ਟੋਰਾਂਟੋ, 20 ਮਈ (ਪੋਸਟ ਬਿਊਰੋ)- ਸਾਊਥ ਏਸ਼ੀਅਨ ਬੁਆਏਜ਼ ਤੇ ਟੋਰਾਂਟੋ ਟਰੱਕ ਡਰਾਇਵਿੰਗ ਸਕੂਲ ਦੇ ਸਹਿਯੋਗ ਨਾਲ ਟੋਰਾਂਟੋ ਟਰੱਕ ਡਰਾਇਵਿੰਗ ਸਕੂਲ ਦੀ ਟੋਰਾਂਟੋ ਵਾਲੀ ਲੋਕੇਸਨ ਉਤੇ ਸੱਤਵਾਂ ਮੇਲਾ ਬੀਬੀਆਂ ਦਾ ਆਯੋਜਿਤ ਕੀਤਾ ਗਿਆ। ਇਸ ਦੌਰਾਨ ਹਜਾਰਾਂ ਹੀ ਬੀਬੀਆਂ ਨੇ ਆ ਕੇ ਇਸ ਮੇਲੇ ਦਾ ਆਨੰਦ ਮਾਣਿਆ। ਯਾਦ ਰਹੇ ਕਿ ਇਸ ਦੀ ਕੋਈ ਵੀ ਟਿਕਟ ਨਹੀ ਹੁੰਦੀ ਸਗੋ ਇਸ ਵਿਚ ਖਾਣ-ਪੀਣ ਦਾ ਪ੍ਰਬੰਧ ਵੀ ਪੂਰਾ ਕੀਤਾ ਜਾਂਦਾ ਹੈ। ਇਸ ਮੇਲੇ ਵਿਚ ਵੱਖ-ਵੱਖ ਗਾਇਕਾਂ ਨੇ ਆਪਣੀ ਹਾਜਰੀ ਲਗਵਾਈ, ਜਿਨ੍ਹਾਂ ਵਿਚ ਰਣਜੀਤ ਮਣੀ, ਜਯੋਤੀ ਸ਼ਰਮਾ, ਗੁਰਸੇਵਕ ਸੋਨੀ, ਦਿਲਪ੍ਰੀਤ, ਜੱਸੀ ਧੰਜਲ, ਰੁਪਿੰਦਰ ਕੌਰ ਰਿੰਪੀ ਅਤੇ ਅਮਰਦੀਪ ਦੇਵਗਨ ਦੇ ਨਾਮ ਜਿਕਰਯੋਗ ਹਨ। ਇਸ ਦੌਰਾਨ ਬੀਬੀਆਂ ਵੱਲੋਂ ਜਾਗੋ, ਸੁਹਾਗ, ਗਿੱਧਾ ਆਦਿ ਦੀ ਵੀ ਪੇਸ਼ਕਾਰੀ ਕੀਤੀ ਗਈ। ਇਸ ਦੌਰਾਨ ਫਿਲਮ ਐਕਟ੍ਰੈਸ ਤਾਨੀਆ ਨੇ ਸਪੈਸ਼ਲ ਅਪੀਅਰੈਸ ਵੀ ਦਿੱਤੀ। ਇਸ ਮੇਲੇ ਵਿਚ ਸਭ ਤੋਂ ਵੱਡੀ ਉਮਰ ਦੀ ਪਹੁੰਚੀ ਮਾਤਾ ਗੁਰਬਚਨ ਕੌਰ ਜੋ 101 ਸਾਲ ਦੀ ਹੈ, ਨੂੰ ਸੋਨੇ ਦੇ ਤਗਮੇ ਨਾਲ ਸਨਮਾਨਿਤ ਕੀਤਾ ਗਿਆ। ਕੁਲਵਿੰਦਰ ਛੀਨਾ ਨੇ ਦੱਸਿਆ ਕਿ ਇਸ ਮੇਲੇ ਨੂੰ ਜਿਆਦਾਤਰ ਸਪਾਂਸਰਾਂ ਦੇ ਸਹਿਯੋਗ ਨਾਲ ਹੀ ਪੇਸ਼ ਕੀਤਾ ਜਾਂਦਾ ਹੈ ਅਤੇ ਇਹ ਕਮਰਸ਼ੀਲਾਈਜੇਸਨ ਤੋਂ ਹਟ ਕੇ ਸਹੀ ਰੂਪ ਵਿਚ ਮੇਲੇ ਨੂੰ ਪੇਸ਼ ਕਰਨ ਦੀ ਕੋਸਿ਼ਸ਼਼ ਕੀਤੀ ਜਾਂਦੀ ਹੈ, ਜਿਸ ਨੂੰ ਆਏ ਸਾਲ ਵੱਧ ਚੜ੍ਹ ਕੇ ਹੁੰਗਾਰਾ ਮਿਲ ਰਿਹਾ ਹੈ। ਜਿਥੇ ਹੀ ਪਾਲੀਟੀਸ਼ਨਜ ਤੇ ਹੋਰ ਸੰਸਥਾਵਾਂ ਵਲੋਂ ਸਹਿਯੋਗ ਮਿਲਦਾ ਹੈ, ਉਸ ਦੇ ਨਾਲ-ਨਾਲ ਉਨ੍ਹਾਂ ਮੀਡੀਆ ਦਾ ਵੀ ਧੰਨਵਾਦ ਕੀਤਾ, ਜਿਨ੍ਹਾਂ ਵਿਸ਼ੇਸ਼ ਤੌਰ ਉਤੇ ਇਸ ਮੇਲੇ ਨੂੰ ਸਹਿਯੋਗ ਦੇਣ ਲਈ ਆਪਣਾ ਰੋਲ ਨਿਭਾਇਆ।