Welcome to Canadian Punjabi Post
Follow us on

20

August 2019
ਪੰਜਾਬ

ਚੰਡੀਗੜ੍ਹ ਵਿੱਚ ਮੋਦੀ ਨੇ ਕਿਹਾ: ਦੇਸ਼ ‘ਇੰਡੀਆ ਫਰਸਟ` ਚੁਣੇਗਾ, ‘ਫੈਮਿਲੀ ਫਰਸਟ` ਨਹੀਂ

May 15, 2019 09:10 AM

* ਚੁਨੌਤੀ ਦੇ ਕੇ ਕਿਹਾ, ਮੇਰੀ ਕੋਈ ਬੇਨਾਮੀ ਜਾਇਦਾਦ ਸਾਬਤ ਕਰੋ


ਚੰਡੀਗੜ੍ਹ, 14 ਮਈ, (ਪੋਸਟ ਬਿਊਰੋ)- ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਾਂਗਰਸ ਉੱਤੇ ਹਮਲਾ ਕਰਦੇ ਹੋਏ ਅੱਜ ਏਥੇ ਕਿਹਾ ਕਿ ਭਾਰਤ ਮਜ਼ਬੂਤ ਸਰਕਾਰ ਚੁਣੇਗਾ, ਉਹ ‘ਫੈਮਿਲੀ ਫਰਸਟ` ਦੀ ਥਾਂ ‘ਕੰਟਰੀ ਫਰਸਟ` ਚੁਣੇਗਾ।
ਅੱਜ ਮੰਗਲਵਾਰ ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਚੰਡੀਗੜ੍ਹ ਵਿੱਚ ਰੈਲੀ ਨੂੰ ਸੰਬੋਧਤ ਕਰਦੇ ਹੋਏ ਕਿਹਾ ਕਿ ਇਹ ਦੇਸ਼ ਮਜ਼ਬੂਤ ਸਰਕਾਰ ਚੁਣ ਰਿਹਾ ਹੈ, ਕਮਜ਼ੋਰ ਸਰਕਾਰ ਨਹੀਂ। ਸਾਰੇ ਲੋਕ ‘ਇੰਡੀਆ ਫਰਸਟ` ਨੂੰ ਚੁਣ ਰਹੇ ਹਨ,‘ਫੈਮਿਲੀ ਫਰਸਟ` ਨੂੰ ਨਹੀਂ, ਲੋਕ ਵੰਸ਼ਵਾਦ ਦੀ ਥਾਂ ਵਿਕਾਸ ਚੁਣ ਰਹੇ ਹਨ।` ਉਨ੍ਹਾਂ ਕਿਹਾ ਕਿ ਭਾਰਤ ਉਨ੍ਹਾਂ ਲੋਕਾਂ ਨੂੰ ਚੁਣ ਰਿਹਾ ਹੈ, ਜਿਨ੍ਹਾਂ ਨੇ ਅੱਤਵਾਦੀਆਂ ਨੂੰ ਉਨ੍ਹਾਂ ਦੇ ਘਰ ਜਾ ਕੇ ਮਾਰਿਆ ਹੈ।ਮੋਦੀ ਨੇ ਕਿਹਾ ਕਿ ਕਾਂਗਰਸ ਤੇ ਉਨ੍ਹਾਂ ਦੇ ‘ਮਹਾਮਿਲਾਵਟੀ` ਗਠਜੋੜ ਦੇ ਸਹਿਯੋਗੀ ਇਸ ਦੇਸ਼ ਦੇ ਲੋਕਾਂ ਦਾ ਫਤਵਾ ਹਜ਼ਮਨਹੀਂਕਰ ਸਕੇ।
ਅੱਜ ਹੀ ਉੱਤਰ ਪ੍ਰਦੇਸ਼ ਦੇ ਬਲੀਆ ਵਿੱਚ ਪ੍ਰਧਾਨ ਮੰਤਰੀ ਮੋਦੀ ਨੇ ਵਿਰੋਧੀ ਧਿਰਾਂ ਨੂੰ ਚੁਨੌਤੀ ਦਿੰਦੇ ਹੋਏ ਕਿਹਾ ਕਿ ਇਹ ਮਹਾਮਿਲਾਵਟੀ ਗੱਠਜੋੜ ਦੇ ਲੋਕ ਸਾਬਤ ਕਰਨ ਕਿ ਮੈਂ ਗੁਜਰਾਤ ਦੇ ਮੁੱਖ ਮੰਤਰੀ ਅਤੇ ਦੇਸ਼ ਦੇ ਪ੍ਰਧਾਨ ਮੰਤਰੀ ਦੇ ਕਾਰਜਕਾਲ ਵਿਚ ਕੋਈ ਬੇਨਾਮੀ ਜਾਇਦਾਦ ਬਣਾਈ ਹੈ। ਇਕ ਚੋਣ ਜਲਸੇ ਵਿੱਚ ਬੋਲਦੇ ਹੋਏ ਉਨ੍ਹਾਂ ਕਿਹਾ ਕਿ ਲਗਭਗ ਦੋ ਦਹਾਕਿਆਂ ਤੋਂਮੈਂਮੁੱਖ ਮੰਤਰੀ ਅਤੇ ਪ੍ਰਧਾਨ ਮੰਤਰੀ ਵਜੋਂ ਕੰਮ ਕਰ ਰਿਹਾ ਹਾਂ ਤੇ ਮਹਾਮਿਲਾਵਟੀ ਲੋਕ ਸਾਬਤ ਕਰਨ ਕਿ ਮੈਂ ਕੋਈ ਬੇਨਾਮੀ ਜਾਇਦਾਦ ਬਣਾਈ ਹੈ।ਇਸ ਮੌਕੇ ਨਰਿੰਦਰ ਮੋਦੀ ਨੇ ਕਿਹਾ ਕਿ ਭੂਆ ਤੇ ਬਬੂਆ (ਮਾਇਆਵਤੀ ਅਤੇ ਅਖਿਲੇਸ਼) ਮਿਲਾ ਕੇ ਜਿੰਨੇ ਸਾਲ ਮੁੱਖ ਮੰਤਰੀ ਨਹੀਂ ਰਹੇ, ਓਦੋਂ ਵੱਧ ਸਮਾਂ ਮੇਂ ਗੁਜਰਾਤ ਦਾ ਮੁੱਖ ਮੰਤਰੀ ਰਿਹਾ। ਵਿਰੋਧੀ ਧਿਰ ਇਹ ਦੱਸੇ ਕਿ ਕੀ ਮੈਂ ਕੋਈ ਫ਼ਾਰਮਹਾਉਸ ਜਾਂ ਸ਼ਾਪਿੰਗ ਕੰਪਲੈਕਸ ਬਣਵਾਇਆ ਜਾਂ ਵਿਦੇਸ਼ ਵਿਚ ਪੈਸੇ ਜਮ੍ਹਾਂ ਕੀਤੇ ਹਨ। ਕੀ ਲੱਖਾਂ ਰੁਪਏ ਦੀਆਂ ਗੱਡੀਆਂ ਖ਼ਰੀਦੀਆਂ ਜਾਂ ਕਰੋੜਾਂ ਦੇ ਬੰਗਲੇ ਬਣਵਾਏ। ਮੈਂ ਗ਼ਰੀਬਾਂ ਦੇ ਪੈਸੇ ਲੁੱਟਣ ਦਾ ਪਾਪ ਨਹੀਂ ਕੀਤਾ ਤੇ ਗ਼ਰੀਬਾਂ ਦੀ ਭਲਾਈ ਅਤੇ ਉਨ੍ਹਾਂ ਦੀ ਰਖਿਆ ਕਰਨਾ ਮੇਰੇ ਲਈ ਸੱਭ ਤੋਂ ਉਪਰ ਹੈ।
ਆਪਣੇ ਉੱਤੇ ਹਮਲਾਵਰ ਹੋਈ ਬਹੁਜਨ ਸਮਾਜ ਪਾਰਟੀ ਦੀ ਮੁਖੀ ਮਾਇਆਵਤੀ ਉੱਤੇ ਟਿਪਣੀ ਕਰਦਿਆਂ ਮੋਦੀ ਨੇ ਕਿਹਾ ਕਿ ਮੈਂ ਉਨ੍ਹਾਂ ਦੀਆਂ ਗਾਲ਼ਾਂ ਨੂੰ ਤੋਹਫ਼ਾ ਮੰਨਦਾ ਹਾਂਤੇ ਮੋਦੀ ਨਹੀਂ, ਦੇਸ਼ ਦੀ ਜਨਤਾ ਸਾਨੂੰ ਜਿਤਾ ਕੇ ਇਨ੍ਹਾਂ ਗਾਲ਼ਾਂ ਦਾ ਜਵਾਬ ਦੇਵੇਗੀ। ਉਨ੍ਹਾਂ ਕਿਹਾ ਕਿਇਹ ਨਿਰਾਸ਼ਾ ਵਿਚ ਮੇਰੀ ਜਾਤ ਪੁੱਛਦੇ ਹਨ, ਮੈਂ ਕਈ ਚੋਣਾਂ ਲੜੀਆਂ ਤੇ ਲੜਾਈਆਂ ਹਨ, ਕਦੇ ਜਾਤ ਦਾ ਸਹਾਰਾ ਨਹੀਂ ਲਿਆ। ਮੈਂ ਪਿਛੜੀ ਜਾਤੀ ਵਿਚ ਪੈਦਾ ਹੋਇਆ, ਪਰ ਮੇਰਾ ਮਕਸਦ ਭਾਰਤ ਨੂੰ ਦੁਨੀਆਂ ਵਿਚ ਅੱਗੇ ਕਰਨ ਦਾ ਹੈ। ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੇ ਗ਼ਰੀਬੀ ਤੇ ਪਿਛੜੇਪਨ ਨੂੰ ਭੁਗਤਿਆ ਹੈ। ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਬਚਪਨ ਵਿਚ ਮੈਂ ਅਪਣੀ ਮਾਂ ਨੂੰ ਰਸੋਈ ਦੇ ਧੂਏਂ ਨਾਲ ਜੂਝਦੇ ਵੇਖਿਆ ਹੈ। ਇਲਾਜ ਦੀ ਘਾਟ ਵਿਚ ਗ਼ਰੀਬ ਮਰਦੇ ਵੇਖੇ ਹਨ। ਅਜਿਹੇ ਕਈ ਤਜਰਬੇ ਸਨ ਜਿਨ੍ਹਾਂ ਨੇ ਮੈਨੂੰ ਗ਼ਰੀਬੀ ਵਿਰੁੱਧ ਬਗ਼ਾਵਤ ਕਰਨ ਲਈ ਪ੍ਰੇਰਿਤ ਕੀਤਾ ਹੈ।

Have something to say? Post your comment
ਹੋਰ ਪੰਜਾਬ ਖ਼ਬਰਾਂ
ਮਨਪ੍ਰੀਤ ਬਾਦਲ ਨੇ ਹੱਥ ਜੋੜਕੇ ਪੰਜਾਬ ਦੇ ਲੋਕਾਂ ਨੂੰ ਵਾਤਾਵਰਨ ਬਚਾਉਣ ਲਈ ਕੀਤੀ ਦਿਲ-ਟੁੰਬਵੀਂ ਅਪੀਲ
ਭਾਖੜਾ ਡੈਮ ਖਤਰੇ ਦਾ ਨਿਸ਼ਾਨ ਟੱਪਿਆ,ਤਿੰਨ ਰਾਜਾਂ ਦੀ ਹੰਗਾਮੀ ਮੀਟਿੰਗ ਸੱਦੀ ਗਈ
ਪੰਜਾਬ ਸਰਕਾਰ ਨੇ ਤਾਜ਼ਾ ਆਏ ਹੜ੍ਹਾਂ ਨੂੰ ਕੁਦਰਤੀ ਆਫਤ ਐਲਾਨ ਕੀਤਾ
ਰਿਸ਼ਵਤ ਕੇਸ ਵਿੱਚ ਵੱਡਾ ਅਤੇ ਛੋਟਾ ਥਾਣੇਦਾਰ ਸਸਪੈਂਡ
ਰੈਫਰੈਂਡਮ 2020 ਕੇਸ ਵਿੱਚ ਗ੍ਰਿਫਤਾਰ ਕੁਲਬੀਰ ਕੌਰ ਪਿੰਡ ਮੂੰਮ ਨਾਲ ਸਬੰਧਤ ਦੱਸੀ ਗਈ
ਆਯੂਸ਼ਮਾਨ ਭਾਰਤ ਯੋਜਨਾ ਹੇਠ ਜਲੰਧਰ ਦੇ 2.91 ਲੱਖ ਪਰਵਾਰਾਂ ਦਾ ਕੈਸ਼ਲੈਸ ਇਲਾਜ ਹੋਵੇਗਾ
ਪੰਜਾਬ ਸਿੱਖਿਆ ਵਿਕਾਸ ਬੋਰਡ ਨੇ ਸ਼ਹੀਦ ਊਧਮ ਸਿੰਘ ਸੁਸਾਇਟੀ ਤੋਂ ਅੱਠ ਸਕੂਲ ਵਾਪਸ ਲਏ
ਹੁਸ਼ਿਆਰਪੁਰ-ਜਲੰਧਰ ਫੋਰ-ਲੇਨ ਸੜਕ ਸਕੈਮ ਦੀ ਕਲੀਨ ਚਿੱਟ ਨੂੰ ਅਦਾਲਤ ਵਿੱਚ ਚੁਣੌਤੀ
ਕੈਪਟਨ ਵੱਲੋਂ ਪੰਜਾਬ ਦੇ ਹੜ੍ਹ ਪ੍ਰਭਾਵਿਤ ਇਲਾਕਿਆਂ ਲਈ 100 ਕਰੋੜ ਰੁਪਏ ਦਾ ਐਲਾਨ, ਰੂਪਨਗਰ ਦਾ ਦੌਰਾ ਕਰਕੇ ਹੜ੍ਹਾਂ ਨਾਲ ਹੋਏ ਨੁਕਸਾਨ ਦਾ ਜਾਇਜ਼ਾ ਲਿਆ
ਮਾਂ-ਧੀ ਨੇ ਰੇਲ ਗੱਡੀ ਅੱਗੇ ਛਾਲ ਮਾਰ ਕੇ ਖੁਦਕੁਸ਼ੀ ਕਰ ਲਈ