ਬੋਸਟਨ, 18 ਅਪ੍ਰੈਲ (ਪੋਸਟ ਬਿਊਰੋ)- ਅਮਰੀਕਾ ਦੀ ਰੋਬੋਟਿਕਸ ਡਿਜ਼ਾਈਨ ਕੰਪਨੀ ਬੋਸਟਨ ਡਾਇਨਾਮਿਕ ਨੇ ਇੱਕ ਤਰ੍ਹਾਂ ਦੇ ਰੋਬੋਟਿਕ ਡਾਗ ਤਿਆਰ ਕੀਤੇ ਹਨ। ਇਹ ਚੱਲਣ, ਕੁੱਦਣ ਅਤੇ ਪੌੜੀਆਂ ਚੜ੍ਹਨ ਦੇ ਸਮਰਥ ਹੋਣ ਦੇ ਨਾਲ ਭਾਰੀ ਸਾਮਾਨ ਨੂੰ ਵੀ ਆਸਾਨੀ ਨਾਲ ਖਿੱਚ ਸਕਦੇ ਹਨ। ਪਿਛਲੇ ਦਿਨੀਂ ਕੰਪਨੀ ਨੇ ਇੱਕ ਵੀਡੀਓ ਜਾਰੀ ਕੀਤਾ ਹੈ, ਜਿਸ ਵਿੱਚ 10 ਰੋਬੋਟ ਡਾਗ ਇੱਕ ਟਰੱਕ ਨੂੰ ਖਿੱਚਦੇ ਨਜ਼ਰ ਆ ਰਹੇ ਹਨ।
ਇਸ ਵੀਡੀਓ ਦੇ ਮੁਤਾਬਕ ਇਨ੍ਹਾਂ ਰੋਬੋਟਿਕ ਡਾਗਸ ਨੇ ਇੱਕ ਮਿੰਟ ਵਿੱਚ ਕਰੀਬ 30 ਮੀਟਰ ਤੱਕ ਟਰੱਕ ਨੂੰ ਖਿੱਚਿਆ ਸੀ। ਕੰਪਨੀ ਦਾ ਦਾਅਵਾ ਹੈ ਕਿ ਇਹ ਇਨਸਾਨਾਂ ਦੀ ਮਦਦ ਕਰ ਸਕਣਗੇ। ਕੰਪਨੀ ਮੁਤਾਬਕ ਰੋਬੋਟਿਕ ਡਾਗ ਦੀ ਲੰਬਾਈ ਤਿੰਨ ਫੁੱਟ ਹੈ। ਇਸ ਵਿੱਚ 17 ਜੋੜ ਹਨ, ਜੋ ਇਨ੍ਹਾਂ ਨੂੰ ਫੁਰਤੀਲਾ ਬਣਾਉਂਦੇ ਹਨ। ਇੱਕ ਡਾਗ ਦਾ ਵਜਨ 25 ਕਿਲੋ ਹੈ। ਫੁੱਲ ਚਾਰਜ ਹੋਣ 'ਤੇ ਇਹ ਨੱਬੇ ਮਿੰਟ ਤੱਕ ਚੱਲ ਸਕਦੇ ਹਨ।