ਟੋਕੀਓ, 19 ਅਪਰੈਲ (ਪੋਸਟ ਬਿਊਰੋ) : ਮਈ ਦੇ ਅੰਤ ਵਿੱਚ ਅਮਰੀਕਾ ਦੇ ਰਾਸ਼ਟਰਪਤੀ ਡੌਨਲਡ ਟਰੰਪ ਆਪਣੀ ਪਤਨੀ ਮਲੇਨੀਆ ਨਾਲ ਜਾਪਾਨ ਦਾ ਦੌਰਾ ਕਰਨਗੇ। ਉੱਥੇ ਉਹ ਨਵੇਂ ਬਣਨ ਜਾ ਰਹੇ ਰਾਜਾ ਨਾਲ ਵੀ ਮੁਲਾਕਾਤ ਕਰਨਗੇ। ਕ੍ਰਾਊਨ ਪ੍ਰਿੰਸ ਨਾਰੂਹਿਤੋ ਪਹਿਲੀ ਮਈ ਨੂੰ ਰਾਜੇ ਦਾ ਅਹੁਦਾ ਤਿਆਗ ਰਹੇ ਆਪਣੇ ਪਿਤਾ ਤੇ ਮੌਜੂਦਾ ਰਾਜਾ ਅਕੀਹੀਤੋ ਦੀ ਥਾਂ ਲੈਣਗੇ। 25 ਤੋਂ 28 ਮਈ ਤੱਕ ਦੇ ਆਪਣੇ ਦੌਰੇ ਦੌਰਾਨ ਟਰੰਪ ਜਪਾਨ ਦੇ ਪ੍ਰਧਾਨ ਮੰਤਰੀ ਸਿੰ਼ਜੋ਼ ਆਬੇ ਨਾਲ ਵੀ ਗੱਲਬਾਤ ਕਰਨਗੇ। ਇਸ ਦੇ ਨਾਲ ਹੀ ਟਰੰਪ ਸੂਮੋ ਮੈਚ ਦਾ ਆਨੰਦ ਵੀ ਮਾਣ ਸਕਦੇ ਹਨ। ਵਾੲ੍ਹੀਟ ਹਾਊਸ ਨੇ ਸ਼ੁੱਕਰਵਾਰ ਨੂੰ ਆਖਿਆ ਕਿ ਆਬੇ ਵੀ 26 ਤੇ 27 ਅਪਰੈਲ ਨੂੰ ਵਾਸਿੰ਼ਗਟਨ ਦਾ ਦੌਰਾ ਕਰਨਗੇ। ਇਸ ਮੌਕੇ ਉਹ ਉੱਤਰੀ ਕੋਰੀਆ ਦੇ ਪ੍ਰਮਾਣੂ ਨਿਸ਼ਸਤਰੀਕਰਨ, ਵਪਾਰ ਤੇ ਹੋਰਨਾਂ ਮੁੱਦਿਆਂ ਬਾਰੇ ਟਰੰਪ ਪ੍ਰਸ਼ਾਸਨ ਨਾਲ ਵਿਚਾਰ ਵਟਾਂਦਰਾ ਕਰਨਗੇ।