 'ਚੁ ਕਝ ਨਹੀਂ ਜੋੜਨਾ ਚਾਹੁੰਦਾ। ਮੇਰੀ ਪ੍ਰਸਨਲ ਤੇ ਪ੍ਰੋਫੈਸ਼ਨਲ ਲਾਈਫ ਮੈਨੂੰ ਰਾਤ ਨੂੰ ਸਕੂਨ ਨਾਲ ਸੌਣ ਦੀ ਵਜ੍ਹਾ ਦਿੰਦੀ ਹੈ ਤੇ ਮੈਂ ਇਸ ਨੂੰ ਇੰਝ ਹੀ ਬਰਕਰਾਰ ਰੱਖਣਾ ਚਾਹੁੰਦਾ ਹਾਂ।