Welcome to Canadian Punjabi Post
Follow us on

19

September 2019
ਪੰਜਾਬ

ਰਾਣਾ ਗੁਰਜੀਤ ਸਿੰਘ ਦੇ ਕੁੜਮ ਨੂੰ ਅਦਾਲਤ ਵੱਲੋਂ ਕੰਮ ਰੋਕਣ ਦਾ ਹੁਕਮ

May 21, 2019 02:57 AM

ਜਲੰਧਰ, 20 ਮਈ (ਪੋਸਟ ਬਿਊਰੋ)- ਪਿੰਡ ਕਾਦੀਆਂਵਾਲ ਅਤੇ ਧਨਾਲ ਵਿੱਚ 41 ਏਕੜ ਜ਼ਮੀਨ ਦੇ ਝਗੜੇ ਵਿੱਚ ਹਲਕਾ ਕਪੂਰਥਲਾ ਦੇ ਕਾਂਗਰਸੀ ਵਿਧਾਇਕ ਰਾਣਾ ਗਰੁਜੀਤ ਸਿੰਘ ਦੇ ਕੁੜਮ ਐੱਨ ਆਰ ਆਈ ਅੰਮ੍ਰਿਤਪਾਲ ਸਿੰਘ ਨੂੰ ਅਦਾਲਤ ਨੇ ਸਟਰਲਿੰਗ ਟਾਊਨ ਵੱਲੋਂ ਜਾਣ ਵਾਲੀ ਸੜਕ 'ਤੇ ਚੱਲਦਾ ਨਿਰਮਾਣ ਕੰਮ ਰੋਕਣ ਦੇ ਹੁਕਮ ਦੇ ਦਿੱਤੇ ਹਨ। ਇਸ ਕੇਸ ਦੀ ਅਗਲੀ ਸੁਣਵਾਈ 30 ਮਈ ਨੂੰ ਹੋਣੀ ਹੈ, ਤਦ ਤੱਕ ਐੱਨ ਆਰ ਆਈ ਅੰਮ੍ਰਿਤਪਾਲ ਸਿੰਘ ਕਲੋਨੀ ਵਿੱਚ ਜਾਣ ਦਾ ਰਸਤਾ ਬੰਦ ਨਹੀਂ ਕਰ ਸਕਣਗੇ। ਇਸੇ ਕੇਸ ਵਿੱਚ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਵੀ ਪੰਜਾਬ ਪੁਲਸ ਦੇ ਮੁਖੀ ਅਤੇ ਐਡੀਸ਼ਨਲ ਚੀਫ ਸੈਕਟਰੀ ਨੂੰ ਜਾਂਚ ਕਰਨ ਨੂੰ ਕਿਹਾ ਹੈ।
ਵਰਨਣ ਯੋਗ ਹੈ ਕਿ ਫਾਰਮ ਹਾਊਸਾਂ ਦੇ ਹੋਲਡਰਜ਼ ਨੇ ਕਾਂਗਰਸ ਦੇ ਵਿਧਾਇਕ ਰਾਣਾ ਗੁਰਜੀਤ ਸਿੰਘ ਦੇ ਖਿਲਾਫ ਸ਼ਿਕਾਇਤ ਦਿੱਤੀ ਹੈ ਕਿ ਜਿਸ ਗੱਡੀ ਵਿੱਚ ਅੰਮ੍ਰਿਤਪਾਲ ਸਿੰਘ 66 ਫੁੱਟ ਰੋਡ ਉਤੇ ਆਏ ਸਨ ਅਤੇ ਉਨ੍ਹਾਂ ਦੇ ਨਾਲ ਝਗੜਾ ਕੀਤਾ ਸੀ, ਉਸ ਗੱਡੀ ਉੱਤੇ ਨੰਬਰ ਵੀ ਵੀ ਗਲਤ ਲੱਗਾ ਸੀ ਅਤੇ ਜੋ ਨੰਬਰ ਲਾਇਆ ਗਿਆ, ਉਹ ਰਾਣਾ ਦੀ ਕੰਪਨੀ ਦੀ ਕਾਰ ਦਾ ਸੀ, ਜਦ ਕਿ ਲੱਗਾ ਕੈਮਰੀ ਕਾਰ ਉੱਤੇ ਸੀ। ਰੀਅਲ ਸਟੇਟ ਵਪਾਰੀ ਅਤੇ ਹੋਟਲ ਡੇਜ ਦੇ ਮਾਲਕ ਰਾਜਨ ਚੋਪੜਾ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਦੋਸ਼ ਲਗਾਇਆ ਸੀ ਕਿ 41 ਏਕੜ ਜ਼ਮੀਨ ਉਨ੍ਹਾਂ ਨੇ ਅਤੇ ਉਨ੍ਹਾਂ ਨਾਲ ਕਈ ਵੱਡੇ ਘਰਾਣਿਆਂ ਨੇ ਅੰਮ੍ਰਿਤਪਾਲ ਸਿੰਘ ਤੋਂ ਖਰੀਦੀ ਸੀ। ਜਦ ਜ਼ਮੀਨ ਲੈ ਲਈ ਤਾਂ ਉਸ ਵਿੱਚ 66 ਫੁੱਟ ਸੜਕ ਅਤੇ 200 ਫੁੱਟ ਮੇਨ ਫਰੰਟ ਸੀ, ਇਸ ਦੀ ਰਜਿਸਟਰੀ ਵੀ ਉਨ੍ਹਾਂ ਸਭਨਾਂ ਦੇ ਨਾਂਅ 'ਤੇ ਸੀ। ਪਿੱਛੋਂ ਅੰਮ੍ਰਿਤਪਾਲ ਸਿੰਘ ਨੇ ਆਪਣੇ ਸਾਲੇ ਨਾਲ ਮਿਲ ਕੇ 200 ਫੁੱਟ ਮੇਨ ਫਰੰਟ ਨੂੰ ਆਪਣੀ ਰਿਸ਼ਤੇਦਾਰ ਦੇ ਨਾਂਅ ਕਰਵਾ ਦਿੱਤਾ ਅਤੇ ਉਸ 'ਤੇ ਉਸਾਰੀ ਸ਼ੁਰੂ ਕਰ ਦਿੱਤੀ। ਜਦ ਉਨ੍ਹਾਂ ਵਿਰੋਧ ਕੀਤਾ ਤਾਂ ਅੰਮ੍ਰਿਤਪਾਲ ਸਿੰਘ ਨੇ ਆਪਣੇ ਕੁੜਮ ਰਾਣਾ ਗੁਰਜੀਤ ਦੇ ਗੰਨਮੈਨ ਲਿਆ ਕੇ ਉਨ੍ਹਾਂ ਨੂੰ ਧਮਕੀ ਦਿੱਤੀ ਅਤੇ ਔਰਤਾਂ ਨਾਲ ਬਦਸਲੂਕੀ ਕੀਤੀ। ਇਸ ਬਾਰੇ ਉਨ੍ਹਾਂ ਨੇ ਅਦਾਲਤ ਦੀ ਸ਼ਰਣ ਲਈ ਸੀ। ਸਿਵਲ ਜੱਜ ਜੂਨੀਅਰ ਡਿਵੀਜ਼ਨ ਰਾਜਿੰਦਰ ਸਿੰਘ ਤੇਜੀ ਦੀ ਅਦਾਲਤ ਨੇ ਹੁਕਮ ਦਿੱਤਾ ਹੈ ਕਿ ਸਟਰਲਿੰਗ ਟਾਊਨ ਵਿਲਾ ਦੇ ਰਸਤੇ ਨੂੰ ਨਹੀਂ ਰੋਕਿਆ ਜਾ ਸਕਦਾ। ਉਥੇ ਚੱਲ ਰਹੇ ਨਿਰਮਾਣ ਨੂੰ ਰੋਕਣ ਦੇ ਹੁਕਮ ਦਿੱਤੇ ਹਨ।

Have something to say? Post your comment
ਹੋਰ ਪੰਜਾਬ ਖ਼ਬਰਾਂ
ਕੈਪਟਨ ਸਰਕਾਰ ਦਾ ਦਾਅਵਾ: ਨਵੇਂ ਸਲਾਹਕਾਰ ਵਿਧਾਇਕਾਂ ਦੀ ਫੌਜ ਸਰਕਾਰੀ ਸਹੂਲਤਾਂ ਦੇ ਬਿਨਾਂ ਹੀ ਕੰਮ ਕਰੇਗੀ
ਬਜ਼ੁਰਗ ਔਰਤ ਨੇ ਭੇਤਭਰੀ ਹਾਲਤ 'ਚ ਖੁਦਕੁਸ਼ੀ ਕਰ ਲਈ
ਅਕਾਲੀ ਦਲ ਵੱਲੋਂ ਹਰਿਆਣਾ ਅਸੈਂਬਲੀ ਚੋਣਾਂ ਲੜਨ ਦਾ ਐਲਾਨ
ਗੁਰੂ ਕਾਸ਼ੀ ਕੈਂਪਸ ਵਿੱਚ ਫੈਕਲਟੀ ਫੁੱਲ, ਵਿਦਿਆਰਥੀ ਹੈ ਨਹੀਂ
ਸੈਸ਼ਨ ਜੱਜ ਨੇ ਕਿਹਾ: ਵਿਧਾਇਕ ਬਣ ਗਏ ਤਾਂ ਬਦਸਲੂਕੀ ਦਾ ਲਾਇਸੈਂਸ ਨਹੀਂ ਮਿਲ ਜਾਂਦਾ
ਦੇਖਭਾਲ ਨਾ ਕਰਨ ਕਰ ਕੇ ਦੋਵਾਂ ਧੀਆਂ ਨੂੰ ਮਾਂ ਤੋਂ ਲਈ ਜਾਇਦਾਦ ਗਵਾਉਣੀ ਪਈ
ਤਰਨ ਤਾਰਨ ਧਮਾਕਾ ਕੇਸ: ਮੁੱਖ ਮਕਸਦ ਆਮ ਲੋਕਾਂ ਵਿੱਚ ਦਹਿਸ਼ਤ ਪੈਦਾ ਕਰਨਾ ਸੀ
550ਵੇਂ ਪ੍ਰਕਾਸ਼ ਪੁਰਬ ਮੌਕੇ ਸ਼ੁਰੂ ਹੋਵੇਗੀ ਅੰਮ੍ਰਿਤਸਰ-ਪਟਨਾ ਸਾਹਿਬ ਲਈ ਉਡਾਣ
ਕੈਨੇਡੀਅਨ ਕੁੜੀ ਜੱਸੀ ਦੇ ਕਤਲ ਕੇਸ ਵਿੱਚ ਮਾਂ ਤੇ ਮਾਮੇ ਖਿਲਾਫ ਦੋਸ਼ ਲਾਗੂ
ਨਾਜਾਇਜ਼ ਮਾਈਨਿੰਗ ਦਾ ਧੰਦਾ ਬੇਨਕਾਬ, ਛੇ ਜਣੇ ਫੜੇ ਗਏ