ਅਰਜੁਨ ਕਪੂਰ ਅੱਜਕੱਲ੍ਹ ਫਿਲਮ ‘ਇੰਡੀਆਜ਼ ਮੋਸਟ ਵਾਂਟਿਡ’ ਨਾਲ ਚਰਚਾ ਵਿੱਚ ਹਨ। ਇਸ ਦੇ ਇਲਾਵਾ ਉਹ ਪੀਰੀਅਡ ਡਰਾਮਾ ਫਿਲਮ ‘ਪਾਣੀਪਤ’ ਦੀ ਸ਼ੂਟਿੰਗ ਕਰ ਰਹੇ ਹਨ। ਇਸ ਫਿਲਮ ਦੇ ਬਾਰੇ ਉਸ ਨੇ ਕਿਹਾ, ‘ਪਾਣੀਪਤ’ ਐਕਸ਼ਨ ਫਿਲਮ ਹੈ। ਕੁਝ ਦਿਨ ਚੰਗੇ ਹੁੰਦੇ ਹਨ ਤੇ ਕੁਝ ਮੁਸ਼ਕਲ। ‘ਪਾਣੀਪਤ' ਨਾਲ ਇਹ ਚੰਗੀਆਂ ਯਾਦਾਂ ਹਨ, ਪਰੰਤੂ ਮੈਂ ਥੱਕ ਗਿਆ ਹਾਂ ਤੇ ਇਸ ਦੇ ਬਾਅਦ ਵੀ ਮੈਨੂੰ ਆਪਣੀ ਫਿਲਮ ‘ਇੰਡੀਆਜ਼ ਮੋਸਟ ਵਾਂਟਿਡ’ ਦੇ ਪ੍ਰਮੋਸ਼ਨ ਦੇ ਲਈ ਜਾਣਾ ਹੈ। ‘ਪਾਣੀਪਤ’ ਵਿੱਚ ਸੰਜੇ ਦੱਤ ਨਾਲ ਸਕਰੀਨ ਸ਼ੇਅਰ ਕਰਨਾ ਯਾਦਗਾਰ ਮੌਕਾ ਹੈ। ਫਿਲਮ ਵਿੱਚ ਸੰਜੇ ਨੇ ਨਕਾਰਾਤਮਕ ਭੂਮਿਕਾ ਨਿਭਾਈ ਹੈ। ਉਸ ਦੇ ਕਿਰਦਾਰ ਨੂੰ ਲੈ ਕੇ ਅਰਜੁਨ ਕਹਿੰਦੇ ਹਨ, ‘‘ਸੰਜੂ ਸਰ ਉਨ੍ਹਾਂ ਲੋਕਾਂ ਵਿੱਚੋਂ ਹਨ, ਜਿਨ੍ਹਾਂ ਨੂੰ ਮੈਂ ਬਚਪਨ ਤੋਂ ਦੇਖਦਾ ਆ ਰਿਹਾ ਹਾਂ। ਅਸੀਂ ਸਾਰੇ ਉਨ੍ਹਾਂ ਨੂੰ ਦੇਖਦੇ ਹੋਏ ਵੱਡੇ ਹੋਏ ਹਾਂ। ਅਸੀਂ ਉਨ੍ਹਾਂ ਨੂੰ ਬਤੌਰ ਕਲਾਕਾਰ ਤਾਂ ਜਾਣਦੇ ਹੀ ਹਾਂ, ਨਾਲ ਹੀ ਉਹ ਨਿੱਜੀ ਜੀਵਨ ਵਿੱਚ ਵੀ ਇੱਕ ਬਹੁਤ ਵਧੀਆ ਇਨਸਾਨ ਹਨ।”
ਅਰਜੁਨ ਨੇ ਅੱਗੇ ਦੱਸਿਆ, ‘‘ਉਹ ਬੱਚੇ ਦੀ ਤਰ੍ਹਾਂ ਹਨ ਅਤੇ ਬਹੁਤ ਦਿਆਲੂ ਵੀ। ਅਜਿਹੇ ਵਿੱਚ ਉਹ ਕਲਪਨਾ ਕਰਨਾ ਮੁਸ਼ਕਲ ਹੈ ਕਿ ਉਹ ਫਿਲਮ ਵਿੱਚ ਵਿਲੇਨ ਦੀ ਭੂਮਿਕਾ ਵਿੱਚ ਹਨ। ਸੈਟ 'ਤੇ ਤੁਹਾਡੇ ਨਾਲ ਬੱਚਿਆਂ ਵਾਂਗ ਖੇਡਦੇ ਹਨ ਤੇ ਤੁਸੀਂ ਭੁੱਲ ਜਾਓਗੇ ਕਿ ਤੁਸੀਂ ਸ਼ਦਾਸ਼ਿਵ ਰਾਓ ਭਾਊ ਦੀ ਭੂਮਿਕਾ ਵਿੱਚ ਤੇ ਉਹ ਅਹਿਮਦ ਸ਼ਾਹ ਅਬਦਾਲੀ ਦੀ।”