ਡਿਜੀਟਲ ਪਲੇਟਫਾਰਮ ਭਾਵ ਇੰਟਰਨੈੱਟ 'ਤੇ ਸ਼ੋਅਜ਼ ਦੀ ਲੋਕਪ੍ਰਿਅਤਾ ਦਿਨੋ ਦਿਨ ਵਧਦੀ ਜਾਂਦੀ ਹੈ ਅਤੇ ਅੱਗੋਂ ਅਕਸੈ ਕੁਮਾਰ ਦੀ ਲੋਕਪ੍ਰਿਅਤਾ ਕੈਸ਼ ਕਰਨ ਲਈ ਇੱਕ ਪ੍ਰੋਡਕਸ਼ਨ ਹਾਊਸ ਨੇ ਉਸ ਨੂੰ ਆਪਣੀ ਵੈੱਬ ਸੀਰੀਜ਼ ਦੇ ਲਈ ਸਾਈਨ ਕੀਤਾ ਹੈ। ਜਾਣਕਾਰ ਸੂਤਰਾਂ ਮੁਤਾਬਕ ਇਹੋ ਜਿਹੀ ਧਮਾਕੇਦਾਰ ਐਂਟਰੀ ਲਈ ਅਕਸ਼ੈ ਨੂੰ ਨੱਬੇ ਕਰੋੜ ਰੁਪਏ ਦਿੱਤੇ ਜਾਣਗੇ। ਇਨ੍ਹੀਂ ਦਿਨੀਂ ਤਾਜ਼ੇ-ਤਾਜ਼ੇ ਫਿਲਮ ‘ਕੇਸਰੀ’ ਦੀ ਸਫਲਤਾ ਦਾ ਆਨੰਦ ਮਾਣਦੇ ਪਏ ਅਕਸ਼ੈ ਨੂੰ ਆਪਣੀ ਵਰਕ-ਲਾਈਫ ਬੈਲੇਂਸ ਵਿੱਚ ਕਮਾਲ ਦੇ ਸੰਤੁਲਨ ਲਈ ਜਾਣਿਆ ਜਾਂਦਾ ਹੈ, ਜਿਹੜਾ ਸਭ ਤੋਂ ਤੇਜ਼ੀ ਨਾਲ ਫਿਲਮਾਂ ਕਰਨ ਵਾਲਾ ਬਾਲੀਵੁੱਡ ਸਟਾਰ ਹੈ। ਸਾਲ ਵਿੱਚ ਉਸ ਦੀਆਂ ਤਿੰਨ ਤੋਂ ਚਾਰ ਫਿਲਮਾਂ ਰਿਲੀਜ਼ ਹੋ ਰਹੀਆਂ ਹਨ।
ਅਕਸ਼ੈ ਦੀ ਸਫਲਤਾ ਦਾ ਸਿੱਕਾ ਅੱਜ ਵੀ ਕਾਇਮ ਹੈ ਜਿਸ ਦੀ ਵਜ੍ਹਾ ਉਸ ਦੀ ਸਖਤ ਮਿਹਨਤ ਤੇ ਜ਼ਮੀਨ ਨਾਲ ਜੁੜਿਆ ਸੁਭਾਅ ਹੈ। ਜਾਣਕਾਰ ਸੂਤਰਾਂ ਦਾ ਕਹਿਣਾ ਹੈ ਕਿ ਅਕਸ਼ੈ ਦੀ ਵੈੱਬ ਸੀਰੀਜ਼ ‘ਦਿ ਐਂਡ’ ਤਿੰਨ ਹਿੱਸਿਆਂ ਵਿੱਚ ਬਣਾਈ ਜਾਏਗੀ। ਇਸ ਦੇ ਪਹਿਲੇ ਸੀਜ਼ਨ ਦੀ ਸ਼ੂਟਿੰਗ ਅਕਸ਼ੈ ਛੇਤੀ ਹੀ ਸ਼ੁਰੂ ਕਰ ਦੇਵੇਗਾ। ਸੀਜ਼ਨ ਵਿੱਚ ਅੱਠ ਐਪੀਸੋਡ ਹੋਣਗੇ। ਨਿਰਮਾਤਾ ਤਿੰਨੇ ਸੀਜ਼ਨ ਨੂੰ ਇੱਕ-ਇੱਕ ਕਰ ਕੇ ਤਿੰਨ ਸਾਲ ਵਿੱਚ ਰਿਲੀਜ਼ ਕਰਨਗੇ। ਇਸ ਵੈੱਬ ਸੀਰੀਜ਼ ਲਈ ਅਕਸ਼ੈ ਨੇ ਖਾਸ ਸ਼ਡਿਊਲ ਬਣਾਇਆ ਹੈ ਤਾਂ ਕਿ ਇਸ ਦਾ ਅਸਰ ਉਸ ਦੀਆਂ ਫਿਲਮਾਂ ਦੀ ਸ਼ੂਟਿੰਗ 'ਤੇ ਨਾ ਪਏ।