Welcome to Canadian Punjabi Post
Follow us on

22

September 2019
ਅੰਤਰਰਾਸ਼ਟਰੀ

ਨਿਊਜ਼ੀਲੈਂਡ ਦੀਆਂ ਜੇਲ੍ਹਾਂ ਵਿੱਚ 250 ਤੋਂ ਵੱਧ ਭਾਰਤੀ

May 17, 2019 08:27 AM

ਆਕਲੈਂਡ, 16 ਮਈ (ਪੋਸਟ ਬਿਊਰੋ)- ਜੇਲ੍ਹ ਵਿਭਾਗ ਤੋਂ ‘ਆਫੀਸ਼ੀਅਲ ਇਨਫਰਮੇਸ਼ਨ ਐਕਟ 1982` ਹੇਠ ਮਿਲੀਆਂ ਸੂਚੀਆਂ ਅਨੁਸਾਰ 30 ਅਪ੍ਰੈਲ ਤਕ ਦੀ ਪਹਿਲੀ ਸੂਚੀ ਵਿੱਚ ਭਾਰਤੀ ਨਾਗਰਿਕਤਾ ਵਾਲੇ 2 ਦੋਸ਼ੀ ਰਿਮਾਂਡ ਉਤੇ ਹਨ ਤੇ 7 ਹੋਰ ਦੋਸ਼ੀਆਂ ਨੂੰ ਸਜ਼ਾ ਹੋ ਚੁੱਕੀ ਹੈ। ਰਿਮਾਂਡ ਵਾਲਿਆਂ ਵਿੱਚ ਇਕ ਦਾ ਦੋਸ਼ ਇਮੀਗ੍ਰੇਸ਼ਨ ਫਰਾਡ ਹੈ, ਇਕ ਦਾ ਬੇਈਮਾਨੀ ਨਾਲ ਸਬੰਧ ਹੈ। ਸਜ਼ਾ ਪ੍ਰਾਪਤ ਕਰ ਚੁੱਕਿਆਂ ਵਿੱਚ 3 ਦਾ ਸੈਕਸ ਸ਼ੋਸ਼ਣ ਨਾਲ ਸਬੰਧ ਹੈ ਤੇ ਚਾਰ ਦਾ ਹਿੰਸਾ ਨਾਲ ਹੈ। ਇਕ ਨੂੰ 2 ਤੋਂ 3 ਸਾਲ ਸਜ਼ਾ ਹੋਈ, ਪੰਜਾਂ ਨੂੰ 5 ਤੋਂ 10 ਸਾਲ, ਇਕ ਨੂੰ ਉਮਰ ਕੈਦ ਅਤੇ 2 ਰਿਮਾਂਡ ਉੱਤੇ ਹਨ।
ਇਸ ਬਾਰੇ ਦੂਸਰੀ ਸੂਚੀ ਦੇ ਸਤੰਬਰ 1972 ਤੋਂ 30 ਅਪ੍ਰੈਲ ਤਕ ਜਾਰੀ ਅੰਕੜਿਆਂ ਅਨੁਸਾਰ ਕੁੱਲ 249 ਭਾਰਤੀ ਮੂਲ ਦੇ ਲੋਕ ਅੱਜ ਤਕ ਸਜ਼ਾ ਪ੍ਰਾਪਤ ਕਰ ਚੁੱਕੇ ਹਨ। ਇਨ੍ਹਾਂ ਵਿਚੋਂ ਬਹੁਤ ਸਾਰੇ ਆਪਣੀ ਸਜ਼ਾ ਭੁਗਤ ਚੁੱਕੇ ਹਨ ਅਤੇ ਕੁਝ ਜੀਵਨ ਭਰ ਲਈ ਤੇ ਰਹਿੰਦੀ ਸਜ਼ਾ ਲਈ ਅੰਦਰ ਹਨ। ਦੋਸ਼ੀਆਂ ਤੇ ਦੋਸ਼ਾਂ ਦੇ ਵੇਰਵੇ ਮੁਤਾਬਕ ਕਾਨੂੰਨੀ ਉਲੰਘਣਾ ਵਿਚ 8, ਚੋਰੀ ਜਾਂ ਸੰਨ੍ਹ ਵਿਚ 18, ਫਰਾਡ ਵਿਚ 45, ਨਸ਼ਿਆਂ ਵਿਚ 4, ਮਿਲਵੇਂ ਦੋਸ਼ਾਂ ਵਿਚ 29, ਜਾਇਦਾਦ ਵਿਚ ਇਕ, ਜਿਨਸੀ ਸ਼ੋਸ਼ਣ ਵਿਚ 39, ਆਵਾਜਾਈ ਬੇਨਿਯਮੀਆਂ ਵਿਚ 54, ਹਿੰਸਾ ਵਿਚ 47 ਤੇ ਹਥਿਆਰਾਂ ਵਿਚ 4 ਦੋਸ਼ੀ ਸਜ਼ਾ ਪ੍ਰਾਪਤ ਕਰ ਚੁੱਕੇ ਹਨ। ਇਨ੍ਹਾਂ ਦੀ ਸਜ਼ਾ ਵਿਚ ਕੁਝ ਨੂੰ 101 ਦੋਸ਼ੀਆਂ ਨੂੰ 6 ਮਹੀਨੇ ਤਕ ਜਾਂ ਘੱਟ, 58 ਨੂੰ 6 ਮਹੀਨੇ ਤੋਂ ਇਕ ਸਾਲ ਤਕ, 37 ਨੂੰ ਇਕ ਤੋਂ 2 ਸਾਲ, 19 ਨੂੰ 2 ਤੋਂ 3 ਸਾਲ, 12 ਨੂੰ 3 ਤੋਂ 5 ਸਾਲ, 17 ਨੂੰ 5 ਤੋਂ 10 ਸਾਲ, 2 ਨੂੰ 10 ਸਾਲ ਤੋਂ ਉਪਰ ਤੇ 3 ਨੂੰ ਉਮਰ ਭਰ ਦੀ ਸਜ਼ਾ ਹੋਈ ਹੈ। ਕੁਝ ਦੋਸ਼ੀਆਂ ਨੂੰ ਇਕ ਤੋਂ ਵੱਧ ਸਜ਼ਾਵਾਂ ਵੀ ਹਨ। ਇਨ੍ਹਾਂ ਅਪਰਾਧਿਕ ਮਾਮਲਿਆਂ ਦੀਆਂ ਖ਼ਬਰਾਂ ਵੇਲੇ ਬਹੁਤ ਸਾਰੇ ਲੋਕਾਂ ਨੂੰ ਆਪਣੇ ਦੇਸ਼ ਦੇ ਲੋਕਾਂ ਬਾਰੇ ਜਾਣਕਾਰੀ ਹੁੰਦੀ ਹੈ ਪਰ ਸਜ਼ਾ ਹੋਣ ਦੇ ਬਾਅਦ ਇਹ ਜਾਣਕਾਰੀ ਵਿਭਾਗ ਜਾਰੀ ਨਹੀਂ ਕਰਦਾ।

Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ
ਬ੍ਰਿਟਿਸ਼ ਪਾਰਲੀਮੈਂਟ ਨੂੰ ਸਸਪੈਂਡ ਕਰਨ ਬਾਰੇ ਸੁਪਰੀਮ ਕੋਰਟ ਦਾ ਫੈਸਲਾ ਅਗਲੇ ਹਫਤੇ
ਹਥਿਆਰਾਂ ਦੀ ਸਮੱਗਲਿੰਗ ਦੇ ਸ਼ੱਕ 'ਚ ਅਮਰੀਕੀ ਪਾਇਲਟ ਕਾਬੂ
ਬ੍ਰਗਜ਼ਿਟ ਬਾਰੇ ਯੂ ਕੇ ਸਰਕਾਰ ਨਾਗਰਿਕਾਂ ਨੂੰ ਸਲਾਹਾਂ ਦੇਣ ਲੱਗੀ
ਅਮਰੀਕੀ ਪਾਰਲੀਮੈਂਟ ਦੀ ਕਮੇਟੀ ਨੇ ਬੋਇੰਗ ਦਾ ਸੀ ਈ ਓ ਤਲਬ ਕਰ ਲਿਆ
ਪਾਕਿ ਦੇ ਐੱਮ ਪੀ ਨੇ ਕਿਹਾ, ਤੀਹ ਹਿੰਦੂ ਕੁੜੀਆਂ ਅਗਵਾ ਹੋਈਆਂ
ਮੁੰਬਈ ਵਰਗੀ ਗਲਤੀ ਫਿਰ ਹੁੰਦੀ ਤਾਂ ਭਾਰਤ ਚੜ੍ਹਾਈ ਕਰ ਦਿੰਦਾ
ਸਾਊਦੀ ਅਰਬ ਵੱਲੋਂ ਤੇਲ ਦੀ ਸਪਲਾਈ ਬਹਾਲ ਕਰਨ ਨਾਲ ਤੇਲ ਦੀਆਂ ਕੀਮਤਾਂ ਵਿੱਚ ਆਈ ਗਿਰਾਵਟ
ਸਿੱਖ ਵਫਦ ਨੇ ਇਮਰਾਨ ਖਾਨ ਦੇ ਵਿਸ਼ੇਸ਼ ਸਹਾਇਕ ਨਾਲ ਕੀਤੀ ਮੁਲਾਕਾਤ
ਭਾਰਤੀ ਡਾਂਸ ਗਰੁੱਪ 'ਵੀ ਅਨਬੀਟੇਬਲ' ਪ੍ਰਸਿੱਧ ਸ਼ੋਅ 'ਅਮੈਰੀਕਾ'ਜ਼ ਗੌਟ ਟੇਲੈਂਟ' ਦੇ ਫਾਈਨਲ `ਚ
ਇਮਰਾਨ ਵੱਲੋਂ ਪਾਕਿਸਤਾਨੀਆਂ ਨੂੰ ਜਹਾਦ ਲਈ ਭਾਰਤੀ ਕਸ਼ਮੀਰ ਨਾ ਜਾਣ ਦੀ ਚਿਤਾਵਨੀ