ਨਵੀਂ ਦਿੱਲੀ, 15 ਅਪ੍ਰੈਲ (ਪੋਸਟ ਬਿਊਰੋ): ਰਾਫੇਲ ਲੜਾਕੂ ਜਹਾਜ਼ ਸੌਦਾ ਸਿਰਫ ਕੇਂਦਰ ਸਰਕਾਰ ਲਈ ਹੀ ਨਹੀਂ, ਸਗੋਂ ਛੱਤੀਗੜ੍ਹ ਦੇ ਇੱਕ ਪਿੰਡ ਲਈ ਵੀ ਪ੍ਰੇਸ਼ਾਨੀ ਦਾ ਸਬੱਬ ਬਣ ਗਿਆ ਹੈ। ਰਾਫੇਲ ਲੜਾਕੂ ਜਹਾਜ਼ ਨੂੰ ਲੈਕੇ ਕਾਂਗਰਸ ਲਗਾਤਾਰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਬੀਜੇਪੀ ਸਰਕਾਰ `ਤੇੇ ਹਮਲਾਵਰ ਹੈ। ਰਾਫੇਲ ਲੜਾਕੂ ਜਹਾਜ਼ ਸੌਦਾ ਕੇਵਲ ਕੇਂਦਰ ਸਰਕਾਰ ਲਈ ਹੀ ਨਹੀਂ , ਸਗੋਂ ਛੱਤੀਗੜ੍ਹ ਦੇ ਇਕ ਪਿੰਡ ਲਈ ਵੀ ਪ੍ਰੇਸ਼ਾਨੀ ਦਾ ਸਬੱਬ ਬਣ ਗਿਆ ਹੈ। ਇਸ ਸੌਦੇ ਦੇ ਵਿਵਾਦਾਂ `ਚ ਘਿਰੇ ਹੋਣ ਕਾਰਨ ਛੱਤੀਗੜ੍ਹ ਨੂੰ ਮਜ਼ਾਕ ਦਾ ਪਾਤਰ ਬਣਨਾ ਪੈ ਰਿਹਾ ਹੈ। ਦਰਅਸਲ ਛੱਤੀਗੜ੍ਹ ਦੇ ਮਹਾਸਮੁੰਦ ਚੋਣ ਖੇਤਰ `ਚ ਇਕ ਛੋਟਾ ਜਿਹਾ ਪਿੰਡ ਹੈ। ਜਿਸਦਾ ਨਾਮ ਰਾਫੇਲ ਹੈ। ਇਸ ਪਿੰਡ `ਚ ਕਰੀਬ 2000 ਪਰਿਵਾਰ ਰਹਿੰਦੇ ਹਨ। ਪਿੰਡ ਦੇ ਇਕ 83 ਸਾਲ ਦੇ ਧਰਮ ਸਿੰਘ ਨੇ ਕਿਹਾ, ਹੋਰ ਪਿੰਡਾਂ ਦੇ ਲੋਕ ਸਾਡਾ ਮਜ਼ਾਕ ਉਡਉਂਦੇ ਹਨ। ਉਹ ਕਹਿੰਦੇ ਹਨ ਕਿ ਜੇਕਰ ਕਾਂਗਰਸ ਸੱਤਾ `ਚ ਆਈ ਤਾਂ ਸਾਡੀ ਜਾਂਚ ਹੋਵੇਗੀ। ਅਸੀਂ ਪਿੰਡ ਦਾ ਨਾਮ ਬਦਲਣ ਲਈ ਮੁੱਖਮੰਤਰੀ ਦਫ਼ਤਰ ਬੇਨਤੀ ਵੀ ਕਰਨ ਗਏ ਸੀ ਪਰ ਅਸੀਂ ਉਨ੍ਹਾਂ ਨੂੰ ਮਿਲ ਨਹੀਂ ਸਕੇ।
ਉਨ੍ਹਾਂ ਨੇ ਕਿਹਾ, ਰਾਫੇਲ ਵਿਵਾਦ ਕਾਰਨ ਇਹ ਨਾਮ ਸਿਰਫ ਨਕਾਰਾਤਮਕ ਧਿਆਨ ਖਿਚਦਾ ਹੈ, ਪਰ ਸਾਡੇ ਪਿੰਡ ਦੀ ਕੋਈ ਪ੍ਰਵਾਹ ਨਹੀਂ ਕਰਦਾ। ਰਾਜ ਦੇ ਬਾਹਰ ਤਾਂ ਜਿਆਦਾਤਰ ਲੋਕਾਂ ਨੂੰ ਪਿੰਡ ਦੇ ਬਾਰੇ ਪਤਾ ਵੀ ਨਹੀਂ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਪਿੰਡ `ਚ ਪੀਣ ਵਾਲਾ ਪਾਣੀ ਅਤੇ ਸਫਾਈ ਵਰਗੀਆਂ ਬੁਨਿਆਦੀ ਸੁਵਿਧਾਵਾਂ ਵੀ ਨਹੀਂ ਹਨ। ਖੇਤੀ ਮੀਂਹ `ਤੇ ਆਧਾਰਿਤ ਹੈ, ਕਿਉਂਕਿ ਇੱਥੇ ਸਿੰਚਾਈ ਦੀ ਕੋਈ ਸਹੂਲਤ ਨਹੀਂ ਹੈ। ਧਰਮ ਸਿੰਘ ਨੂੰ ਇਸ ਗੱਲ ਦੀ ਕੋਈ ਜਾਣਕਾਰੀ ਨਹੀਂ ਹੈ ਕਿ ਪਿੰਡ ਦਾ ਨਾਮ ਰਾਫੇਲ ਕਿਉਂ ਰੱਖਿਆ ਗਿਆ ਅਤੇ ਇਸਦਾ ਕੀ ਮਤਲੱਬ ਹੈ।