ਜੈਕਲੀਨ ਫਰਨਾਂਡੀਜ ਇਨ੍ਹੀਂ ਦਿਨੀਂ ਸਿਰੀਸ਼ ਕੁੰਦਰ ਦੀ ਵੈੱਬ ਸੀਰੀਜ਼ ‘ਮਿਸੇਜ ਸੀਰੀਅਲ ਕਿਲਰ’ ਦੀ ਤਿਆਰੀ ਕਰ ਰਹੀ ਹੈ। ਉਸ ਨੇ ਪਿੱਛੇ ਜਿਹੇ ਕੋਈ ਨਵੀਂ ਫਿਲਮ ਸਾਈਨ ਨਹੀਂ ਕੀਤੀ ਹੈ। ਕਿਹਾ ਜਾਂਦਾ ਹੈ ਕਿ ਉਹ ਵਰੁਣ ਧਵਨ ਤੇ ਸਾਰਾ ਅਲੀ ਖਾਨ ਨੂੰ ਬਾਰੇ ਬਣ ਰਹੀ ਫਿਲਮ ‘ਕੁਲੀ ਨੰਬਰ 1’ ਵਿੱਚ ਨਜ਼ਰ ਆ ਸਕਦੀ ਹੈ। ਇਸ ਫਿਲਮ ਬਾਰ ਮੇਕਰਸ ਨਾਲ ਗੱਲ ਚੱਲ ਰਹੀ ਹੈ। ਜੈਕਲੀਨ ਦੀ ਪਿਛਲੀ ਫਿਲਮ ‘ਰੇਸ 3’ ਨਹੀਂ ਚੱਲੀ, ਜਦ ਕਿ ਉਸ ਦੀ ਵਰੁਣ ਧਵਨ ਦੇ ਨਾਲ ਰਿਲੀਜ਼ ਹੋਈ ‘ਜੁੜਵਾ 2’ ਨੂੰ ਵਧੀਆ ਰਿਸਪਾਂਸ ਮਿਲਿਆ ਸੀ। ਅਜਿਹੇ ਵਿੱਚ ਉਹ ਇੱਕ ਵਾਰ ਫਿਰ ਤੋਂ ਇੱਕ ਰੋਮਾਂਟਿਕ ਕਾਮੇਡੀ ਫਿਲਮ ਕਰਨਾ ਚਾਹੁੰਦੀ ਹੈ।
ਜੇ ਸਭ ਕੁਝ ਪਲਾਨ ਮੁਤਾਬਕ ਰਿਹਾ ਤਾਂ ਇਸ ਫਿਲਮ ਵਿੱਚ ਬਤੌਰ ਸੈਕਿੰਡ ਲੀਡ ਨਜ਼ਰ ਆ ਸਕਦੀ ਹੈ। ਸੂਤਰਾਂ ਦੀ ਮੰਨੀਏ ਤਾਂ ਇਹ ਕਿਰਦਾਰ ਸਾਰਾ ਦੇ ਕਿਰਦਾਰ ਦੀ ਭੈਣ ਦਾ ਹੋ ਸਕਦਾ ਹੈ। ਫਿਲਮ ਦੀ ਕਹਾਣੀ ਦੇ ਹਿਸਾਬ ਨਾਲ ਦੋਵੇਂ ਅਭਿਨੇਤਰੀਆਂ ਵਰੁਣ ਦੇ ਨਾਲ ਰੋਮਾਂਸ ਕਰਦੀਆਂ ਨਜ਼ਰ ਆਉਣਗੀਆਂ। ਜੈਕਲੀਨ ਦੀ ਫਿਲਮ ‘ਡਰਾਈਵ’ ਕਾਫੀ ਸਮੇਂ ਤੋਂ ਬਣ ਕੇ ਤਿਆਰ ਹੈ। ਇਹ ਇਸ ਸਾਲ ਜੂਨ ਵਿੱਚ ਰਿਲੀਜ਼ ਹੋ ਸਕਦੀ ਹੈ।