ਮਾਂਟਰੀਅਲ, 9 ਅਪਰੈਲ (ਪੋਸਟ ਬਿਊਰੋ) : ਦੱਖਣੀ ਕਿਊਬਿਕ ਵਿੱਚ ਹੱਢ ਜਮਾ ਦੇਣ ਵਾਲੇ ਮੀਂਹ ਤੇ ਤੇਜ਼ ਹਵਾਵਾਂ ਕਾਰਨ ਹਜ਼ਾਰਾਂ ਲੋਕਾਂ ਨੂੰ ਬਿਜਲੀ ਤੋਂ ਬਿਨਾਂ ਗੁਜ਼ਾਰਾ ਕਰਨਾ ਪੈ ਰਿਹਾ ਹੈ।
ਕਿਊਬਿਕ ਹਾਈਡਰੋ ਦਾ ਕਹਿਣਾ ਹੈ ਕਿ ਸੋਮਵਾਰ ਨੂੰ ਆਏ ਜ਼ਬਰਦਸਤ ਤੂਫਾਨ ਕਾਰਨ ਰੁੱਖ ਤੇ ਪੇੜਾਂ ਦੀਆਂ ਟਾਹਣੀਆਂ ਉਨ੍ਹਾਂ ਦੇ ਨੈੱਟਵਰਕ ਦੇ ਸੰਪਰਕ ਵਿੱਚ ਆ ਗਈਆਂ ਜਿਸ ਕਾਰਨ 275,000 ਲੋਕ ਮੰਗਲਵਾਰ ਸਵੇਰ ਤੱਕ ਬਿਜਲੀ ਤੋਂ ਵਾਂਝੇ ਹੋ ਗਏ। ਕ੍ਰਾਊਨ ਕਾਰਪੋਰੇਸ਼ਨ ਦਾ ਕਹਿਣਾ ਹੈ ਕਿ ਸੱਭ ਤੋਂ ਵੱਧ ਜਿਨ੍ਹਾਂ ਇਲਾਕਿਆਂ ਨੂੰ ਨੁਕਸਾਨ ਹੋਇਆ ਉਨ੍ਹਾਂ ਵਿੱਚ ਲਵਲ, ਲਾਨਾਡਿਏਰੇ ਤੇ ਲਾਰੈਨਟੀਅਨਜ਼ ਸ਼ਾਮਲ ਹਨ।
ਇਸ ਦੌਰਾਨ, ਲਵਲ ਵੱਲੋਂ ਉਨ੍ਹਾਂ ਲੋਕਾਂ ਲਈ ਦੋ ਕਮਿਊਨਿਟੀ ਸੈਂਟਰ ਖੋਲ੍ਹੇ ਗਏ ਜਿਨ੍ਹਾਂ ਦੇ ਘਰਾਂ ਦੀ ਬਿਜਲੀ ਗੁੱਲ ਹੋ ਗਈ ਸੀ। ਮੰਗਲਵਾਰ ਸਵੇਰੇ, 80,000 ਲੋਕ ਬਿਜਲੀ ਤੋਂ ਬਿਨਾਂ ਗੁਜ਼ਾਰਾ ਕਰਨ ਲਈ ਮਜਬੂਰ ਸਨ ਜਦਕਿ 90,000 ਲੋਕ ਲਾਨਾਡਿਏਰੇ ਵਿੱਚ ਹਨ੍ਹੇਰੇ ਵਿੱਚ ਰਹਿ ਰਹੇ ਸਨ।