Welcome to Canadian Punjabi Post
Follow us on

20

August 2019
ਅੰਤਰਰਾਸ਼ਟਰੀ

ਬਰਫ਼ਬਾਰੀ ਨਾਲ ਬਿਜਲੀ ਬਣਾਉਣ ਦੀ ਨਵੀਂ ਡਿਵਾਈਸ ਬਣੀ

April 17, 2019 09:42 AM

ਲਾਸ ਏਂਜਲਸ, 16 ਅਪ੍ਰੈਲ (ਪੋਸਟ ਬਿਊਰੋ)- ਸਰਦੀ ਦੇ ਮੌਸਮ ਵਿੱਚ ਆਮ ਨਾਲੋਂ ਵੱਧ ਬਰਫ਼ਬਾਰੀ ਨਾਲ ਜੀਵਨ ਠੱਪ ਹੋ ਜਾਂਦਾ ਹੈ ਅਤੇ ਕੁਝ ਇਲਾਕਿਆਂ ਵਿੱਚ ਕਈ ਦਿਨ ਬਿਜਲੀ ਦੀ ਸਪਲਾਈ ਵੀ ਠੱਪ ਰਹਿੰਦੀ ਹੈ।
ਵਿਗਿਆਨੀਆਂ ਨੇ ਅਜਿਹੀ ਡਿਵਾਈਸ ਬਣਾਈ ਹੈ, ਜਿਸ ਨਾਲ ਬਰਫ਼ਬਾਰੀ ਪਰੇਸ਼ਾਨੀ ਦਾ ਸਬੱਬ ਨਹੀਂ ਬਣੇਗੀ, ਉਸ ਤੋਂ ਬਿਜਲੀ ਬਣਾਈ ਜਾ ਸਕੇਗੀ। ਅਮਰੀਕਾ ਦੀ ਯੂਨੀਵਰਸਿਟੀ ਆਫ ਕੈਲੀਫੋਰਨੀਆ, ਲਾਸ ਏਂਜਲਸ ਨੇ ਇਸ ਕੰਮ ਲਈ ਪਹਿਲੀ ਵਾਰੀ 3ਡੀ ਪ੍ਰਿੰਟਿਡ ਡਿਵਾਈਸ ਬਣਾਉਣ ਦੀ ਸਫਲਤਾ ਹਾਸਲ ਕੀਤੀ ਹੈ। ਪਲਾਸਟਿਕ ਦੀ ਛੋਟੀ ਤੇ ਪਤਲੀ ਚਾਦਰ ਵਰਗੀ ਇਹ ਡਿਵਾਈਸ ਸਸਤੀ ਵੀ ਹੈ। ਸਨੋ ਟੈਗ ਨਾਂ ਦੀ ਇਸ ਡਿਵਾਈਸ ਵਿੱਚ ਬੈਟਰੀ ਦੀ ਲੋੜ ਨਹੀਂ। ਇਸ ਖ਼ੂਬੀ ਕਾਰਨ ਇਸ ਦੀ ਪੇਂਡੂ ਤੇ ਪੱਛੜੇ ਇਲਾਕੇ ਵਿਚ ਵਰਤੋਂ ਹੋ ਸਕਦੀ ਹੈ। ਬਰਫ਼ ਪਾਜ਼ੀਟਿਵਲੀ ਚਾਰਜਡ ਪਦਾਰਥ ਹੈ ਤੇ ਉਸ ਵਿਚ ਇਲੈਕਟ੍ਰਾਨ ਦੀ ਪ੍ਰਵਿਰਤੀ ਹੁੰਦੀ ਹੈ। ਨਵੀਂ ਡਿਵਾਈਸ ਵਿੱਚ ਬਰਫ਼ ਦੇ ਇਸੇ ਗੁਣ ਦੀ ਵਰਤੋਂ ਕੀਤੀ ਗਈ ਹੈ। ਵਿਗਿਆਨੀਆਂ ਨੇ ਸਿਲੀਕਾਨ (ਸਿਲੀਕਾਨ ਤੇ ਆਕਸੀਜਨ ਦੇ ਐਟਮ ਤੋਂ ਬਣਿਆ ਪਾਲੀਮਰ) ਦੀ ਸਤ੍ਹਾ ਤਿਆਰ ਕੀਤੀ ਹੈ। ਠੰਢ ਦੇ ਸਮੇਂ ਧਰਤੀ ਦਾ 30 ਹਿੱਸਾ ਬਰਫ਼ ਨਾਲ ਢੱਕ ਜਾਂਦਾ ਹੈ। ਓਦੋਂ ਸੋਲਰ ਪੈਨਲ ਠੀਕ ਕੰਮ ਨਹੀਂ ਕਰਦੇ। ਜੇ ਸੋਲਰ ਪੈਨਲ ਵਿੱਚ ਨਵੀਂ ਡਿਵਾਈਸ ਦੀ ਵਰਤੋਂ ਹੋਵੇ ਤਾਂ ਬਰਫ਼ਬਾਰੀ ਮੌਕੇ ਵੀ ਬਿਜਲੀ ਸਪਲਾਈ ਵਿੱਚ ਦਿੱਕਤ ਨਹੀਂ ਆਏਗੀ।

Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ