ਜਲਦੀ ਹੀ ਫਿਲਮ ‘ਖੋ ਗਏ ਹੁਮ ਕਹਾਂ’ ਵਿੱਚ ਨਜ਼ਰ ਆ ਰਹੀ ਡਾਇਨਾ ਪੇਂਟੀ ਬਾਲੀਵੁੱਡ ਦੀਆਂ ਉਨ੍ਹਾਂ ਸੁੰਦਰੀਆਂ 'ਚੋਂ ਇੱਕ ਹੈ, ਜੋ ਸੋਸ਼ਲ ਮੀਡੀਆ 'ਤੇ ਕਾਫੀ ਐਕਟਿਵ ਰਹਿੰਦੀ ਹੈ। ਉਸ ਨੇ ਪਿੱਛੇ ਜਿਹੇ ਇੰਸਟਾਗ੍ਰਾਮ 'ਤੇ ਆਪਣੀਆਂ ਕੁਝ ਬਹੁਤ ਗਲੈਮਰਸ ਤਸਵੀਰਾਂ ਫੈਨਜ਼ ਨਾਲ ਸ਼ੇਅਰ ਕੀਤੀਆਂ। ਤਸਵੀਰਾਂ ਵਿੱਚ ਡਾਇਨਾ ਗੁਲਾਬੀ ਰੰਗ ਦੇ ਰਫਲਡ ਗਾਊਨ ਵਿੱਚ ਨਜ਼ਰ ਆ ਰਹੀ ਸੀ ਤੇ ਉਸ ਦਾ ਇਹ ਅੰਦਾਜ਼ ਦੇਖ ਕੇ ਸਾਰਿਆਂ ਦੇ ਸਾਹ ਰੁਕ ਜਾਂਦੇ ਹਨ। ਇਸ ਡਰੈੱਸ ਨਾਲ ਉਸ ਨੇ ਕਾਫੀ ਘੱਟ ਮੇਕਅਪ ਕੀਤਾ ਸੀ ਤੇ ਗੁਲਾਬੀ ਲਿਪਸਟਿਕ ਉਸ ਦੀ ਲੁੱਕ ਨੂੰ ਚਾਰ ਚੰਨ ਲਾ ਰਹੀ ਸੀ।
ਡਾਇਨਾ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਸਾਲ 2004 ਵਿੱਚ ਮਾਡਲਿੰਗ ਨਾਲ ਕੀਤੀ ਸੀ। ਮਾਡਲਿੰਗ ਜਗਤ ਵਿੱਚ ਸੱਤ ਸਾਲ ਦਾ ਲੰਬਾ ਅਰਸਾ ਗੁਜਾਰਨ ਤੋਂ ਬਾਅਦ ਸਾਲ 2012 ਵਿੱਚ ਉਸ ਨੇ ਫਿਲਮ ‘ਕਾਕਟੇਲ’ ਨਾਲ ਬਾਲੀਵੁੱਡ ਵਿੱਚ ਡੈਬਿਊ ਕੀਤਾ ਸੀ। ਫਿਲਮ ਤੋਂ ਬਾਅਦ ਉਹ ਸੁਪਰਹਿੱਟ ਫਿਲਮ ‘ਹੈਪੀ ਭਾਗ ਜਾਏਗੀ’, ‘ਲਖਨਊ ਸੈਂਟਰਲ’, ‘ਪਰਮਾਣੂ’ ਅਤੇ ‘ਹੈਪੀ ਫਿਰ ਭਾਗ ਜਾਏਗੀ’ ਵਿੱਚ ਵੀ ਕੰਮ ਕਰ ਚੁੱਕੀ ਹੈ।