ਕੁਝ ਸਮਾਂ ਪਹਿਲਾਂ ਕੰਗਨਾ ਰਣੌਤ ਨੇ ਅਨੁਰਾਗ ਬਸੁ ਦੀ ਫਿਲਮ ‘ਇਮਲੀ’ ਕਰਨ ਦੇ ਲਈ ਐਲਾਨ ਕੀਤਾ ਸੀ। ਜੈਲਲਿਤਾ ਦੀ ਬਾਇਓਪਿਕ ਸਾਈਨ ਕਰਨ ਦੇ ਬਾਅਦ ਕੰਗਨਾ ਨੇ ‘ਇਮਲੀ’ ਤੋਂ ਕਿਨਾਰਾ ਕਰ ਲਿਆ। ਅਨੁਰਾਗ ਬਸੁ ਦੀ ਫਿਲਮ ‘ਗੈਂਗਸਟਰ’ ਨਾਲ ਕੰਗਨਾ ਨੇ ਐਕਟਿੰਗ ਜਗਤ ਦਾ ਸਫਰ ਸ਼ੁਰੂ ਕੀਤਾ ਸੀ। ‘ਮਣੀਕਰਣਿਕਾ’ ਦੀ ਸਫਲਤਾ ਦੇ ਬਾਅਦ ਕੰਗਨਾ ਆਪਣੇ ਨਿਰਦੇਸ਼ਨ ਦੇ ਕਰੀਅਰ ਨੂੰ ਰਫਤਾਰ ਦੇਣਾ ਚਾਹੁੰਦੀ ਸੀ, ਪਰ ਜੈਲਲਿਤਾ ਦੀ ਬਾਇਓਪਿਕ ਸਾਈਨ ਕਰਨ ਦੇ ਕਾਰਨ ਉਸ ਨੂੰ ਵੀ ਟਾਲਣਾ ਪਿਆ ਹੈ।
ਕੰਗਨਾ ਮੁਤਾਬਕ ਪਿਛਲੇ ਸਾਲ ਮੈਂ ‘ਇਮਲੀ' ਅਤੇ ‘ਪੰਗਾ’ ਕਰਨ ਦਾ ਐਲਾਨ ਕੀਤਾ ਸੀ। ਅਨੁਰਾਗ ਦੀ ਫਿਲਮ ਦੀ ਸ਼ੂਟਿੰਗ ਪਿਛਲੇ ਸਾਲ ਨਵੰਬਰ ਵਿੱਚ ਹੋਣੀ ਸੀ, ਪਰ ਮੈਂ ‘ਮਣੀਕਰਣਿਕਾ’ ਨੂੰ ਰੀਸ਼ੂਟ ਕਰਨਾ ਸੀ। ਉਸ ਕਾਰਨ ‘ਇਮਲੀ’ ਦੀ ਸ਼ੂਟਿੰਗ ਦੀਆਂ ਤਰੀਕਾਂ ਨੂੰ ਅੱਗੇ ਵਧਾਉਣਾ ਪਿਆ। ‘ਪੰਗਾ’ ਦੀ ਸ਼ੂਟਿੰਗ ਸ਼ੁਰੂ ਹੋ ਚੁੱਕੀ ਹੈ। ਮੈਂ ਜੈਲਲਿਤਾ ਦੀ ਬਾਇਓਪਿਕ ਸਾਈਨ ਕੀਤੀ ਹੈ, ਕਿਉਂਕਿ ਉਸ ਦਾ ਕਿਰਦਾਰ ਮਜ਼ਬੂਤ ਹੈ। ਫਿਲਹਾਲ ‘ਇਮਲੀ' ਛੱਡਣ 'ਤੇ 'ਤੇ ਮੈਨੂੰ ਕਾਫੀ ਬੁਰਾ ਲੱਗ ਰਿਹਾ ਹੈ। ਫਿਲਮ ਦੇ ਕਾਰਨ ਮੈਨੂੰ ਆਪਣੇ ਮੇਂਟਰ ਦੇ ਨਾਲ ਕੰਮ ਕਰਨ ਦਾ ਮੌਕਾ ਮਿਲ ਰਿਹਾ ਸੀ, ਪਰ ਕੁਝ ਹੀ ਹਫਤਿਆਂ ਵਿੱਚ ਮੈਂ ਆਪਣੀ ਫਿਲਮ ਦਾ ਐਲਾਨ ਕਰਨ ਵਾਲੀ ਹਾਂ। ਉਸ ਵਿੱਚ ਕਾਫੀ ਸਮਾਂ ਲੱਗੇਗਾ। ਇਹ ਗੱਲ ਮੈਂ ਅਨੁਰਾਗ ਨਾਲ ਵੀ ਸਾਂਝੀ ਕੀਤੀ ਹੈ। ਉਹ ਮੇਰੀ ਮਜਬੂਰੀ ਨੂੰ ਸਮਝ ਰਹੇ ਹਨ।”