ਸੈਫ ਅਲੀ ਖਾਨ, ਫਾਤਿਮਾ ਸਨਾ ਸ਼ੇਖ ਅਤੇ ਅਲੀ ਫਜ਼ਲ ਦੀ ਫਿਲਮ ‘ਭੂਤ ਪੁਲਸ’ ਦੀ ਸ਼ੂਟਿੰਗ ਸ਼ੁਰੂ ਹੋ ਗਈ ਹੈ। ਇਹ ਹਾਰਰ ਕਾਮੇਡੀ ਫਿਲਮ ਹੈ। ਫਿਲਮ ਦਾ ਨਿਰਦੇਸ਼ਨ ਪਵਨ ਕ੍ਰਿਪਲਾਨੀ ਕਰ ਰਹੇ ਹਨ। ਪ੍ਰੋਡਕਸ਼ਨ ਸਟਾਰ ਸਟੂਡੀਓ ਕਰ ਰਿਹਾ ਹੈ। ਇਸ ਫਸਟ ਲੁਕ ਵਿੱਚ ਤਿੰਨੇੇ ਬਲੈਕ ਟੀ-ਸ਼ਰਟ ਤੇ ਕਾਲਾ ਚਸ਼ਮਾ ਪਹਿਨੇ ਇਕਦਮ ਮਾਚੋ ਮੈਨ ਲੁਕ ਵਿੱਚ ਨਜ਼ਰ ਆ ਰਹੇ ਹਨ। ਖਾਸ ਗੱਲ ਇਹ ਹੈ ਕਿ ਇਹ ਬਾਲੀਵੁੱਡ ਦੀ ਪਹਿਲੀ ਥ੍ਰੀ ਡੀ ਭੂਤੀਆ ਫਿਲਮ ਹੋਣ ਵਾਲੀ ਹੈ। ਫਿਲਮ ਵਿੱਚ ਅਲੀ ਫਜਲ ਅਤੇ ਸੈਫ ਅਲੀ ਖਾਨ ਭੂਤ ਫੜਨ ਵਾਲੇ ਦੇ ਕਿਰਦਾਰ ਵਿੱਚ ਹੋਣਗੇ, ਜਦ ਕਿ ਫਾਤਿਮਾ ਇਨ੍ਹਾਂ ਨੂੰ ਭੂਤ ਬਣ ਕੇ ਡਰਾਉਣ ਵਾਲੀ ਹੈ। ਪਵਨ ਨੇ 2016 ਦੀ ਫਿਲਮ ‘ਫੋਬੀਆ' ਬਣਾਈ ਸੀ।
ਇਸ ਬਾਰੇ ਫਾਤਿਮਾ ਸਨਾ ਸ਼ੇਖ ਦਾ ਕਹਿਣਾ ਹੈ ਕਿ ਮੈਨੂੰ ‘ਫੋਬੀਆ’ ਵਿੱਚ ਪਵਨ ਦਾ ਕੰਮ ਬਹੁਤ ਪਸੰਦ ਆਇਆ ਸੀ। ਮੈਨੂੰ ਖੁਸ਼ੀ ਹੈ ਕਿ ਮੈਂ ਉਨ੍ਹਾਂ ਨੂੰ ਮਿਲੀ ਅਤੇ ਨਾਲ ਕੰਮ ਕਰ ਰਹੀ ਹਾਂ। ਇਹ ਬਹੁਤ ਵਧੀਆ ਫਿਲਮ ਹੈ। ਇਸ ਦਾ ਡਰਾਫਟ ਪੜ੍ਹਦੇ ਹੀ ਮੈਂ ਇਸ ਵਿੱਚ ਕੰਮ ਕਰਨ ਬਾਰੇ ਸੋਚ ਲਿਆ ਸੀ, ਇਸ ਵਿੱਚ ਸੈਫ ਵੀ ਹਨ।