ਬਾਲੀਵੁੱਡ ਅਭਿਨੇਤਰੀ ਆਲੀਆ ਭੱਟ ਅਜੇ ਰਣਬੀਰ ਕਪੂਰ ਨਾਲ ਹੋਰ ਕੰਮ ਕਰਦੀ ਨਹੀਂ ਦਿੱਸੇਗੀ। ਆਲੀਆ ਤੇ ਰਣਬੀਰ ਦੀ ਜੋੜੀ ਰੀਲ ਲਾਈਫ ਤੋਂ ਇਲਾਵਾ ਰੀਅਲ ਲਾਈਫ ਵਿੱਚ ਵੀ ਸੁਰਖੀਆਂ ਵਿੱਚ ਹੈ। ਇਹ ਦੋਵੇਂ ਇਨ੍ਹੀਂ ਦਿਨੀਂ ਫਿਲਮ ‘ਬ੍ਰਹਮਾਸਤਰ’ ਵਿੱਚ ਕੰਮ ਕਰ ਰਹੇ ਹਨ। ਇਸ ਜੋੜੀ ਨੂੰ ਕਈ ਨਿਰਦੇਸ਼ਕਾਂ ਨੇ ਪਰਦੇ 'ਤੇ ਉਤਾਰਨ ਦਾ ਪਲਾਨ ਕੀਤਾ ਹੈ, ਪਰ ਆਲੀਆ ਤੇ ਰਣਬੀਰ ਨੇ ਇਕੱਠਿਆਂ ਕੰਮ ਕਰਨ ਤੋਂ ਇਨਕਾਰ ਕਰ ਦਿੱਤਾ ਹੈ।
ਚਰਚਾ ਸੀ ਕਿ ਆਲੀਆ ਤੇ ਰਣਬੀਰ ਦੀ ਜੋੜੀ ਲਵ ਰੰਜਨ ਦੀ ਫਿਲਮ ਵਿੱਚ ਦਿਖਾਈ ਦੇਵੇਗੀ। ਅੱਗੋਂ ਚਰਚਾ ਹੋ ਰਹੀ ਹੈ ਕਿ ਆਲੀਆ ਨੇ ਫਿਲਮ ਵਿੱਚ ਕੰਮ ਕਰਨ ਤੋਂ ਨਾਂਹ ਕਰ ਦਿੱਤੀ ਹੈ। ਦੱਸਿਆ ਗਿਆ ਹੈ ਕਿ ਆਲੀਆ ਤੇ ਰਣਬੀਰ ਨੇ ‘ਬ੍ਰਹਮਾਸਤਰ' ਵਿੱਚ ਕੰਮ ਕਰਨ ਕਰ ਕੇ ਇਕੱਠਿਆਂ ਫਿਲਮ ਨਾ ਕਰਨ ਦਾ ਫੈਸਲਾ ਕੀਤਾ ਹੈ। ਜਦੋਂ ਤੱਕ ਇਹ ਫਿਲਮ ਪੂਰੀ ਨਹੀਂ ਹੋ ਜਾਂਦੀ, ਦੋਵੇਂ ਉਦੋਂ ਤੱਕ ਇਕੱਠੇ ਕੋਈ ਫਿਲਮ ਸਾਈਨ ਨਹੀਂ ਕਰਨਗੇ। ਦੱਸਿਆ ਜਾ ਰਿਹਾ ਹੈ ਕਿ ਦੋਵਾਂ ਨੇ ਅਜੇ ‘ਬ੍ਰਹਮਾਸਤਰ' ਲਈ 150 ਦਿਨਾਂ ਦੀ ਸ਼ੂਟਿੰਗ ਕਰਨੀ ਹੈ।