ਬੀਤੇ ਦਿਨੀਂ ਪੰਜਾਬ ਕਲਾ ਭਵਨ ਸੈਕਟਰ-16 ਚੰਡੀਗੜ੍ਹ `ਚ ਪੰਜਾਬ ਲਲਿਤ ਕਲਾ ਅਕਾਦਮੀ ਵੱਲੋਂ ਇਸ ਫੋਟੋ ਪ੍ਰਦਰਸ਼ਨੀ ਦਾ ਆਯੋਜਨ ਕੀਤਾ ਗਿਆ ਸੀ। ਪ੍ਰਦਰਸ਼ਨੀ ਦੌਰਾਨ ਜਸਪਾਲ ਕਮਾਨਾ ਨੇ ਦੱਸਿਆ ਕਿ ਇਹ ਫੋਟੋ ਪ੍ਰਦਰਸਨੀ ਉਨ੍ਹਾਂ ਦੀ 5 ਸਾਲ ਮਿਹਨਤ ਦਾ ਨਤੀਜਾ ਹੈ। 5 ਸਾਲ ਉਹ ਪੰਜਾਬ ਦੇ ਵੱਖ-ਵੱਖ ਇਲਾਕਿਆਂ `ਚ ਗਏ ਅਤੇ ਕਿਸਾਨਾਂ ਤੇ ਮਜ਼ਦੂਰਾਂ ਦੀ ਜਿੰਦਗੀ ਨੂੰ ਸਮਝਿਆ। ਜਸਪਾਲ ਕਮਾਨਾ ਨੇ ਦੱਸਿਆ ਕਿ ਪੰਜਾਬ ਦੇ ਮਜ਼ਦੂਰਾਂ ਤੇ ਕਿਸਾਨਾਂ ਦੀ ਜਿੰ਼ਦਗੀ ਬਹੁਤ ਸੰਘਰਸ਼ਪੂਰਨ ਹੈ, ਉਨ੍ਹਾਂ ਕੋਲ ਸੰਘਰਸ਼ ਕਰਨ ਤੋ ਬਿਨਾਂ ਕੁਝ ਨਹੀਂ। ਭੱਠਿਆਂ ਦੀ ਤਪਦੀ ਗਰਮੀ `ਚ ਕੰਮ ਕਰਦੇ ਮਜ਼ਦੂਰਾਂ ਦੀ ਜਿੰ਼ਦਗੀ ਨੂੰ ਉਨ੍ਹਾਂ ਨੇ ਆਪਣੀ ਫੋਟੋ ਪ੍ਰਦਰਸ਼ਨੀ `ਚ ਦਖਾਇਆ ਹੈ। ਇਸ ਪ੍ਰਦਰਸ਼ਨੀ `ਚ ਉਨ੍ਹਾਂ ਵੱਲੋਂ 110 ਕੰਮਾਂ ਦੀ ਪ੍ਰਦਰਸ਼ਨੀ ਕੀਤੀ ਗਈ ਸੀ। ਉਨ੍ਹਾਂ ਦੀ ਇਹ ਪ੍ਰਦਰਸ਼ਨੀ 19 ਅਪ੍ਰੈਲ ਤੋਂ ਇੰਡੀਅਨ ਅਕਾਦਮੀ ਆਫ ਫਾਈਨ ਆਰਟ ਵੱਲੋਂ ਐੱਸ.ਜੀ. ਠਾਕੁਰ ਸਿੰਘ ਆਰਟ ਗੈਲਰੀ ਅੰਮ੍ਰਿਤਸਰ `ਚ ਲੱਗੇਗੀ।