* ਬਿਮਾਰ ਬਣ ਕੇ ਜ਼ਮਾਨਤ ਲਈ ਤੇ ਚੋਣ ਲੜਨ ਲੱਗੀ ਦੱਸਿਆ
ਨਵੀਂ ਦਿੱਲੀ, 18 ਅਪਰੈਲ, (ਪੋਸਟ ਬਿਊਰੋ)- ਸਾਢੇ ਦਸ ਸਾਲ ਪੁਰਾਣੇ ਮਾਲੇਗਾਉਂ ਬੰਬ ਧਮਾਕਿਆਂ ਦੇ ਇਕ ਪੀੜਤ ਦੇ ਪਿਤਾ ਨੇ ਭਾਰਤੀ ਜਨਤਾ ਪਰਟੀ ਵੱਲੋਂ ਉਸ ਕੇਸ ਦੀ ਦੋਸ਼ੀ ਦੱਸੀ ਜਾਂਦੀ ਸਾਧਵੀ ਪ੍ਰਗਿਆਸਿੰਘ ਠਾਕੁਰ ਨੂੰ ਭੋਪਾਲ ਹਲਕੇ ਤੋਂ ਭਾਜਪਾ ਉਮੀਦਵਾਰ ਬਣਾਏ ਜਾਣ ਦੇ ਵਿਰੁੱਧ ਅਰਜ਼ੀ ਦੇ ਦਿੱਤੀ ਹੈ।
ਇਕ ਨਿਊਜ਼ ਏਜੰਸੀ ਦੀ ਰਿਪੋਰਟ ਅਨੁਸਾਰ ‘ਧਮਾਕਾ ਪੀੜਤ ਦੇ ਪਿਤਾ ਨੇ ਅਰਜ਼ੀ ਵਿੱਚ ਐੱਨ ਆਈ ਏ ਕੋਰਟ ਦੇ ਸਾਹਮਣੇ ਸਾਧਵੀ ਪ੍ਰਗਿਆ ਸਿੰਘ ਠਾਕਰ ਦੀ ਸਿਹਤ ਦਾ ਹਵਾਲਾ ਦਿੰਦੇ ਹੋਏ ਉਨ੍ਹਾਂ ਨੂੰ ਉਮੀਦਵਾਰ ਬਣਾਏ ਜਾਣ ਉੱਤੇ ਸਵਾਲ ਉਠਾਇਆ ਹੈ। ਇਸ ਦਾ ਵੱਡਾ ਕਾਰਨ ਹੈ ਕਿ ਸਾਧਵੀ ਪ੍ਰਗਿਆ ਸਿੰਘ ਦੀ ਜ਼ਮਾਨਤ ਅਰਜ਼ੀ ਵਿੱਚ ਉਨ੍ਹਾਂ ਦੀ ਖਰਾਬ ਸਿਹਤ ਦਾ ਹਵਾਲਾ ਦਿੱਤਾ ਗਿਆ ਸੀ। ਜਦੋਂ ਉਹ ਜ਼ਮਾਨਤ ਉੱਤੇ ਬਾਹਰ ਆ ਗਈ ਤਾਂ ਭਾਰਤੀ ਜਨਤਾ ਪਾਰਟੀ ਨੇ ਉਸ ਨੂੰ ਭੋਪਾਲ ਲੋਕ ਸਭਾ ਸੀਟ ਲਈ ਉਮੀਦਵਾਰ ਬਣਾ ਦਿੱਤਾ ਹੈ। ਇਸ ਪਾਰਲੀਮੈਂਟਸੀਟ ਉੱਤੇਸਾਧਵੀ ਦਾ ਸਿੱਧਾ ਮੁਕਾਬਲਾ ਸਾਬਕਾ ਮੁੱਖ ਮੰਤਰੀ ਅਤੇ ਕਾਂਗਰਸ ਦੇ ਸੀਨੀਅਰ ਨੇਤਾ ਦਿਗਵਿਜੇ ਸਿੰਘ ਨਾਲ ਮੰਨਿਆ ਜਾ ਰਿਹਾ ਹੈ।
ਵਰਨਣ ਯੋਗ ਹੈ ਕਿ 29 ਸਤੰਬਰ 2008 ਨੂੰ ਨਾਸਿਕ ਜਿ਼ਲੇ ਦੇ ਮਾਲੇਗਾਉਂ ਸ਼ਹਿਰ ਵਿੱਚ ਇਕ ਮੋਟਰ ਸਾਈਕਲ ਉੱਤੇ ਬੰਬ ਫਿੱਟ ਕਰ ਕੇ ਧਮਾਕਾ ਕੀਤਾ ਗਿਆ ਸੀ, ਜਿਸ ਵਿੱਚ 7 ਲੋਕਾਂ ਦੀ ਮੌਤ ਹੋਈਤੇ ਕਰੀਬ ਇੱਕ ਸੌ ਲੋਕ ਜ਼ਖਮੀ ਹੋਏ ਸਨ। ਇਸ ਧਮਾਕਾ ਕੇਸ ਵਿੱਚ ਸਾਧਵੀ ਪ੍ਰਗਿਆ ਸਿੰਘ ਅਤੇ ਕਰਨਲ ਸ੍ਰੀਕਾਂਤ ਪੁਰੋਹਿਤ ਨੂੰ ਅਕਤੂਬਰ 2008 ਵਿੱਚ ਗ੍ਰਿਫਤਾਰ ਕੀਤਾ ਗਿਆ ਤੇਉਨ੍ਹਾ ਉੱਤੇ ਮਕੋਕਾ (ਮਹਾਰਾਸ਼ਟਰ ਆਰਗੇਨਾਈਜ਼ਡ ਕਰਾਈਮ ਕੰਟਰੋਲ ਐਕਟ) ਦੀਆਂ ਕਈ ਧਾਰਾ ਲਾਈਆਂ ਗਈਆਂ ਹਨ। ਇਸ ਦੇ ਨਾਲ ਸਾਧਵੀਪ੍ਰਗਿਆ ਸਿੰਘ ਉੱਤੇਆਪਣੇ ਹੀ ਇੱਕ ਸਹਿਯੋਗੀ ਸੁਨੀਲ ਜੋਸ਼ੀ ਦੇ ਕਤਲ ਦਾ ਵੀ ਦੋਸ਼ ਹੈ। ਐੱਨ ਆਈ ਏਵੱਲੋਂ ਕੀਤੀ ਗਈ ਜਾਂਚਦੌਰਾਨ ਇਹ ਗੱਲ ਸਾਹਮਣੇ ਆਈ ਸੀ ਕਿ ਸੁਨੀਲ ਜੋਸ਼ੀ ਨੂੰ ਸਾਧਵੀ ਪ੍ਰਗਿਆ ਦੇ ਵੱਲ ਉਸ ਦੀ ਖਿੱਚ ਦੇ ਕਾਰਨ ਕਤਲ ਕੀਤਾ ਗਿਆ ਸੀ।
ਸਾਲ 2017 ਵਿੱਚਦੋਬਾਰਾ ਜਾਂਚ ਪਿੱਛੋਂ ਐੱਨ ਆਈ ਏ ਨੇ ਕੋਰਟ ਨੂੰ ਕਹਿ ਦਿੱਤਾ ਸੀ ਕਿ ਉਸ ਨੂੰ ਪ੍ਰਗਿਆ ਸਿੰਘ ਠਾਕੁਰ ਨੂੰ ਜ਼ਮਾਨਤ ਉੱਤੇ ਛੱਡੇ ਜਾਣਦਾਇਤਰਾਜ਼ਨਹੀਂ, ਕਿਉਂਕਿ ਉਨ੍ਹਾਂ ਦੇ ਵਿਰੁੱਧ ਸਬੂਤ ਨਹੀਂ ਹਨ। ਇਸ ਤੋਂ ਬਾਅਦ 25 ਅਪ੍ਰੈਲ 2017 ਨੂੰ ਸਾਧਵੀ ਪ੍ਰਗਿਆ ਸਿੰਘ ਠਾਕਰ ਨੂੰ ਜ਼ਮਾਨਤ ਉੱਤੇਛੱਡ ਦਿੱਤਾ ਗਿਆ ਸੀ। ਇਸ ਬੁੱਧਵਾਰ ਭਾਜਪਾ ਨੇ ਸਾਧਵੀ ਪ੍ਰਗਿਆ ਸਿੰਘ ਨੂੰਜਦੋਂ ਭੋਪਾਲ ਤੋਂਉਮੀਦਵਾਰ ਬਣਾ ਲਿਆ ਤਾਂ ਮਾਲੇਗਾਉਂ ਧਮਾਕਾ ਕੇਸ ਦੇ ਇੱਕ ਪੀੜਤ ਦੇ ਪਿਤਾ ਨੇ ਇਸ ਉੱਤੇ ਬਾਕਾਇਦਾ ਇਤਰਾਜ਼ ਕੀਤਾ ਹੈ।