ਅਮਿਤਾਭ ਬੱਚਨ ਅਤੇ ਰਾਮਿਆ ਕ੍ਰਿਸ਼ਨਨ 20 ਸਾਲ ਬਾਅਦ ਇੱਕ ਵਾਰ ਫਿਰ ਇਕੱਠੇ ਨਜ਼ਰ ਆਉਣ ਵਾਲੇ ਹਨ। ਦੋਵਾਂ ਨੂੰ 1998 ਵਿੱਚ ਆਈ ਕਾਮੇਡੀ ਫਿਲਮ ‘ਬੜੇ ਮੀਆਂ ਛੋਟੇ ਮੀਆਂ’ ਵਿੱਚ ਇਕੱਠੇ ਦੇਖਿਆ ਗਿਆ ਸੀ। ਇਹ ਦੋਵੇਂ ਅਗਲੀ ਤਮਿਲ ਫਿਲਮ ਵਿੱਚ ਇੱਕ ਵਾਰ ਫਿਰ ਇਕੱਠੇ ਹੋਣਗੇ। ਅਮਿਤਾਭ ਇਸ ਫਿਲਮ ਨਾਲ ਤਮਿਲ ਇੰਡਸਟਰੀ ਵਿੱਚ ਡੈਬਿਊ ਕਰ ਰਹੇ ਹਨ। ਤਮਿਲ ਅਤੇ ਹਿੰਦੀ ਵਿੱਚ ਬਣ ਰਹੀ ਇਸ ਫਿਲਮ ਨੂੰ ਤਮਿਲਵਾਨਨ ਡਾਇਰੈਕਟ ਕਰ ਰਹੇ ਹਨ। ਬਿੱਗ ਬੀ ਫਿਲਮ ਵਿੱਚ ਫੁਲ ਲੈਂਥ ਰੋਲ ਵਿੱਚ ਨਜ਼ਰ ਆਉਣਗੇ।
ਡਾਇਰੈਕਟਰ ਤਮਿਲਵਾਨਨ ਨੇ ਪਿੱਛੇ ਜਿਹੇ ਇੱਕ ਇੰਟਰਵਿਊ ਵਿੱਚ ਇਹ ਜਾਣਕਾਰੀ ਦਿੱਤੀ ਹੈ ਕਿ ਫਿਲਮ ਵਿੱਚ ਰਾਮਿਆ ਤੇ ਅਮਿਤ ਦੀ ਜੋੜੀ ਦੇ ਨਾਲ ਦਰਸ਼ਕਾਂ ਦਿਲਚਸਪ ਕਹਾਣੀ ਦੇਖਣ ਨੂੰ ਮਿਲੇਗਾ। ਦੋ ਬਿਹਤਰੀਨ ਕੈਲੀਬਰ ਵਾਲੇ ਐਕਟਰਸ ਨੂੰ ਇਕੱਠੇ ਲਿਆਉਣਾ ਤੇ ਇਕੱਠੇ ਕੰਮ ਕਰਨਾ ਅਸਲ ਵਿੱਚ ਰੋਮਾਂਚਕ ਰਿਹਾ। ਫਿਲਹਾਲ ਅਸੀਂ ਦੋਵਾਂ ਦੇ ਵਿੱਚ ਮਹੱਤਵਪੂਰਨ ਦਿ੍ਰਸ਼ਾਂ ਦੀ ਸ਼ੂਟਿੰਗ ਕਰ ਰਹੇ ਹਾਂ। ਬਿੱਗ ਬੀ ਨੇ ਵੀ ਕੁੁਝ ਦਿਨ ਪਹਿਲਾਂ ਆਪਣੇ ਸੋਸ਼ਲ ਮੀਡੀਆ 'ਤੇ ਫਿਲਮ ਨਾਲ ਆਪਣੀ ਪਹਿਲੀ ਲੁਕ ਸ਼ੇਅਰ ਕੀਤੀ ਸੀ।