ਸ਼ਰਮਨ ਜੋਸ਼ੀ ਆਪਣੀ ਅਗਲੀ ਫਿਲਮ ‘ਦ ਲੀਸਟ ਆਫ ਦੀਜ : ਦ ਗ੍ਰਾਹਮ ਸਟੈਂਸ ਸਟੋਰੀ’ ਵਿੱਚ ਜਰਨਲਿਸਟ ਦਾ ਕਿਰਦਾਰ ਨਿਭਾ ਰਹੇ ਹਨ। ਇਹ ਫਿਲਮ ਉਸ ਸੱਚੀ ਘਟਨਾ ਬਾਰੇ ਹੈ, ਜਿਸ ਵਿੱਚ ਉੜੀਸਾ ਵਿੱਚ ਆਸਟਰੇਲੀਅਨ ਮਿਸ਼ਨਰੀ ਗ੍ਰਾਹਮ ਸਟੇਨਸ ਅਤੇ ਉਸ ਦੇ ਦੋ ਪੁੱਤਰਾਂ ਨੂੰ ਹਿੰਸਕ ਭੀੜ ਨੇ ਜਿੰਦਾ ਸਾੜ ਦਿੱਤਾ ਸੀ। ਮੁਲਾਕਾਤ ਵਿੱਚ ਸ਼ਰਮਨ ਨਾਲ ਇਸ ਫਿਲਮ ਅਤੇ ਕਰੀਅਰ ਦੇ ਬਾਰੇ ਗੱਲਬਾਤ ਹੋਈ। ਪੇਸ਼ ਹਨ ਉਸੇ ਗੱਲ ਦੇ ਕੁਝ ਅੰਸ਼ :
* ਤੁਸੀਂ ਆਪਣੇ ਇਸ ਕਿਰਦਾਰ ਦੀ ਤਿਆਰੀ ਕਿਵੇਂ ਕੀਤੀ ਹੈ?
- ਫਿਲਮ ਦੀ ਸਟੋਰੀ ਰੀਅਲ ਹੋ ਕੇ ਵੀ ਮੇਰਾ ਕਰੈਕਟਰ ਰੀਅਲ ਨਹੀਂ। ਮੇਰੇ ਕਰੈਕਟਰ ਨੂੰ ਡਾਇਰੈਕਟਰ ਨੇ ਖੁਦ ਕ੍ਰਿਏਟ ਕੀਤਾ ਹੈ। ਇਸ ਕਰੈਕਟਰ ਵਿੱਚ ਢਲਣ ਲਈ ਮੇਰੇ ਕੋਲ ਕੋਈ ਰਿਫਰੈਂਸ ਪੁਆਇੰਟ ਨਹੀਂ ਸੀ। ਇਹ ਸਟੋਰੀ ਜਰਨਲਿਸਟ ਦੀ ਨਜ਼ਰ ਨਾਲ ਦਿਖਾਈ ਗਈ ਹੈ। ਮੈਂ ਜਰਨਲਿਸਟ ਵਾਂਗ ਬਰੀਕੀਆਂ ਸਿੱਖੀਆਂ ਤਾਂ ਇਸ ਕਿਰਦਾਰ ਨੂੰ ਨਿਭਾਉਣ ਵਿੱਚ ਕਾਫੀ ਮਦਦ ਮਿਲੀ। ਇਹ ਜਰਨਲਿਸਟ ਇੱਕ ਛੋਟੇ ਪਬਲੀਕੇਸ਼ਨ ਦਾ ਹਿੱਸਾ ਦਿਖਾਇਆ ਗਿਆ ਹੈ।
* ਕੀ ਤੁਹਾਨੂੰ ਇਸ ਫਿਲਮ ਨਾਲ ਜੁੜੀ ਕੋਈ ਘਟਨਾ ਯਾਦ ਹੈ?
- ਹਾਂ, ਨੱਬੇ ਦੇ ਦਹਾਕੇ ਵਿੱਚ ਇਹ ਘਟਨਾ ਹੋਈ ਸੀ। ਮੈਂ ਉਸ ਸਮੇਂ ਕਾਫੀ ਯੰਗ ਸੀ। ਇਸ ਘਟਨਾ ਨੇ ਪੂਰੇ ਦੇਸ਼ ਨੂੰ ਝੰਜੋੜ ਕੇ ਰੱਖ ਦਿੱਤਾ ਸੀ, ਪਰ ਸਮਾਂ ਬੀਤਣ ਨਾਲ ਲੋਕ ਇਸ ਨੂੰ ਭੁੱਲ ਗੲ। ਇਸ ਫਿਲਮ ਨਾਲ ਅਸੀਂ ਉਸ ਘਟਨਾ ਨੂੰ ਦੱਸਣਾ ਚਾਹੁੰਦੇ ਹਾਂ। ਅਸੀਂ ਆਪਣੇ ਬੱਚਿਆਂ ਅਤੇ ਆਉਣ ਵਾਲੀ ਪੀੜ੍ਹੀ ਨੂੰ ਪਿਆਰ ਅਤੇ ਸ਼ਾਂਤੀ ਦਾ ਸੰਦੇਸ਼ ਦੇਣਾ ਚਾਹੁੰਦੇ ਹਾਂ।
* ਮੌਜੂਦਾ ਸਮੇਂ ਵਿੱਚ ਜੇ ਅਜਿਹੀ ਸਥਿਤੀ ਕਾਇਮ ਵੇਖਦੇ ਹੋ, ਤਾਂ ਇਸ ਬਾਰੇ ਤੁਹਾਡਾ ਕੀ ਕਹਿਣਾ ਹੈ?
- ਮੈਨੂੰ ਇਸ ਵਿਸ਼ੇ ਦੇ ਬਾਰੇ ਡੂੰਘੀ ਜਾਣਕਾਰੀ ਨਹੀਂ, ਸਿਰਫ ਮਾੜਾ-ਮੋਟਾ ਪਤਾ ਹੈ। ਇਸ ਲਈ ਮੈਂ ਇਸ ਬਾਰੇ ਕੁਮੈਂਟ ਨਹੀਂ ਕਰਾਂਗਾ। ਸਿਰਫ ਇੰਨਾ ਕਹਿਣਾ ਚਾਹਾਂਗਾ ਕਿ ਅਜਿਹੀਆਂ ਚੀਜ਼ਾਂ ਤੋਂ ਪ੍ਰਭਾਵਿਤ ਹੋ ਕੇ ਸਾਨੂੰ ਕੁਝ ਗਲਤ ਨਹੀਂ ਕਰਨਾ ਚਾਹੀਦਾ। ਇਹ ਸਾਡੀ ਜ਼ਿੰਮੇਵਾਰੀ ਹੈ ਕਿ ਸਹੀ ਜਾਣਕਾਰੀ ਲੋਕਾਂ ਤੱਕ ਪੁਚਾਈਏ। ਅਜਿਹੀਆਂ ਘਟਨਾਵਾਂ ਦੁਨੀਆ ਦੇ ਕਈ ਦੇਸ਼ਾਂ ਵਿੱਚ ਵਾਪਰਦੀਆਂ ਹਨ। ਇਸ ਦੀ ਤਾਜ਼ਾ ਮਿਸਾਲ ਪਿੱਛੇ ਜਿਹੇ ਨਿਊਜ਼ੀਲੈਂਡ ਦੀ ਘਟਨਾ ਤੋਂ ਮਿਲੀ ਹੈ। ਸਾਨੂੰ ਬੁਰੀਆਂ ਤਾਕਤਾਂ ਦੇ ਖਿਲਾਫ ਲੜਨਾ ਚਾਹੀਦਾ ਹੈ।
* ਕੀ ਤੁਸੀਂ ਚੋਣਵੀਆਂ ਫਿਲਮਾਂ ਵਿੱਚ ਹੀ ਕੰਮ ਕਰਨ ਦਾ ਫੈਸਲਾ ਕੀਤਾ ਹੈ?
- ਮੈਂ ਅਜਿਹਾ ਕੁਝ ਨਹੀਂ ਸੋਚਿਆ। ਮੈਂ ਐਵੇਂ ਹੀ ਗਿਣੀਆਂ-ਚੁਣੀਆਂ ਫਿਲਮਾਂ ਨਹੀਂ ਕਰਦਾ।
* ਕੀ ਤੁਹਾਡੇ ਲਈ ਕਮਰਸ਼ੀਅਲ ਸਕਸੈਸ ਅਹਿਮੀਅਤ ਲੱਖਦੀ ਹੈ?
- ਮੇਰੇ ਕਰੀਅਰ ਦੀ ਪਹਿਲੀ ਆਫਬੀਟ ਫਿਲਮ ‘ਗਾਡ ਫਾਦਰ' ਸੀ। ਉਸ ਦੇ ਬਾਅਦ ਮੈਂ ‘ਸਟਾਈਲ’ ਵਾਂਗ ਆਪੋਜ਼ਿਟ ਸਬਜੈਕਟ ਵਾਲੀਆਂ ਫਿਲਮਾਂ ਕੀਤੀਆਂ। ਮੇਰਾ ਕਰੀਅਰ ਸ਼ੁਰੂ ਤੋਂ ਹੀ ਵੱਖਰੀ ਰਾਹ ਉਤੇ ਚਲਦਾ ਆ ਰਿਹਾ ਹੈ ਅਤੇ ਇਸ ਨੂੰ ਮੈਂ ਇੰਜੁਆਏ ਕਰ ਰਿਹਾ ਹਾਂ।
* ਆਪਣੀਆਂ ਵਾਲੀਆਂ ਫਿਲਮਾਂ ਬਾਰੇ ਕੁਝ ਦੱਸੋ?
- ਮੇਰੀ ਅਗਲੀ ਕਮਰਸ਼ੀਅਲ ਫਿਲਮ ‘ਮਿਸ਼ਨ ਮੰਗਲ’ ਹੈ। ਇਸ ਦੇ ਨਾਲ ਇੱਕ ‘ਬਾਰਿਸ਼’ ਨਾਂਅ ਦਾ ਸ਼ੋਅ ਅਤੇ ‘ਫੌਜੀ ਕਾਲਿੰਗ’ ਨਾਂਅ ਦੀ ਇੱਕ ਫਿਲਮ ਵੀ ਕਰ ਰਿਹਾ ਹਾਂ।