ਬਾਲੀਵੁੱਡ ਅਭਿਨੇਤਰੀ ਜਾਹਨਵੀ ਕਪੂਰ ਸਿੰਘਮ ਸਟਾਰ ਅਜੈ ਦੇਵਗਨ ਨਾਲ ਕੰਮ ਕਰਦੀ ਨਜ਼ਰ ਆ ਸਕਦੀ ਹੈ। ਬੋਨੀ ਕਪੂਰ ਤੇ ਸ੍ਰੀਦੇਵੀ ਦੀ ਧੀ ਜਾਹਨਵੀ ਨੇ ਪਿਛਲੇ ਸਾਲ ਰਿਲੀਜ਼ ਹੋਈ ਫਿਲਮ ‘ਧੜਕ’ ਨਾਲ ਬਾਲੀਵੁੱਡ ਵਿੱਚ ਡੈਬਿਊ ਕੀਤਾ ਸੀ। ਇਸ ਸਮੇਂ ਜਾਹਨਵੀ ਆਪਣੀ ਅਗਲੀ ਫਿਲਮ ਗੁੂੰਜਨ ਸਕਸੈਨਾ ਦੀ ਬਾਇਓਪਿਕ ਵਿੱਚ ਰੁੱਝੀ ਹੋਈ ਹੈ। ਉਸ ਤੋਂ ਬਾਅਦ ਉਹ ਕਰਣ ਜੌਹਰ ਦੀ ‘ਤਖਤ’ ਵਿੱਚ ਨਜ਼ਰ ਆਏਗੀ।
ਇਸ ਤੋਂ ਇਲਾਵਾ ਜਾਹਨਵੀ ਦੇ ਹੱਥ ਇੱਕ ਹੋਰ ਪ੍ਰੋਜੈਕਟ ਲੱਗਾ ਹੈ। ਉਹ ਰਾਜ ਕੁਮਾਰ ਰਾਓ ਨਾਲ ‘ਰੂਹ ਅਫਜ਼ਾ’ ਵਰਗੀ ਹਾਰਰ ਕਾਮੇਡੀ ਕਰੇਗੀ, ਜਿਸ ਵਿੱਚ ਉਸ ਦਾ ਡਬਲ ਰੋਲ ਹੈ। ਚਰਚਾ ਹੈ ਕਿ ਉਸ ਨੂੰ ਅਜੈ ਦੇਵਗਨ ਦੀ ਆਉਣ ਵਾਲੀ ਫਿਲਮ ਵਿੱਚ ਕੰਮ ਕਰਨ ਦਾ ਮੌਕਾ ਮਿਲਿਆ ਹੈ। ਉਹ ਅਜੈ ਦੇਵਗਨ ਦੀ ਫਿਲਮ ‘ਸਈਜ ਅਬਦੁਲ ਰਹੀਮ’ ਵਿੱਚ ਨਜ਼ਰ ਆ ਰਹੀ ਹੈ। ਇਸ ਫਿਲਮ ਦਾ ਨਿਰਮਾਣ ਜਾਹਨਵੀ ਦੇ ਪਿਤਾ ਬੋਨੀ ਕਪੂਰ ਕਰ ਰਹੇ ਹਨ।