ਪਿਛਲੇ ਦਿਨੀਂ ਅਕਸ਼ੈ ਕੁਮਾਰ ਦੀ ਫਿਲਮ ‘ਸੂਰਿਆਵੰਸ਼ੀ’ ਦੇ ਬਾਰੇ ਖਬਰ ਆਈ ਸੀ ਕਿ ਇਸ ਵਿੱਚ ਕੈਟਰੀਨਾ ਕੈਫ ਲੀਡ ਭੂਮਿਕਾ ਕਰੇਗੀ। ਰੋਹਿਤ ਸ਼ੈੱਟੀ ਦੀ ਇਹ ਫਿਲਮ ਨਿਰਮਾਣ ਤੋਂ ਪਹਿਲਾਂ ਹੀ ਚਰਚਾ ਵਿੱਚ ਆ ਗਈ ਹੈ। ਖਬਰ ਹੈ ਕਿ ਅਭਿਨੇਤਾ ਨਿਕਿਤਨ ਧੀਰ ਦੀ ਵੀ ਇਸ ਵਿੱਚ ਐਂਟਰੀ ਹੋ ਗਈ ਹੈ। ਨਿਕਿਤਨ ਨੇ ਰੋਹਿਤ ਦੀ ਫਿਲਮ ‘ਚੇਨਈ ਐਕਸਪ੍ਰੈਸ’ ਵਿੱਚ ਥੰਗਾਬੱਲੀ ਦੀ ਭੂਮਿਕਾ ਨਿਭਾਈ ਸੀ।
ਖੁਦ ਨਿਕਿਤਨ ਰੋਹਿਤ ਦੀ ਇੱਕ ਹੋਰ ਫਿਲਮ ਵਿੱਚ ਕਿਰਦਾਰ ਮਿਲ ਜਾਣ ਤੋਂ ਕਾਫੀ ਖੁਸ਼ ਹਨ। ਉਨ੍ਹਾਂ ਨੇ ਟਵਿੱਟਰ 'ਤੇ ਲਿਖਿਆ ਹੈ, ‘‘ਕਈ ਵਾਰ ਸ਼ਬਦਾਂ ਨਾਲ ਆਪਣੀਆਂ ਭਾਵਨਾਵਾਂ ਨੂੰ ਬਿਆਨ ਨਹੀਂ ਕੀਤਾ ਜਾ ਸਕਦਾ। ਰੋਮਾਂਚਿਤ ਅਤੇ ਊਰਜਾ ਨਾਲ ਭਰਿਆ ਹਾਂ। ਇਸ ਫਿਲਮ ਵਿੱਚ ਰੋਲ ਮਿਲਣ ਕਾਰਨ ਕਾਫੀ ਮਾਣ ਮਹਿਸੂਸ ਕਰ ਰਿਹਾ ਹਾਂ।”