ਵਿਦੇਸ਼ਾਂ ਵਿਚ ਸਖਤ ਮਿਹਨਤ-ਮੁਸ਼ਕਤ ਕਰਕੇ ਆਰਿਥਕ ਤੌਰ ’ਤੇ ਖੁਸ਼ਹਾਲ ਹੋਣ ਦੇ ਨਾਲ-ਨਾਲ ਅਨੇਕਾਂ ਪੰਜਾਬੀ ਉਥੋਂ ਦੇ ਸਿਆਸੀ ਖੇਤਰ ਵਿਚ ਵੀ ਕਾਰਜ਼ਸ਼ੀਲ ਹਨ।ਪਰ ਪੱਤਰਕਾਰੀ ਅਤੇ ਕਲਾ ਦੇ ਖੇਤਰ ਨਾਲ ਸਬੰਧਤ ਪੰਜਾਬੀਆਂ ਦੀ ਘੱਟ ਹੀ ਹੈ ਜੋ ਸਿਆਸਤ ਦੇ ਖੇਤਰ ਵਿਚ ਵੀ ਸਰਗਰਮ ਹੋਣ।ਪਰ ਆਦਮਪੁਰ ਨੇੜੇ ਪਿੰਡ ਹਰੀਪੁਰ (ਜਲੰਧਰ) ਦੇ ਮਾਸਟਰ ਅਮਰੀਕ ਸਿੰਘ ਦੇ ਪੁੱਤਰ ਪੱਤਰਕਾਰ ਅਤੇ ਸਾਹਿਤ ਤੇ ਰੰਗਮੰਚ ਦਾ ਪਾਰਖੂ ਜਸਬੀਰ ਦਿਓਲ ਨੇ ਕੇਨੈਡਾ ਦੇ ਸ਼ਹਿਰ ਐਡਮਿੰਟਨ ਦੇ ਮੈਡੋਜ਼ ਹਲਕੇ ਤੋਂ ਐਨ.ਡੀ.ਪੀ. ਪਾਰਟੀ ਦਾ ਵਧਾਇਕ ਬਣਕੇ ਉਸ ਘੱਟ ਗਿਣਤੀ ਵਿਚ ਇਕ ਨਾਂ ਹੋਰ ਸ਼ੁਮਾਰ ਕਰ ਦਿੱਤਾ ਹੈ।ਇਸ ਤੋਂ ਪਹਿਲਾਂ ਐਡਮਿੰਟਨ ਦੇ ਰੰਗਕਰਮੀ ਅਮਰਜੀਤ ਸੋਹੀ ਵੀ ਕੈਨੇਡਾ ਦੀ ਮੌਜੂਦਾ ਕੇਂਦਰੀ ਸਰਕਾਰ ਵਿਚ ਮੰਤਰੀ ਹਨ। ਇਹ ਜਾਣਕਾਰੀ ਦਿੰਦੇ ਨਾਟ-ਕਰਮੀ ਸੰਜੀਵਨ ਸਿੰਘ ਨੇ ਦਿੰਦੇ ਕਿਹਾ ਕਿ ਸ੍ਰੀ ਦਿਓਲ ਦਾ ਨਾਂ ਐਡਮਿੰਟਨ ਦੀ ਪੱਤਰਕਾਰੀ ਦੇ ਖੇਤਰ ਦੇ ਨਾਲ ਨਾਲ ਸਾਹਿਤਕ ਅਤੇ ਨਾਟਕੀ ਗਤੀਵਿਧੀਆਂ ਨੂੰ ਉਤਸ਼ਾਹਤ ਕਰਨ ਲਈ ਚੌਣਵੇਂ ਨਾਵਾਂ ਵਿਚ ਸ਼ੁਮਾਰ ਹੁੰਦਾ ਹੈ।
ਸਰਘੀ ਪ੍ਰੀਵਾਰ ਦੇ ਰੰਗਕਰਮੀ ਅਤੇ ਟੀ.ਵੀ. ਅਤੇ ਫਿਲਮਾਂ ਦੇ ਕਲਾਕਾਰ ਸੰਜੀਵ ਦੀਵਾਨ, ਰੰਜੀਵਨ ਸਿੰਘ, ਲਖਵਿੰਦਰ ਸਿੰਘ, ਮਨੀ ਸਭਰਵਾਲ, ਗੁਰਪ੍ਰੀਤ ਧਾਲੀਵਾਲ ਤੇ ਰਿੱਤੂਰਾਗ ਕੌਰ ਅਤੇ ਅਹੁੱਦੇਦਾਰ ਅਸ਼ੋਕ ਬਜਹੇੜੀ, ਕੁਲਵਿੰਦਰ ਬਾਵਾ, ਮੇਜਰ ਨਾਗਰਾ (ਟਰਾਂਟੋ), ਡਾ. ਜਸਵੰਤ ਸਿੰਘ, ਕ੍ਰਿਸ਼ਣ ਲਾਲ ਸੈਣੀ,ਮਨੋਜ ਅਗਰਵਾਲ ਅਤੇ ਗੁਰਿੰਦਰਜੀਤ ਸਿੰਘ ਨੇ ਵੀ ਜਸਬੀਰ ਦਿਓਲ ਨੂੰ ਵਧਾਇਕ ਬਨਣ ’ਤੇ ਵਧਾਈ ਦਿੰਦੇ ਹੋਰ ਬੁਲੰਦੀਆਂ ਛੋਹਣ ਦੀ ਕਾਮਨਾ ਕੀਤੀ।