ਵੈੱਬ ਸੀਰੀਜ਼ ‘ਹੋਮ’ ਵਿੱਚ ਇੱਕ ਅਹਿਮ ਰੋਲ ਕਰ ਰਹੀ ਸੁਪ੍ਰਿਆ ਪਿਲਗਾਂਵਕਰ ਇਸ ਦੀ ਸ਼ੂਟਿੰਗ ਦੌਰਾਨ ਜ਼ਖਮੀ ਹੋ ਗਈ। ਦਰਅਸਲ, ਇੱਕ ਸੀਨ ਲਈ ਉਸ ਨੇ ਸਕੂਟਰ ਚਲਾਉਣਾ ਸੀ। ਉਸ ਨੇ ਪਹਿਲਾਂ ਕਦੇ ਸਕੂਟਰ ਨਹੀਂ ਚਲਾਇਆ ਸੀ, ਪਰ ਇਸ ਸੀਨ 'ਚ ਅਸਲੀਅਤ ਲਿਆਉਣ ਦੇ ਚੱਕਰ ਵਿੱਚ ਸੁਪ੍ਰਿਆ ਨੇ ਬਾਡੀ ਡਬਲ ਦੀ ਵਰਤੋਂ ਨਾ ਕਰ ਕੇ ਖੁਦ ਸਕੂਟਰ ਚਲਾਉਣਾ ਸਿੱਖਣ ਦਾ ਫੈਸਲਾ ਕੀਤਾ। ਸਕੂਟਰ ਸਿੱਖਦੇ ਹੋਏ ਉਹ ਇੱਕ ਛੋਟੀ ਜਿਹੀ ਦੁਰਘਟਨਾ ਦਾ ਸ਼ਿਕਾਰ ਹੋ ਗਈ, ਜਿਸ ਕਾਰਨ ਉਸ ਦੀ ਕੂਹਣੀ 'ਤੇ ਸੱਟ ਲੱਗ ਗਈ ਅਤੇ ਜ਼ਖਮ ਹੋ ਗਿਆ। ਹਾਲਾਂਕਿ ਉਸ ਦੇ ਜ਼ਖਮ ਨੂੰ ਮੇਕਅਪ ਨਾਲ ਲੁਕਾਉਣ ਦੀ ਬਜਾਏ ਵੈੱਬ ਸੀਰੀਜ਼ ਦੀ ਕਹਾਣੀ ਵਿੱਚ ਛੋਟੀ ਜਿਹੀ ਤਬਦੀਲੀ ਕਰਨ ਦਾ ਫੈਸਲਾ ਕੀਤਾ ਗਿਆ। ਇਸ ਤਬਦੀਲੀ ਦੇ ਤਹਿਤ ਦਿਖਾਇਆ ਗਿਆ ਹੈ ਕਿ ਕੁਕਿੰਗ ਦੌਰਾਨ ਕੂਹਣੀ ਸੜ ਜਾਣ ਨਾਲ ਉਹ ਜ਼ਖਮ ਬਣ ਜਾਂਦਾ ਹੈ।
ਇਸ ਬਾਰੇ ਸੁਪ੍ਰਿਆ ਦੱਸਦੀ ਹੈ, ‘‘ਕਿਰਦਾਰ ਬਾਰੇ ਚਰਚਾ ਕਰਦਿਆਂ ਮੈਨੂੰ ਲੱਗਾ ਕਿ ਇਸ ਜ਼ਖਮ ਨੂੰ ਲੁਕਾਉਣਾ ਨਹੀਂ ਚਾਹੀਦਾ, ਕਿਉਂਕਿ ਵੈੱਬ ਸੀਰੀਜ਼ ਵਿੱਚ ਮੇਰਾ ਰੋਲ ਟਿਫਿਨ ਬਿਜ਼ਨਸ ਚਲਾਉਣ ਵਾਲੀ ਇੱਕ ਘਰੇਲੂ ਔਰਤ ਦਾ ਹੈ। ਨਿਰਦੇਸ਼ਕ ਹਬੀਬ ਫੈਜ਼ਲ ਨੂੰ ਮੇਰਾ ਆਈਡੀਆ ਪਸੰਦ ਆਇਆ, ਕਿਉਂਕਿ ਇਹ ਸ਼ੋਅ ਦੀ ਕਹਾਣੀ ਨਾਲ ਇਕਦਮ ਮੇਲ ਖਾ ਰਿਹਾ ਸੀ। ਇਸ ਤਰ੍ਹਾਂ ਮੇਰਾ ਇਹ ਜ਼ਖਮ ਸ਼ੋਅ ਦੇ ਕੰਮ ਆ ਗਿਆ।”