ਬਾਲੀਵੁੱਡ ਤੇ ਰਾਸ਼ਟਰੀ ਐਵਾਰਡ ਵਾਲੀ ਅਭਿਨੇਤਰੀ ਤੱਬੂ ਅੱਜ ਕੱਲ੍ਹ ਘੱਟ ਹੀ ਫਿਲਮਾਂ ਕਰਦੀ ਹੈ, ਪਰ ਉਨ੍ਹਾਂ ਦੀ ਚੋਣ ਸ਼ਾਨਦਾਰ ਹੈ। ਇਸ ਵਾਰ ਵੀ ਉਹ ਅਜੈ ਦੇਵਗਨ ਦੇ ਨਾਲ ਫਿਲਮ ‘ਦੇ ਦੇ ਪਿਆਰ ਦੇ’ ਵਿੱਚ ਦਿਖਾਈ ਦੇਵੇਗੀ, ਜਿਸ ਦੇ ਬਾਰੇ ਵਿੱਚ ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਹ ਫਿਲਮ ਕੇਵਲ ਰਾਮਕਾਮ ਨਹੀਂ ਹੈ।
ਤੱਬੂ ਨੇ ਦੱਸਿਆ, ‘‘ਇਸ ਫਿਲਮ ਵਿੱਚ ਮੈਂ ਜੋ ਕਿਰਦਾਰ ਨਿਭਾਇਆ ਹੈ, ਉਹ ਪਹਿਲਾਂ ਕਦੇ ਨਹੀਂ ਨਿਭਾਇਆ। ਇਸ ਦੀ ਕਹਾਣੀ ਕਾਫੀ ਅਲੱਗ ਹੈ ਤੇ ਫਿਲਮ ਅਨੋਖੇ ਸੰਬੰਧਾਂ ਦੀ ਗੱਲ ਕਰਦੀ ਹੈ। ਇਹ ਬੜੇ ਹਲਕੇ ਫੁਲਕੇ ਅੰਦਾਜ਼ ਵਿੱਚ ਆਪਣੀ ਕਹਾਣੀ ਕਹਿੰਦੀ ਹੈ ਅਤੇ ਨਾਲ ਹੀ ਕਾਮੇਡੀ ਦਾ ਤੜਕਾ ਇਸ ਫਿਲਮ ਨੂੰ ਖਾਸ ਬਣਾਉਂਦਾ ਹੈ।” ਤੱਬੂ ਨੇ ਦੱਸਿਆ, ‘‘ਇਸ ਫਿਲਮ ਵਿੱਚ ਦਿਖਾਇਆ ਗਿਆ ਹੈ ਕਿ ਕਿਵੇਂ ਅਲੱਗ ਅਲੱਗ ਉਮਰ ਦੇ ਲੋਕ ਆਪਣੀ ਜ਼ਿੰਦਗੀ ਨੂੰ ਆਪਣੇ ਤਰੀਕੇ ਨਾਲ ਹੈਂਡਲ ਕਰਦੇ ਹਨ। ਇਹ ਕਹਾਣੀ ਉਨ੍ਹਾਂ ਲੋਕਾਂ ਨਾਲ ਜ਼ਿਆਦਾ ਜੁੜਦੀ ਹੈ, ਜੋ ਆਪਣੇ ਜੀਵਨ ਵਿੱਚ ਹਰ ਦਿਨ ਇੱਕੋ ਜਿਹੀ ਸਥਿਤੀ ਸਾਹਮਣਾ ਕਰਦੇ ਹਨ।” ਫਿਲਮ ਵਿੱਚ ਰਕੁਲ ਪ੍ਰੀਤ ਸਿੰਘ ਵੀ ਹੈ। ਇਹ 17 ਮਈ ਨੂੰ ਰਿਲੀਜ਼ ਹੋਵੇਗੀ।