Welcome to Canadian Punjabi Post
Follow us on

16

October 2018
ਜੀਟੀਏ

ਨਿਊ ਹੋਪ ਸੀਨੀਅਰ ਕਲੱਬ ਦਾ ਸਮਾਗਮ: ਬੁਢੇਪਾ ਪੈਨਸ਼ਨ ਬਾਰੇ ਅਹਿਮ ਜਾਣਕਾਰੀਆਂ

October 04, 2018 12:08 AM

(ਪੂਰਨ ਸਿੰਘ ਪਾਂਧੀ) ‘ਨਿਊ ਹੋਪ ਸੀਨੀਅਰ ਕਲੱਬ ਬ੍ਰਹਮਟਨ’ ਦੀ ਹਰ ਮਹੀਨੇ ਦੇ ਦੁਜੇ ਬੁੱਧਵਾਰ ਗੋਰ ਮੀਡੋ ਕਮਿਉਨਿਟੀ ਸੈਂਟਰ ਬ੍ਰਹਮਟਨ ਸੈਂਟਰ ਵਿਚ 2 ਤੋਂ 5 ਵਜੇ ਤੱਕ ਮੀਟਿੰਗ ਹੁੰਦੀ ਹੈ; ਜਿਸ ਵਿਚ ਅਹਿਮ ਮੁੱਦੇ ਵਿਚਾਰੇ ਜਾਂਦੇ ਹਨ। ਇਸ ਵਾਰ 26 ਸਤੰਬਰ ਦੇ ਬੁੱਧਵਾਰ ਦੀ ਭਰਵੀਂ ਇਕੱਤਰਤਾ ਹੋਈ। ਇਸ ਇਕੱਤਰਤਾ ਦੀ ਵਿਸ਼ੇਸ਼ਤਾ ਇਹ ਸੀ ਕਿ ਇਸ ਵਿਚ ਦੋ ਸੌ ਦੇ ਕਰੀਬ ਬੈਠਣ ਲਈ ਕੁਰਸੀਆਂ ਦਾ ਪ੍ਰਬੰਧ ਕੀਤਾ ਗਿਆ ਸੀ ਪਰ ਹਾਜ਼ਰੀ ਏਨੀ ਵਧ ਗਈ ਕਿ ਕੁਰਸੀਆਂ ਵੀ ਥੁੜ ਗਈਆਂ ਤੇ ਹਾਲ ਵਿਚ ਥਾਂ ਵੀ ਥੁੜ ਗਈ। ਬਹੁਤਿਆਂ ਨੂੰ ਖੜ੍ਹੇ ਹੋਕੇ ਹਾਜ਼ਰੀ ਭਰਨੀ ਪਈ। ਇਸ ਸਮਾਗਮ ਵਿਚ ਸੀਨੀਅਰ ਕਲੱਬਾਂ ਦੇ ਮੁਖੀ, ਰਾਜਸੀ ਨੇਤਾ, ਲੇਖਕ ਤੇ ਪਤਵੰਤੇ ਵੱਡੀ ਗਿਣਤੀ ਵਿਚ ਸ਼ਾਮਲ ਹੋਏ। ਸਭਾ ਦੇ ਪ੍ਰਧਾਨ ਸ੍ਰੀ ਸ਼ੰਭੂ ਦੱਤ ਸ਼ਰਮਾ ਤੇ ਉਸ ਦੇ ਸਹਿਯੋਗੀਆਂ ਵੱਲੋਂ ਸਰਬੱਤ ਲਈ ਚਾਹ ਪਾਣੀ ਤੇ ਹੋਰ ਪਦਾਰਥਾਂ ਨਾਲ਼ ਹਾਰਦਿਕ ਸੇਵਾ ਕੀਤੀ ਗਈ। ਪਤਵੰਤੇ ਸਜਣਾ ਦਾ ਸਪੈਸ਼ਲ ਸਨਮਾਨ ਕੀਤਾ ਗਿਆ। ਸਭਾ ਵੱਲੋਂ ਸਭ ਨੂੰ ਜੀ ਆਇਆਂ ਆਖਿਆ ਤੇ ਸਿ਼ਰਕਤ ਕਰਨ ਲਈ ਧੰਨਵਾਦ
ਕੀਤਾ ਗਿਆ।
ਇਸ ਇਕੱਤਰਤਾ ਵਿਚ ‘ਸਰਵਿਸ ਕਨੇਡਾ’ ਵੱਲੋਂ ਸਿਟੀਜਨ ਸਰਵਿਸਜ ਸਪੈਸ਼ਲਿਸ਼ਟ ਕਮਿਉਨਿਟੀ ਸੁਪਰਵਾਈਜ਼ਰ ਸ੍ਰੀ ਮਤੀ ਜੈਕਲਿਨ ਨੇ ਸੁਆਲਾਂ ਦੇ ਜਬਾਬ ਦਿੱਤੇ ਅਤੇ ਕਨੇਡਾ ਸਰਕਾਰ ਵੱਲੋਂ ਬੁਢੇਪਾ ਪੈਨਸ਼ਨ ਤੇ ਹੋਰ ਵਿਤੀ ਸਹਾਇਤਾ ਬਾਰੇ ਹੇਠ ਲਿਖੇ ਅਨੁਸਾਰ ਅਹਿਮ ਜਾਣਕਾਰੀਆਂ ਦਿੱਤੀਆਂ:-
1. ਭਾਰਤ ਤੇ ਕਨੇਡਾ ਸਰਕਾਰਾਂ ਵਿਚ ਅਗਸਤ 2015 ਨੂੰ ਸਮਾਜਿਕ ਸਕਿਉਰਿਟੀ ਬਾਰੇ ਹੋਏ ਸਮਝੌਤੇ ਬਾਰੇ ਜਾਣਕਾਰੀ।
2.ਕਨੇਡਾ ਵਿਚ ਰੀਟਾਇਰਡ ਵਸਨੀਕਾਂ ਲਈ ਕਨੇਡਾ ਪੈਨਸ਼ਨ ਪਲੈਨ ਬਾਰੇ।
3. ਓਲਡ ਏਜ਼ ਸੁਿਕੳਰਿਟੀ ਪੈਨਸ਼ਨ ਬਾਰੇ।
4.ਜੀ. ਆਈ. ਐਸ ਸਪਲੀਮੈਟ (ਬੱਝਵਾਂ ਭੱਤਾ) ਬਾਰੇ ਜਾਣਕਾਰੀ।
5. 60 ਤੋਂ 64 ਸਾਲ ਦੀ ਉਮਰ ਵਿਚਕਾਰ ਵਿਤੀ ਸਹਾਇਤਾ ਕਦੋਂ ਤੇ ਕਿਵੇਂ ਮਿਲਣ ਬਾਰੇ ਜਾਣਕਾਰੀ।
6.ਸੇਵਾਮੁਕਤ ਹੋ ਕੇ ਕਨੇਡਾ ਵਸੇ ਅਪੰਗ ਪੁਰਸ਼ਾਂ ਨੂੰ ਡਿਸਏਬਿਲਟੀ ਸਹਾਇਤਾ ਲੈਣ ਬਾਰੇ।
7.ਕਨੇਡਾ ਵਿਚ ਇੰਟਰਨੈਸ਼ਨਲ ਵਸਨੀਕ ਆਪਣਾ ਇਨਸ਼ੋਰੈਂਸ ਨੰਬਰ ਦੱਸ ਕੇ 9-30 ਤੋਂ 4.30 ਸ਼ਾਮ ਤੱਕ 1-800-454-8731 ਨੰਬਰ `ਤੇ ਹਰ ਕਿਸਮ ਦੀ ਜਾਣਕਾਰੀ ਲੈ ਸਕਦੇ ਹਨ।
8.ਕਨੇਡਾ ਤੇ ਭਾਰਤ ਦੇ ਸਮਾਜਕ ਸਮਝੌਤੇ ਅਨੁਸਾਰ 18 ਤੋਂ 25 ਸਾਲ ਦੇ ਬੱਚਿਆਂ ਲਈ ਸਕੂਲ ਅਤੇ ਯੂਨੀਵਰਸਿਟੀ ਦੀ ਪੜ੍ਹਾਈ ਲਈ ਸਹਾਇਤਾ ਲੈਣ ਬਾਰੇ ਜਾਣਕਾਰੀ।
9. ਕਿਸੇ ਵਿਅਕਤੀ ਦੀ ਮਿਰਤੂ ਪਿੱਛੋਂ ਪਰਵਾਰ ਦੀ ਸਹਾਇਤਾ ਬਾਰੇ।

Have something to say? Post your comment