ਫਿਲਮੀ ਸਿਤਾਰਿਆਂ ਲਈ ਕਈ ਵਾਰ ਆਪਣੇ ਰੋਜ਼ ਦੇ ਕੰਮਾਂ ਤੋਂ ਵਕਤ ਕੱਢ ਕੇ ਆਪਣੀ ਪਸੰਦ ਦਾ ਕੰਮ ਕਰਨਾ ਮੁਸ਼ਕਲ ਹੋ ਜਾਂਦਾ ਹੈ, ਪਰ ਅਭਿਨੇਤਰੀ ਰਿਚਾ ਚੱਢਾ ਆਪਣੇ ਕੰਮ ਨੂੰ ਆਪਣੀ ਪਸੰਦ 'ਤੇ ਹਾਵੀ ਨਹੀਂ ਹੋਣ ਦੇ ਰਹੀ ਹੈ।
ਖਬਰ ਹੈ ਕਿ ਰਿਚਾ ਚੱਢਾ ਜਲਦ ਹੀ ਬੈਲੀ ਡਾਂਸ ਸਿੱਖਣ ਲਈ ਕਜਾਕਿਸਤਾਨ ਜਾਏਗੀ। ਬੈਲੀ ਡਾਂਸ ਪ੍ਰਤੀ ਰਿਚਾ ਦਾ ਇਹ ਪਿਆਰ ਉਦੋਂ ਜਾਗਿਆ, ਜਦੋਂ ਉਸ ਨੇ ਸਾਊਥ ਦੀ ਐਡਲਟ ਸਟਾਰ ਸ਼ਕੀਲਾ ਦੀ ਬਾਇਓਪਿਕ ਦੇ ਪ੍ਰਮੋਸ਼ਨ ਗਾਣੇ ਦੇ ਲਈ ਬੈਲੀ ਡਾਂਸ ਸਿਖਿਆ। ਇਹ ਪਹਿਲੀ ਵਾਰ ਹੋਵੇਗਾ, ਜਦ ਰਿਚਾ ਚੱਢਾ ਕਿਸੇ ਫਿਲਮ ਵਿੱਚ ਬੈਲੀ ਡਾਸ ਕਰੇਗੀ। ਹੁਣ ਰਿਚਾ ਆਪਣੇ ਡਾਂਸ ਵਿੱਚ ਮੁਹਾਰਤ ਲਿਆਉਣ ਲਈ ਮਿਡਿਲ ਈਸਟ ਦੇ ਇਸ ਡਾਂਸ ਫਾਰਮ ਨੂੰ ਉਥੋਂ ਦੇ ਮਾਹਰਾਂ ਤੋਂ ਸਿੱਖਣਾ ਚਾਹੁੰਦੀ ਹੈ। ਰਿਚਾ ਜਲਦ ਹੀ ਕਜਾਕਿਸਤਾਨ ਦੇ ਲਈ ਰਵਾਨਾ ਹੋਵੇਗੀ।
ਮੰਨਿਆ ਜਾਂਦਾ ਹੈ ਕਿ ਕਜਾਕਿਸਤਾਨ ਵਿੱਚ ਕਈ ਬਿਹਤਰੀਨ ਬੈਲੀ ਡਾਂਸ ਸਕੂਲ ਹਨ। ਬੈਲੀ ਡਾਂਸ ਵਿੱਚ ਥੋੜ੍ਹਾ ਟਵਿਟਸ ਲਿਆਉਂਦੇ ਹੋਏ ਰਿਚਾ ਆਦਿਵਾਸੀ ਬੈਲੀ ਡਾਂਸ ਦੀ ਟਰੇਨਿੰਗ ਲਵੇਗੀ। ਬੈਲੀ ਡਾਂਸ ਇੱਕ ਫਿਊਜਨ ਡਾਂਸ ਫਾਰਮ ਹੈ, ਜਿਸ ਨੂੰ ਆਦਿਵਾਸੀ ਡਾਂਸ ਅਤੇ ਮਿਡਿਲ ਈਸਟਰਨ ਬੈਲੀ ਡਾਂਸ ਦੇ ਨਾਲ ਜੋੜਿਆ ਜਾਂਦਾ ਹੈ। ਇਹ ਡਾਂਸ ਅਮਰੀਕਾ ਵਿੱਚ ਸ਼ੁਰੂ ਹੋਇਆ ਸੀ, ਜਿਸ ਨੂੰ ਬਾਅਦ ਵਿੱਚ ਵੱਖ-ਵੱਖ ਈਸਟਰਨ ਡਾਂਸ ਫਾਰਮਜ਼ ਦੇ ਜਰੀਏ ਵਿਕਸਿਤ ਕੀਤਾ ਗਿਆ।