ਵਾਸ਼ਿੰਗਟਨ, 4 ਅਕਤੂਬਰ (ਪੋਸਟ ਬਿਊਰੋ)- ਸੂਰਜ ਮੰਡਲ ਦੇ ਆਖਰੀ ਕਿਨਾਰੇ ਉੱਤੇ ਇਕ ਨਵੇਂ ਪਿੰਡ ਦੀ ਖੋਜ ਹੋਈ ਹੈ। ‘2015 ਟੀ ਜੀ 378’ ਨਾਂਅ ਦਾ ਇਹ ਪਿੰਡ 40 ਹਜ਼ਾਰ ਸਾਲਾਂ 'ਚ ਸੂਰਜ ਦੀ ਪਰਿਕਰਮਾ ਪੂਰੀ ਕਰਦਾ ਹੈ।
ਅਮਰੀਕਾ ਦੇ ਕਾਰਨੇਗੀ ਇੰਸਟੀਚਿਊਸ਼ਨ ਫਾਰ ਸਾਇੰਸ ਦੇ ਖੋਜੀਆਂ ਅਨੁਸਾਰ ਇਹ ਉਲਕਾ ਪਿੰਡ ਸੂਰਜ ਤੋਂ 80 ਐਸਟਰੋਨਾਮੀਕਲਸ ਯੂਨਿਟ (ਏ ਯੂ) ਦੀ ਦੂਰੀ ਉਤੇ ਹੈ। ਏ ਯੂ ਸੂਰਜ ਤੇ ਧਰਤੀ ਦੀ ਵਿਚਲੀ ਦੂਰੀ ਦਾ ਮਾਪ ਯੰਤਰ ਹੈ। ‘2015 ਟੀ ਜੀ 378’ ਤੋਂ ਸੂਰਜ ਦੀ ਦੂਰੀ ਸੂਰਜ ਅਤੇ ਪਲੂਟੋ ਦੀ ਦੂਰੀ ਨਾਲੋਂ ਵੀ ਢਾਈ ਗੁਣਾ ਵੱਧ ਹੈ। ਪਰਿਕਰਮਾ ਦੌਰਾਨ ਇਸ ਪਿੰਡ ਦੀ ਸੂਰਜ ਤੋਂ ਦੂਰੀ ਕਰੀਬ 65 ਏ ਯੂ ਰਹਿੰਦੀ ਹੈ। ਇਸ ਦੇ ਇਲਾਵਾ ਕੇਵਲ 2012 ਵੀ ਪੀ 113 ਸੂਰਜ ਤੋਂ 80 ਏ ਯੂ ਅਤੇ ਸੇਡਨਾ 76 ਏ ਯੂ ਦੀ ਦੂਰੀ ਉਤੇ ਹੈ। 2015 ਟੀ ਜੀ 387 ਅਤੇ ਮੰਡਲ 'ਚ ਮੌਜੂਦ ਕੁਝ ਪਿੰਡਾਂ 'ਚ ਸ਼ਾਮਲ ਹੈ ਜੋ ਬ੍ਰਹਿਸਪਤੀ ਤੇ ਵਰੁਣ ਗ੍ਰਹਿ ਦੇ ਚੁੰਬਕੀ ਖੇਤਰ 'ਚ ਨਹੀਂ ਆਉਂਦੇ। ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਇਨ੍ਹਾਂ ਨਾਲ ਸੂਰਜ ਮੰਡਲ ਦੇ ਆਖਰੀ ਕਿਨਾਰੇ ਹੋ ਰਹੀਆਂ ਘਟਨਾਵਾਂ ਦਾ ਪਤਾ ਲਾਇਆ ਜਾ ਸਕਦਾ ਹੈ। ਇਸ ਤਰ੍ਹਾਂ ਦੇ ਹਜ਼ਾਰਾਂ ਪਿੰਡ ਸੂਰਜ ਮੰਡਲ 'ਚ ਹੋ ਸਕਦੇ ਹਨ, ਪਰ ਜ਼ਿਆਦਾ ਦੂਰੀ ਦੇ ਕਾਰਨ ਕੋਜ ਕਰਨਾ ਮੁਸ਼ਕਿਲ ਹੈ। 2015 ਟੀਜੀ 387 99 ਫੀਸਦੀ ਸਮੇਂ ਤੱਕ ਸੂਰਜ ਤੋਂ ਇਨ੍ਹਾਂ ਦੂਰ ਹੁੰਦਾ ਹੈ ਕਿ ਇਸ ਨੂੰ ਆਸਾਨੀ ਨਾਲ ਦੇਖਿਆ ਨਹੀਂ ਜਾ ਸਕਦਾ।