‘ਕੇਸਰੀ’ ਫਿਲਮ ਦੇ ਮੇਕਰਸ ਨੇ ਫਿਲਮ ਦੇ ਹਿੱਟ ਗਾਣੇ ‘ਤੇਰੀ ਮਿੱਟੀ’ ਦਾ ਫੀਮੇਲ ਵਰਜ਼ਨ ਪਰਿਣੀਤੀ ਚੋਪੜਾ ਦੀ ਆਵਾਜ਼ ਵਿੱਚ ਰਿਲੀਜ਼ ਕੀਤਾ ਹੈ। ਪਰਿਣੀਤੀ ਨੇ ਇਸ ਨੂੰ ਇੰਸਟਾਗ੍ਰਾਮ ਅਕਾਊਂਟ 'ਤੇ ਸ਼ੇਅਰ ਕਰਦੇ ਹੋਏ ਲਿਖਿਆ ਹੈ, ‘‘ਮੈਨੂੰ ਲੱਗਦਾ ਹੈ ਕਿ ਮੈਂ ਜੋ ਹਾਂ, ਉਸ ਦੀ ਜੜ੍ਹ ਗਾਇਕੀ ਲਈ ਮੇਰਾ ਪਿਆਰ ਹੈ। ਇਸ ਦੁਨੀਆ ਵਿੱਚ ਕੋਈ ਵੀ ਅਜਿਹੀ ਚੀਜ਼ ਨਹੀਂ ਹੈ, ਜੋ ਮੈਨੂੰ ਗਾਣਾ ਗਾਉਣ ਤੋਂ ਵੱਧ ਖੁਸ਼ੀ ਦੇ ਸਕਦੀ ਹੋਵੇ। ਮੈਂ ਸਾਰਾ ਦਿਨ ਗਾ ਸਕਦੀ ਹਾਂ ਅਤੇ ਜਦ ਮੈਂ ਚੀਕ ਕੇ ਨਹੀਂ ਗਾ ਰਹੀ ਹੁੰਦੀ ਤਾਂ ਮਨ ਹੀ ਮਨ ਗਾਉਂਦੀ ਹਾਂ। ਇਹ ਮੇਰਾ ਪਹਿਲਾ ਪਿਆਰ ਹੈ। ਮੇਰੀ ਮਾਂ ਦੱਸਦੀ ਹੈ ਕਿ ਜਦ ਮੈਂ ਇੱਕ ਸਾਲ ਦੀ ਸੀ ਤਾਂ ਏ ਬੀ ਸੀ ਸਾਂਗਸ ਗਾਉਂਦੀ ਸੀ। ਅੱਗੋਂ ਮੇਰੀ ਆਵਾਜ਼ ਵਿੱਚ ‘ਤੇਰੀ ਮਿੱਟੀ' ਦਾ ਫੀਮੇਲ ਵਰਜ਼ਨ” ਸੁਣੋ । ਪਰਿਣੀਤੀ ਇਸ ਤੋਂ ਪਹਿਲਾਂ ‘ਮਾਨਾ ਕਿ ਹਮ ਯਾਰ ਨਹੀਂ...` ਗੀਤ ਵੀ ਗਾ ਚੁੱਕੀ ਹੈ।