ਸਟਾਕਹੋਮ, 21 ਮਈ (ਪੋਸਟ ਬਿਊਰੋ)- ਸਵੀਡਨ ਵਿੱਚ ਕੱਲ੍ਹ ਵਿਕੀਲੀਕਸ ਦੇ ਮੋਢੀ ਜੂਲੀਅਨ ਅਸਾਂਜ 'ਤੇ ਬਲਾਤਕਾਰ ਦਾ ਮੁਕੱਦਮਾ ਚਲਾਏ ਜਾਣ ਦੇਾ ਅਪੀਲ ਪੱਤਰ ਕੋਰਟ ਵਿੱਚ ਦਾਖਲ ਕਰ ਦਿੱਤਾ ਗਿਆ ਹੈ। ਜੇ ਕੋਰਟ ਉਸ ਦੀ ਗ੍ਰਿਫਤਾਰੀ ਦਾ ਹੁਕਮ ਦਿੰਦੀ ਹੈ ਤਾਂ ਸਵੀਡਨ ਦੀ ਪੁਲਸ ਯੂਰਪੀਅਨ ਗ੍ਰਿਫਤਾਰੀ ਵਾਰੰਟ ਜਾਰੀ ਕਰ ਕੇ ਬ੍ਰਿਟੇਨ ਤੋਂ ਉਸ ਦੀ ਕਸਟਡੀ ਮੰਗੇਗੀ। ਸਵੀਡਨ ਅਤੇ ਬ੍ਰਿਟੇਨ ਯੂਰਪੀ ਯੂਨੀਅਨ ਦੇ ਮੈਂਬਰ ਹਨ, ਇਸ ਲਈ ਉਨ੍ਹਾਂ ਦੀ ਹਵਾਲਗੀ ਦਾ ਕੰਮ ਬਹੁਤ ਸੌਖਾ ਹੈ। ਅਸਾਂਜ ਜ਼ਮਾਨਤ ਸ਼ਰਤਾਂ ਦੀ ਉਲੰਘਣਾ ਦੇ ਦੋਸ਼ ਵਿੱਚ ਬ੍ਰਿਟੇਨ ਵਿੱਚ 50 ਹਫਤੇ ਦੀ ਸਜ਼ਾ ਭੁਗਤ ਰਹੇ ਹਨ। ਕੁਝ ਸਾਲ ਪਹਿਲਾਂ ਅਮਰੀਕਾ ਦੇ ਖੁਫੀਆ ਦਸਤਾਵੇਜ਼ ਲੀਕ ਕਰ ਕੇ ਅਸਾਂਜ ਨੇ ਸਨਸਨੀ ਪੈਦਾ ਕਰ ਦਿੱਤੀ ਸੀ।
ਆਸਟਰੇਲੀਅਨ ਮੂਲ ਦੇ ਪੱਤਰਕਾਰ ਅਸਾਂਜ ਉਤੇ 2010 ਵਿੱਚ ਸਵੀਡਨ ਵਿੱਚ ਇੱਕ ਸਹਿਯੋਗੀ ਕਰਮਚਾਰੀ ਨੇ ਬਲਾਤਕਾਰ ਦਾ ਦੋਸ਼ ਲਾਇਆ ਸੀ, ਪ੍ਰੰਤੂ ਬ੍ਰਿਟੇਨ ਵਿੱਚ ਅਸਾਂਜ ਦੇ ਜ਼ਮਾਨਤ ਲੈਣ ਅਤੇ ਫਿਰ ਇਕਵਾਡੋਰ ਦੂਤਘਰ ਵਿੱਚ ਪਨਾਹ ਲੈ ਲੈਣ ਨਾਲ ਬਲਾਤਕਾਰ ਕੇਸ ਦੀ ਜਾਂਚ ਅੱਗੇ ਨਹੀਂ ਸੀ ਵਧ ਸਕੀ। ਸਨ 2017 ਵਿੱਚ ਸਵੀਡਨ ਵਿੱਚ ਇਸ ਕੇਸ ਨੂੰ ਬੰਦ ਕਰ ਦਿੱਤਾ ਗਿਆ, ਪਰ ਬੀਤੀ 11 ਅਪ੍ਰੈਲ ਨੂੰ ਜਦ ਇਕਵਾਡੋਰ ਨੇ ਅਸਾਂਜ ਨੂੰ ਆਪਣੇ ਦੂਤਘਰ ਤੋਂ ਬਾਹਰ ਕੀਤਾ, ਤਾਂ ਬ੍ਰਿਟਿਸ਼ ਪੁਲਸ ਨੇ ਉਨ੍ਹਾਂ ਨੂੰ ਗ੍ਰਿਫਤਾਰ ਕਰ ਲਿਆ। ਇਸ ਦੇ ਬਾਅਦ ਬ੍ਰਿਟਿਸ਼ ਕੋਰਟ ਨੇ ਜ਼ਮਾਨਤ ਸ਼ਰਤਾਂ ਦੇ ਉਲੰਘਣਾ ਦੇ ਦੋਸ਼ ਵਿੱਚ ਇੱਕ ਮਈ ਨੂੰ 50 ਹਫਤੇ ਦੀ ਕੈਦ ਦੀ ਸਜ਼ਾ ਸੁਣਾਈ ਅਤੇ ਪਿਛਲੇ ਹਫਤੇ ਸਵੀਡਨ ਨੇ ਬਲਾਤਕਾਰ ਮਾਮਲੇ ਦੀ ਜਾਂਚ ਫਿਰ ਤੋਂ ਸ਼ੁਰੂ ਕਰਨ ਦਾ ਫੈਸਲਾ ਕੀਤਾ ਹੈ। ਸਵੀਡਨ ਵਿੱਚ ਸਰਕਾਰੀ ਵਕੀਲੀ ਮਾਮਲਿਆਂ ਦੀ ਅਧਿਕਾਰੀ ਇਵਾ ਮੈਰੀ ਪਰਸਨ ਨੇ ਦੱਸਿਆ ਕਿ ਉਨ੍ਹਾਂ ਨੇ ਉਪਾਸਲਾ ਡਿਸਟਿ੍ਰਕਟ ਕੋਰਟ ਤੋਂ ਬਲਾਤਕਾਰ ਲੁਸ ਦੀ ਜਾਂਚ ਫਿਰ ਤੋਂ ਸ਼ੁਰੂ ਕਰਨ ਦੀ ਇਜਾਜ਼ਤ ਮੰਗੀ ਹੈ। ਕੋਰਟ ਨੇ ਅਜੇ ਤੱਕ ਸੁਣਵਾਈ ਦੇ ਲਈ ਅਗਲੀ ਤਰੀਕ ਤੈਅ ਨਹੀਂ ਕੀਤੀ ਹੈ।