ਸੈਨ ਫਰਾਂਸਿਸਕੋ, 22 ਅਪ੍ਰੈਲ (ਪੋਸਟ ਬਿਊਰੋ)- ਜੇ ਤੁਸੀਂ ਆਨਲਾਈਨ ਸ਼ਾਪਿੰਗ ਲਈ ਕੰਜਿਊਮਰ ਰਿਵਿਊ 'ਤੇ ਭਰੋਸਾ ਕਰਦੇ ਹਨ ਤਾਂ ਸੁਚੇਤ ਹੋ ਜਾਓ। ਫੇਕ ਨਿਊਜ਼ ਵਾਂਗ ਅੱਜ ਕੱਲ੍ਹ ਫੇਕ ਰਿਵਿਊ ਵੀ ਰੁਝਾਨ ਵਿੱਚ ਆ ਗਿਆ ਹੈ।
ਦੁਨੀਆ ਦੀ ਸਭ ਤੋਂ ਵੱਡੀ ਈ-ਕਾਮਰਸ ਕੰਪਨੀ ਅਮੇਜ਼ਨ ਦੇ ਆਨਲਾਈਨ ਗ੍ਰਾਹਕਾਂ ਨੂੰ ਫੇਸਬੁਕ ਗਰੁੱਪ 'ਤੇ ਫੇਕ ਰਿਵਿਊ ਦੇ ਨਾਲ ਫਸਾਇਆ ਜਾਂਦਾ ਹੈ। ਬ੍ਰਿਟੇਨ ਦੇ ਕੰਜ਼ਿਊਮਰ ਐਡਵੋਕੇਸੀ ਗਰੁੱਪ ਵਿਚ ਕਈ ਕੰਪਨੀਆਂ ਅਤੇ ਫੇਸਬੁਕ ਗਰੁੱਪ ਦੇ ਜ਼ਰੀਏ ਅਮੇਜ਼ਨ ਦੀ ਸਾਈਟ 'ਤੇ ਵਿਕਣ ਵਾਲੇ ਪ੍ਰੋਡਕਟਾਂ ਦਾ ਫੇਕ ਰਿਵਿਊ ਹੋ ਰਿਹਾ ਹੈ। ਇਸ ਬਾਰੇ ਇੱਕੋ ਦਿਨ ਵਿੱਚ ਪ੍ਰੋਡਕਟ ਪੇਜ਼ਾਂ 'ਤੇ ਸੈਂਕੜੇ ਅਨਵੈਰੀਫਾਈਡ ਫਾਈਵ-ਸਟਾਰ ਰਿਵਿਊ ਪੋਸਟ ਕੀਤੇ ਗਏ ਅਤੇ ਕਈ ਉਤਪਾਦਾਂ ਉਤੇ ਮਨਮਰਜ਼ੀ ਦੀ ਰੇਟਿੰਗ ਦੇ ਕੇ 260 ਕਰੋੜ ਗ੍ਰਾਹਕਾਂ ਨੂੰ ਫਸਾਇਆ ਜਾ ਰਿਹਾ ਹੈ। 87 ਹਜ਼ਾਰ ਤੋਂ ਵੱਧ ਲੋਕ ਫੇਕ ਰਿਵਿਊ ਕਰਨ ਵਿੱਚ ਸ਼ਾਮਲ ਹੋ ਗਏ ਹਨ। ਇਸ ਦੇ ਬਾਅਦ ਸਾਮਾਨ ਡਿਲੀਵਰੀ ਦੇ ਸਮੇਂ ਫਰਾਡ ਨਾ ਹੋਵੇ, ਇਸ ਲਈ ਅਮੇਜਨ ਨੇ ਇੱਕ ਅਨੋਖਾ ਤਰੀਕਾ ਕੱਢਿਆ ਹੈ। ਕੰਪਨੀ ਨੇ ਆਪਣੇ ਡਿਲੀਵਰੀ ਬੁਆਏ ਨੂੰ ਆਦੇਸ਼ ਦਿੱਤਾ ਹੈ ਕਿ ਉਹ ਦਿਨ ਸ਼ੁਰੂ ਹੁੰਦੇ ਸਾਰ ਇੱਕ ਸੈਲਫੀ ਲੈ ਕੇ ਭੇਜਣ। ਇਸ ਨਾਲ ਸਮੇਂ-ਸਮੇਂ ਉੱਤੇ ਰਿਕਾਰਡ ਵੈਰੀਫਾਈ ਕੀਤਾ ਜਾ ਸਕੇਗਾ।