Welcome to Canadian Punjabi Post
Follow us on

20

August 2019
ਮਨੋਰੰਜਨ

ਇਸ ਗੱਲ ਤੋਂ ਡਰਦੀ ਹੈ ਮੌਨੀ ਰਾਏ

May 14, 2019 09:14 AM

ਪਿੱਛੇ ਜਿਹੇ ਫਿਲਮ ‘ਅਮਰ ਅਕਬਰ ਵਾਲਟਰ’ ਵਿੱਚ ਨਜ਼ਰ ਆਈ ਮੌਨੀ ਰਾਏ ਅਨੁਸਾਰ ਉਸ ਦੇ ਮਨ ਵਿੱਚ ਵੀ ਕੁਝ ਗੱਲਾਂ ਬਾਰੇ ਡਰ ਬੈਠਾ ਰਹਿੰਦਾ ਹੈ। ਆਪਣੇ ਸਭ ਤੋਂ ਵੱਡੇ ਡਰ ਬਾਰੇ ਦੱਸਦੇ ਹੋਏ ਉਸ ਨੇ ਕਿਹਾ, ‘‘ਆਪਣੇ ਕਰੀਬੀ ਲੋਕਾਂ ਨੂੰ ਗੁਆਉਣ ਦਾ ਡਰ। ਮੈਂ 22 ਸਾਲ ਦੀ ਸੀ, ਜਦੋਂ ਆਪਣੀ ਬੈਸਟ ਫਰੈਂਡ ਨੂੰ ਗੁਆ ਦਿੱਤਾ। ਉਸ ਤੋਂ ਬਾਅਦ ਮੇਰੇ ਮਾਮ ਜੀ, ਜਿਸ ਦੇ ਮੈਂ ਬਹੁਤ ਨੇੜੇ ਸੀ, ਨਹੀਂ ਰਹੇ। ਅੱਗੇ ਚੱਲ ਕੇ ਮੈਂ ਆਪਣੇ ਪਿਤਾ ਨੂੰ ਗੁਆ ਦਿੱਤਾ। ਇਨ੍ਹਾਂ ਸਾਰਿਆਂ ਤੋਂ ਮੈਂ ਇੱਕ ਗੱਲ ਸਮਝ ਗਈ ਕਿ ਜ਼ਿੰਦਗੀ ਬੜੀ ਛੋਟੀ ਤੇ ਬੇਯਕੀਨੀ ਹੈ, ਇਸ ਲਈ ਮੈਂ ਇਹ ਮੰਨਦੀ ਹਾਂ ਕਿ ਚੰਗੀ ਜ਼ਿੰਦਗੀ ਜੀਓ, ਸਭ ਤੋਂ ਚੰਗੇ ਨਾਲ ਰਹੋ ਅਤੇ ਆਪਣੇ ਕੰਮ ਨਾਲ ਮਤਲਬ ਰੱਖੋ। ਇਹੀ ਵਜ੍ਹਾ ਹੈ ਕਿ ਦੋਸਤਾਂ ਤੇ ਪਰਵਾਰ ਨੂੰ ਲੈ ਕੇ ਬਹੁਤ ਪਜ਼ੈਸਿਵ ਰਹਿੰਦੀ ਹਾਂ। ਤੁਸੀਂ ਸੋਚ ਨਹੀਂ ਸਕਦੇ ਕਿ ਜਦੋਂ ਇੱਕ ਜਿਊਂਦਾ ਜਾਗਦਾ ਇਨਸਾਨ ਸਾਡੇ ਵਿੱਚੋਂ ਅਚਾਨਕ ਚਲਾ ਜਾਂਦਾ ਹੈ ਤਾਂ ਕਿੰਝ ਲੱਗਦਾ ਹੈ ਕਿ ਇਨਸਾਨੀ ਜ਼ਿੰਦਗੀ ਦੀ ਕਿੰਨੀ ਅਹਿਮੀਅਤ ਹੁੰਦੀ ਹੈ।”
ਮੌਨੀ ਅਨੁਸਾਰ ਕਰੀਅਰ ਬਾਰੇ ਉਸ ਨੂੰ ਮਿਲੀ ਸਭ ਤੋਂ ਚੰਗੀ ਸਲਾਹ ਇਹੀ ਹੈ ਕਿ ਹਮੇਸ਼ਾ ਆਪਣੇ ਪ੍ਰੋਡਿਊਸਰਜ਼ ਦੀ ਕਲਾਕਾਰ ਬਣੋ, ਜਿਸ ਦਾ ਭਾਵ ਹੈ ਕਿ ਤੁਹਾਨੂੰ ਅਨੁਸ਼ਾਸਿਤ ਹੋਣਾ ਹੋਵੇਗਾ ਤੇ ਸਮੇਂ ਦਾ ਸਨਮਾਨ ਕਰਨਾ ਹੋਵੇਗਾ। ਦੂਜੀ ਸਲਾਹ ਸੀ ਕਿ ਸਿਰਫ ਚੰਗਾ ਕੰਮ ਤੁਹਾਨੂੰ ਹੋਰ ਕੰਮ ਦਿਵਾ ਸਕਦਾ ਹੈ।” ਉਸ ਨੇ ਕਿਹਾ, ‘‘ਪਾਪਾ ਨੇ ਬਚਪਨ ਵਿੱਚ ਮੈਨੂੁੰ ਕਿਹਾ ਸੀ ਕਿ ਤੈਨੂੰ ਨਾਂਹ ਕਹਿਣਾ ਸਿੱਖਣਾ ਹੋਵੇਗਾ। ਉਨ੍ਹਾਂ ਕਿਹਾ ਸੀ ਕਿ ਇਹ ਬੜੀ ਵੱਡੀ ਸ਼ਕਤੀ ਹੈ, ਇਸ ਦੀ ਸਮਝ ਨਾਲ ਵਰਤੋਂ ਕਰਨਾ। ਤੁਹਾਨੂੰ ਪਤਾ ਹੋਣਾ ਚਾਹੀਦਾ ਹੈ ਕਿ ਕਿਹੜੀਆਂ ਗੱਲਾਂ ਤੁਹਾਡੀਆਂ ਮਾਨਤਾਵਾਂ ਤੇ ਪਰਵਰਿਸ਼ ਖਿਲਾਫ ਹਨ। ਨਾਂਹ ਬੋਲਣ ਦੀ ਹਿੰਮਤ ਰੱਖਣਾ ਬੜਾ ਜ਼ਰੂਰੀ ਹੈ।” ਆਪਣੀ ਫਿਟਨੈੱਸ ਰੁਟੀਨ ਬਾਰੇ ਉਸ ਨੇ ਕਿਹਾ, ‘‘ਮੇਰਾ ਹਾਜ਼ਮਾ ਬਹੁਤ ਚੰਗਾ ਹੈ। ਮੈਂ ਸਭ ਕੁਝ ਖਾਂਦੀ ਹਾਂ। ਥੋੜ੍ਹਾ ਬਹੁਤ ਐਕਸਰਸਾਈਜ਼ ਤਾਂ ਕਰਨੀ ਹੀ ਪੈਂਦੀ ਹੈ। ਸਿਰਫ ਫਿਜ਼ੀਕਲ ਹੈਲਥ ਹੀ ਨਹੀਂ, ਮੈਂਟਲ ਹੈਲਥ ਲਈ ਵੀ ਐਕਸਰਸਾਈਜ਼ ਬਹੁਤ ਜ਼ਰੂਰੀ ਹੈ।”

Have something to say? Post your comment