ਬੇਗੂਸਰਾਏ, 18 ਅਪਰੈਲ, (ਪੋਸਟ ਬਿਊਰੋ)- ਇਸ ਵਾਰ ਪਾਰਲੀਮੈਂਟ ਚੋਣਾਂ ਵਿੱਚ ਬਿਹਾਰ ਵਿੱਚ ਬੇਗੂਸਰਾਏ ਚੋਣ ਹਲਕੇ ਤੋਂ ਕੇਂਦਰੀ ਮੰਤਰੀ ਗਿਰੀਰਾਜ ਸਿੰਘ ਨਾਲਭਿੜ ਰਹੇ ਜਵਾਹਰ ਲਾਲ ਨਹਿਰੂ ਯੂਨੀਵਰਸਿਟੀ (ਜੇ ਐੱਨ ਯੂ) ਦੀ ਸਟੂਡੈਂਟਸ ਯੂਨੀਅਨ ਦੇ ਸਾਬਕਾ ਪ੍ਰਧਾਨ ਅਤੇ ਸੀ ਪੀ ਆਈ ਉਮੀਦਵਾਰ ਕਨ੍ਹਈਆ ਕੁਮਾਰ ਨੇ ਇਸ ਚੋਣ ਨੂੰ ‘ਪੜ੍ਹਾਈ ਅਤੇ ਕੜਾਹੀ ਦੀ ਲੜਾਈ’ਕਿਹਾ ਹੈ। ਉਨ੍ਹਾਂ ਕਿਹਾ ਕਿ ਇਕ ਪਾਸੇ ਪੜ੍ਹ-ਲਿਖ ਕੇ ਅਪਣਾ ਤੇ ਦੇਸ਼ ਦਾ ਭਵਿੱਖ ਬਣਾਉਣ ਵਾਲੇ ਨੌਜੁਆਨ ਹਨ ਅਤੇ ਦੂਸਰੇ ਪਾਸੇ ਉਹ ਲੋਕ ਹਨ, ਜੋ ਪੜ੍ਹੇ-ਲਿਖੇ ਨੌਜੁਆਨਾਂ ਤੋਂ ਪਕੌੜੇ ਤਲਵਾਉਣਾ ਚਾਹੁੰਦੇ ਹਨ।
ਪਿਛਲੇ ਦਿਨੀਂ ਐੱਨ ਸੀ ਈ ਆਰ ਟੀ ਦੀ 9ਵੀਂ ਜਮਾਤ ਦੀ ਕਿਤਾਬ ਵਿਚੋਂ ਲੋਕਤੰਤਰ ਦਾ ਪਾਠ ਹਟਾਏ ਜਾਣ ਬਾਰੇਕਨ੍ਹਈਆ ਕੁਮਾਰ ਨੇ ਕਿਹਾ, ‘ਜੇ ਅਸੀਂ ਚੁੱਪ ਰਹੇ ਤਾਂ ਕੱਲ੍ਹ ਪੂਰੇ ਦੇਸ਼ ਤੋਂਲੋਕਤੰਤਰ ਹਟਾ ਦਿਤਾ ਜਾਵੇਗਾ।` ਚੋਣਾਂਦੌਰਾਨਜੇ ਐੱਨ ਯੂਵਾਲੇ ਕੇਸ ਅਤੇ ਦੇਸ਼-ਧ੍ਰੋਹ ਦਾ ਮੁੱਖ ਮੁੱਦਾ ਬਣਾਉਣ ਉੱਤੇਉਸ ਨੇ ਕਿਹਾ ਕਿ ‘ਜੇ ਮੈਂ ਦੇਸ਼-ਧ੍ਰੋਹੀ ਤੇ ਅਪਰਾਧੀ ਹਾਂ, ਦੋਸ਼ੀ ਹਾਂ ਤਾਂ ਸਰਕਾਰ ਮੈਨੂੰ ਜੇਲ ਵਿਚ ਕਿਉਂ ਨਹੀਂ ਪਾ ਦੇਂਦੀ? ਜੇ ਮੈਂ ਗ਼ਲਤ ਕੀਤਾ ਹੈ ਤਾਂ ਸਰਕਾਰ ਕਾਰਵਾਈ ਕਰੇ। ਮੈਂ ਦੇਸ਼-ਧ੍ਰੋਹੀ ਹਾਂ ਤਾਂ ਚੋਣ ਕਿਵੇਂ ਲੜ ਰਿਹਾ ਹਾਂ? ਮੇਰਾ ਚੋਣਾਂ ਲੜਨਾ ਇਸ ਦਾ ਸਬੂਤ ਹੈ ਕਿ ਦੇਸ਼-ਧ੍ਰੋਹ ਦੇ ਦੋਸ਼ ਝੂਠੇ ਹਨ। ਲੋਕ ਅਸਲ ਮੁੱਦਿਆਂਦੀ ਗੱਲ ਕਰਨਾ ਚਾਹੁੰਦੇ ਹਨ ਤੇ ਭਾਜਪਾ ਮਨਘੜਤ ਮੁੱਦਿਆਂ ਨਾਲ ਲੋਕਾਂ ਨੂੰ ਵੰਡ ਰਹੀ ਹੈ, ਉਸ ਕੋਲ ਜਨਤਾ ਨਾਲ ਜੁੜਿਆ ਕੋਈ ਮੁੱਦਾ ਨਹੀਂ। ਪਿਛਲੇ 5 ਸਾਲਾਂ ਵਿਚ ਕੇਂਦਰ ਸਰਕਾਰ ਨੇ ਕੁਝ ਵੀ ਠੋਸ ਨਹੀਂ ਕੀਤਾ, ਇਸ ਲਈ ਉਸ ਦੇ ਲੀਡਰ ਵਹਿਮ ਫੈਲਾ ਕੇ ਚਾਹੁੰਦੇ ਹਨ ਕਿ ਦੇਸ਼ ਵਿਚ ਨਾ ਕੋਈ ਬੋਲੇ, ਨਾ ਸਵਾਲ ਕਰੇ।’
ਆਪਣੀ ਚੋਣ ਲੜਾਈ ਬਾਰੇ ਕਨ੍ਹਈਆ ਕੁਮਾਰ ਨੇ ਕਿਹਾ ਕਿ ਜਨਤਾ ਦੀ ਲੜਾਈ ਜਨਤਾ ਦੇ ਪੈਸੇ ਨਾਲ ਹੈ, ਮੇਰੀ ਪੂਰੀ ਮੁਹਿੰਮ ਜਨਤਾ ਦੇ ਸਹਾਰੇਚੱਲ ਰਹੀ ਹੈ। ਇਹ ਚੋਣ ਜੰਗ ਪੜ੍ਹਾਈ ਤੇ ਕੜਾਹੀ ਵਿਚਾਲੇ ਹੈ, ਇਕ ਪਾਸੇ ਪੜ੍ਹ-ਲਿਖ ਕੇ ਅਪਣਾ ਅਤੇ ਦੇਸ਼ ਦਾ ਭਵਿੱਖ ਬਣਾਉਣ ਦੇ ਇਛੁੱਕ ਨੌਜਵਾਨ ਹਨ, ਦੂਜੇ ਪਾਸੇ ਉਹ ਹਨ, ਜੋ ਇਨ੍ਹਾਂ ਪੜ੍ਹੇ-ਲਿਖੇ ਨੌਜਵਾਨਾਂ ਕੋਲੋਂ ਪਕੌੜੇ ਤਲਵਾਉਣਾ ਚਾਹੁੰਦੇ ਹਨ।`