ਓਟਵਾ, 2 ਅਕਤੂਬਰ (ਪੋਸਟ ਬਿਊਰੋ) : ਕੈਨੇਡਾ ਦੇ ਟਰਾਂਸਪੋਰਟ ਮੰਤਰੀ ਦਾ ਕਹਿਣਾ ਹੈ ਕਿ 17 ਅਕਤੂਬਰ ਤੋਂ ਬਾਅਦ ਘਰੇਲੂ ਉਡਾਨਾਂ ਉੱਤੇ ਯਾਤਰੀਆਂ ਨੂੰ ਆਪਣੇ ਨਾਲ ਥੋੜ੍ਹੀ ਮਾਤਰਾ ਵਿੱਚ ਮੈਰੀਜੁਆਨਾ ਲਿਜਾਣ ਦੀ ਇਜਾਜ਼ਤ ਹੋਵੇਗੀ।
ਪਰ ਮਾਰਕ ਗਾਰਨਿਊ ਨੇ ਇਹ ਚੇਤਾਵਨੀ ਦਿੱਤੀ ਕਿ ਦੇਸ਼ ਤੋਂ ਬਾਹਰ ਜਾਂਦੇ ਸਮੇਂ ਕੈਨੇਡੀਅਨ ਯਾਤਰੀ ਮੈਰੀਜੁਆਨਾ ਨੂੰ ਕਿਸੇ ਵੀ ਰੂਪ ਵਿੱਚ ਨਾਲ ਨਾ ਲਿਜਾਣ। ਦੇਸ਼ ਦੀ ਏਅਰਪੋਰਟ ਸਕਰੀਨਿੰਗ ਅਥਾਰਟੀ ਦਾ ਕਹਿਣਾ ਹੈ ਕਿ ਸਕਿਊਰਿਟੀ ਵਿੱਚੋਂ ਮੈਰੀਜੁਆਨਾ ਲਿਜਾਣ ਵਾਲੇ ਯਾਤਰੀਆਂ ਨਾਲ ਕਿਸ ਤਰ੍ਹਾਂ ਨਜਿੱਠਿਆ ਜਾਵੇ ਇਸ ਬਾਰੇ ਅਜੇ ਪ੍ਰਕਿਰਿਆ ਫਾਈਨਲ ਕੀਤੀ ਜਾਣੀ ਬਾਕੀ ਹੈ।
ਗਾਰਨਿਊ ਨੇ ਆਖਿਆ ਕਿ ਜਿਨਾਂ ਚਿਰ ਕੈਨੇਡੀਅਨ ਘਰੇਲੂ ਉਡਾਨਾਂ ਉੱਤੇ ਹਨ ਉਹ ਆਪਣੇ ਨਾਲ 30 ਗ੍ਰਾਮ ਮੈਰੀਜੁਆਨਾ ਲਿਜਾ ਸਕਦੇ ਹਨ ਉਹ ਵੀ ਉਦੋਂ ਜਦੋਂ ਮੈਰੀਜੁਆਨਾ ਦੇਸ਼ ਵਿੱਚ ਕਾਨੂੰਨ ਦੇ ਦਾਇਰੇ ਵਿੱਚ ਆ ਜਾਵੇਗੀ। ਮੰਤਰੀ ਨੇ ਚੇਤਾਵਨੀ ਦਿੰਦਿਆਂ ਆਖਿਆ ਕਿ ਕੌਮਾਂਤਰੀ ਯਾਤਰੀਆਂ ਨੂੰ ਉਨ੍ਹਾਂ ਨਿਯਮਾਂ ਦੀ ਪਾਲਣਾ ਕਰਨੀ ਹੋਵੇਗੀ ਜਿਸ ਦੇਸ਼ ਵਿੱਚ ਉਹ ਜਾ ਰਹੇ ਹਨ। ਟਰਾਂਸਪੋਰਟ ਕੈਨੇਡਾ ਦਾ ਕਹਿਣਾ ਹੈ ਕਿ ਮੈਰੀਜੁਆਨਾ ਜਾਂ ਜਿਨ੍ਹਾਂ ਵਸਤਾਂ ਵਿੱਚ ਮੈਰੀਜੁਆਨਾ ਹੁੰਦੀ ਹੈ, ਅਮਰੀਕੀ ਸਰਹੱਦ ਤੋਂ ਪਾਰ ਲਿਜਾਣਾ ਗੈਰਕਾਨੂੰਨੀ ਰਹੇਗਾ।