ਬਾਲੀਵੁੱਡ ਦੇ ਬਿਹਤਰੀਨ ਅਭਿਨੇਤਾਵਾਂ ਵਿੱਚ ਸ਼ੁਮਾਰ ਨਵਾਜ਼ੂਦੀਨ ਸਿੱਦੀਕੀ ਦੇ ਕਰੀਅਰ ਵਿੱਚ ਇੱਕ ਵਾਰ ਫਿਰ ਨਵਾਂ ਮੁਕਾਮ ਆਇਆ ਹੈ। ਉਹ ‘ਨੋ ਮੈਂਸ ਲੈਂਡ’ 'ਤੇ ਬਣਨ ਵਾਲੀ ਫਿਲਮ ਵਿੱਚ ਬਤੌਰ ਲੀਡ ਨਜ਼ਰ ਆਉਣਗੇ। ਬੰਗਲਾ ਦੇਸ਼ੀ ਫਿਲਮ ਮੇਕਰ ਮੁਸਤਫਾ ਸਰਵਰ ਫਾਰੂਖੀ ਇਸ ਨੂੰ ਬਣਾ ਰਹੇ ਹਨ ਅਤੇ ਉਹ ਇਸ ਦੇ ਕੋ-ਪ੍ਰੋਡਿਊਸਰ ਵੀ ਹਨ।
ਇਹ ਅੰਗਰੇਜ਼ੀ ਫਿਲਮ ਹੋਵੇਗੀ, ਜਿਸ ਦੀ ਕਹਾਣੀ ਇੱਕ ਦੱਖਣੀ ਏਸ਼ੀਆਈ ਵਿਅਕਤੀ ਦੀ ਕਠਿਨ, ਅਜੀਬੋ ਗਰੀਬ ਅਤੇ ਮਜ਼ੇਦਾਰ ਯਾਤਰਾ ਦੇ ਆਸਪਾਸ ਘੰੁਮੇਗੀ, ਜਿਸ ਦੀ ਮੁਲਾਕਾਤ ਇੱਕ ਆਸਟਰੇਲੀਆਈ ਲੜਕੀ ਨਾਲ ਹੋਣ ਦੇ ਬਾਅਦ ਉਸ ਦੀ ਜ਼ਿੰਦਗੀ ਵਿੱਚ ਨਵਾਂ ਮੋੜ ਆ ਜਾਂਦਾ ਹੈ। ਨਵਾਜ਼ੂਦੀਨ ਨੇ ਇਸ ਬਾਰੇ ਟਵੀਟ ਕੀਤਾ, ‘‘ਸਭ ਤੋਂ ਵਧੀਆ ਸਕ੍ਰਿਪਟ ‘ਨੋ ਮੈਂਸ ਲੈਂਡ' ਉਤੇ ਇੱਕ ਫਿਲਮ ਬਣਨ ਵਾਲੀ ਹੈ।”